«Փաստ». Ապրիլյանի հանձնաժողովում եւս խուճապ է

«Փաստ» օրաթերթը գրում է. «Փաստ» թերթի տեղեկություններով, ՀՀ-ում տիրող ներքաղաքական տուրբուլենտ իրավիճակի արդյունքում օրվա իշխանություններն ամբողջությամբ ցայտնոտի մեջ են։

Կարծիք կա, որ գործ ունենք փլուզվող «շինության» հետ: Այս խուճապային իրավիճակն իր ազդեցությունն է ունեցել նաեւ Ապրիլյան պատերազմի հանգամանքներն ուսումնասիրող քննիչ հանձնաժողովի աշխատանքների վրա, քանի որ հանձնաժողովը, որը ստեղծվել էր նախկին իշխանությունների գլխին հարվածող մահակի ֆունկցիա կատարելու համար, եւ մինչ պատերազմը «ճոխ-ճոխ» հայտարարություններով էր հանդես գալիս՝ անընդհատ շահարկելով տարածքային կորուստների, մոտ 20 դիրքի կորստի, մարդկային զոհերի եւ այլ թերացումների մասի, ներկայումս բախվել է լրիվ այլ իրողության։

Բանն այն է, որ 44 օր տեւած պատերազմը զրոյացրեց այդ ողջ գործընթացը՝ անիմաստ դարձնելով այդ հանձնաժողովի գոյության իմաստն ընդհանրապես։ «Հենց ստեղծման օրվանից էլ ակնհայտ էր, որ քննիչ հանձնաժողովը բացառապես քաղաքական գործառույթներ ունեցող կառույց է, իսկ վերջին պատերազմում արձանագրված խայտառակ կորուստները՝ թե՛ տարծքային, թե՛ մարդկային, որոնց պատասխանատուն օրվա իշխանությունն է, հանձնաժողովն ամբողջությամբ փակուղու առաջ է կանգնեցրել, եւ ներկայումս հանձնաժողովը փաստացի չգիտի, թե քայլերի ինչ հաջորդականություն իրականացնի եւ հանրությանն ինչպես մատուցի իր այդքան ամիսների թեզերը»,- մեզ հետ զրույցում ասաց թեմային իրապես տիրապետող փորձագետներից մեկը, որը ցանկացավ անհայտ մնալ։

Թերթի տեղեկություններով, այս հարցում լուրջ փակուղու առջեւ են նաեւ հանձնաժողովի անդամները եւ անձամբ հանձնաժողովի նախագահ Անդրանիկ Քոչարյանը, քանի որ այն, ինչ պետք է գրեին Սերժ Սարգսյանի դեպքում եւ փորձեին «բոչկա գլորել», այդ ամենն ուղղվեց իրենց դեմ, ընդ որում՝ այս դեպքում փաստացի, առանց «սարքելու»:

Այս թեմայով Սուրեն Պապիկյանի կինը հանձնաժողով տվյալներ չի ներկայացրել 2,100,000 դրամ, 17,700 ԱՄՆ դոլար, 2000 եվրո եկամտի վերաբերյալ․ «Հրապարակ» «Ժողովուրդ». Արցախի պատգամավորները մտադիր են ԱԺ քննիչ հանձնաժողով ստեղծել Հայաստանի և Ադրբեջանի սահմանազատման հանձնաժողովների հանդիպումն ավարտվել է Նարինե Ավետիսյանը չընտրվեց Կոռուպցիայի կանխարգելման հանձնաժողովի անդամի պաշտոնում «Ժողովուրդ». Ինչ խաղի կանոններ են փոխվել հիմա. ինչու Սամվել Բաբայանը եկավ քննիչ հանձնաժողով Ախմախն է հրաժարվում քննիչ հանձնաժողով գալուց, Սամվել Բաբայանը ցանկանում է գալ, Ջալալին սպասում ենք «Ժողովուրդ». Արդյոք Անդրանիկ Քոչարյանը դիմե՞լ է Ալիեւին, որ բարձրաստիճան գերին ԱԺ քննիչ հանձնաժողով գա Առաջարկում եմ միջադեպի մասով ձևավորել էթիկայի հանձնաժողով.. Զեյնալյան ԱՄՆ-ի դեմ հայտարարություն ընդունելու հանձնաժողով՝ Ադրբեջանում․ պատճառը ՀՀ աջակցության օրինագիծն է Շահրամանյանին քննիչ հանձնաժողով են հրավիրել որպես ԱԱԾ նախկին տնօրեն, ինչու՞ ՀՀ-ինն էլ չեն հրավիրում