Մարտունիում հակառակորդին հաջողվել էր մի դիրք վերցնել, բայց հետ շպրտեցինք. Հովհաննիսյան

Մարտունիում առավոտյան հակառակորդին հաջողվել էր մի դիրք վերցնել, սպասում էինք երկրորդ հարձակմանը, բայց չեղավ: Այս մասին Հանրային ՀԸ եթերում հայտնեց ՀՀ ՊՆ ներկայացուցիչ Արծրուն Հովհաննիսյանը՝ նշելով, որ օրվա ընթացքում, կորցնելով զինտեխնիկա, հայկական ուժերի կողմից հետ շպրտվեցին: 

«Մատաղիսի ուղղությամբ հարձակումներ եղել են: Հադրութից արևմուտք ծանր մարտեր են ընթացել օրվա ընթացքում, կուտակումներ կան, հիմա էլ կա, մեկ-երկու գրոհ մեզ հաջողվել է հետ շպրտել, սակայն ոչ մի դիրք չեն կարողացել վերցնել, մարտերը այդ ուղղությամբ հիմա էլ շարունակվում են: Համառ մարտեր են եղել նաև Ճարտարում, Մարտունիից հարավ-արևմուտք, բայց էլի հաջողության չեն հասել»,- ասաց Հովհաննիսյանը:

Նա նաև անդրադարձավ Ստեփանակերտում տիրող իրավիճակին:

«Երեկ երեկոյան Ստեփանակերտի մասին գրառումներն ինձ էլ տխրեցրեցին, բայց այսօր ամբողջ օրը նորմալ է եղել: Քաղաքացիականները շարունակում են գործել, ռազմականն ընդհանրապես իդեալական գործում է»,- ասաց նա:

Հովհաննիսյանը նաև հայտնեց՝ երեկ ու այսօր Ստեփանակերտը հրետակոծվել է, «Սմերչ», «Գրադ» և այլ միջոցներ են կիրառվել քաղաքի ուղղությամբ:

Դիտարկմանը, թե հակառակորդն անընդհատ նոր ուժեր է կենտրոնացնում, Հովհաննիսյանը նշեց.

«Ի վերջո, իրենք մտել են մեր տունը, մենք կռվում ենք մեր տան մեջ, և մենք մեր տունը լավ գիտենք: Պատերազմի սկսվելուց 15 օր հետո մեր կորուստները սկսել են նվազել. այնպիսին չեն, որ լինի ներուժը սպառող պատերազմ»:

Հովհաննիսյանը նշեց նաև կորուստները նվազեցնող այլ գործոններ՝ տեղանքն է փոխվել, կարողանում ենք չեզոքացնել ավելի արդիական տեխնոլոգիաներ, բացի այդ, ձմեռը ավելի բարդ շրջան է կռվի համար, իսկ հակառակորդը դրա տխուր փորձը ունի:

Այս թեմայով «Վաղուց այսպես չէի հուզվել». Արծրուն Հովհաննիսյանը լուսանկար է հրապարակել Սարգսյան Գուրգեն Աշոտի իսկական, արժանապատիվ հայ զինվորական, ով գերի չհանձնվեց. Արծրուն Հովհաննիսյան «Իրականում ամեն ինչ այդքան էլ մռայլ չէ». Արծրուն Հովհաննիսյանը` սահմանային միջադեպերի մասին «Սեպտեմբերի 25-ին ԳՇ պետի կողմից հրահանգ է եղել»․ Արծրուն Հովհաննիսյանի նոր բացահայտումները Այս ամենը գրվելու է. Արծրուն Հովհաննիսյան Հայտնի է` ինչ պաշտոն կզբաղեցնի Արծրուն Հովհաննիսյանը Արծրուն Հովհաննիսյանը նոր աշխատանքի կանցնի ՀՀ Ազգային ժողովում. ArmLur.am Սեպտեմբերյան պատերազմ. ՄԱՍ 2. Արծրուն Հովհաննիսյանը նոր մարնրամասներ է ներկայացնում 44-օրյա պատերազմից Մենք հաջորդ պատերազմին նման կեղծ թիրախներ անգամ միլիոն հատ ունենանք արդեն պարտված կլինենք նորից. Արծրուն Հովհաննիսյան Մենք կոնվենցիոնալ պատերազմում չենք կարող թուրքին հաղթել, բայց պատերազմի այլ ֆորմատներ կան. Արծրուն Հովհաննիսյան