«Ժողովուրդ». Ինչ վնասներ է կրել ԱԺ-ն հայտնի դեպքի ժամանակ

«Ժողովուրդ» օրաթերթը գրում է. «Նախաքննական մարմինը սկսել է ուսումնասիրել եւ գույքագրել այն վնասները, որոնք կրել է խորհրդարանը նոյեմբերի 9-ին գիշերը լույս 10-ին տեղի ունեցած իրադարձությունների ժամանակ:

Հիշեցնենք, որ այդ օրը՝ Հայաստանի, Ռուսաստանի եւ Ադրբեջանի ղեկավարների համատեղ հայտարարության հրապարակումից հետո, մեծ թվով մարդիկ հավաքվել էին կառավարության եւ խորհրդարանի դիմաց, մտել հաստատությունների տարածքներ, ՀՀ Ազգային ժողովի շենքերում ջարդ, գույքի ոչնչացում կամ վնասում իրականացրել: Եվ այս գործողությունների հետ կապված արդեն իսկ կան բերման ենթարկվածներ, ձերբակալվածներ եւ կալանավորվածներ։

Ինչպես հայտնի է, այդ օրը գրեթե բոլոր պատգամավորների աշխատասենյակները ջարդուխուրդ էին արված, անգամ ինչ-որ իրեր էին տարված: ԱԺ ԲՀԿ խմբակցության քարտուղար Արման Աբովյանն էլ հայտարարեց, որ անգամ իր աշխատասենյակից նոթբուք էին գողացել: Սակայն դրան զուգահեռ «Ժողովուրդ» օրաթերթը նկատեց, որ ԱԺ նիստերի դահլիճում պատգամավորների բոլոր նոթբուքերն իրենց տեղում էին, մինչդեռ դրանք բավականին փոքր էին եւ հարմար գողանալու համար, բայց չեն տարել:

«Ժողովուրդ» օրաթերթը փորձեց ԱԺ աշխատակազմի ղեկավար Տիգրան Գալստյանից պարզել՝ ինչ վնասներ են եղել այդ օրվա դեպքերից, քանի նոթբուք է գողացվել: «Դա նախաքննական ատյանի ուսումնասիրության տիրույթում է: Կարծում եմ՝ հիմա այդպիսի տվյալ հնչեցնելը սխալ է: Սակայն բոլոր տեղերում, որտեղ մուտք են գործել, եղել են թե՛ կորուստներ թե՛ վնասված ապրանքանյութական արժեքներ», – հայտնեց նա՝ կոնկրետ տվյալներ չցանկանալով նշել:

Հիշեցնենք, որ այդ դեպքերի շուրջ շարունակվում է նախաքննությունը, եւ առկա է ՀՀ քրեական օրենսգրքի 225-րդ հոդվածի 1-ին, 2-րդ եւ 4-րդ մասերով, 301-րդ հոդվածով եւ 301.1-ին հոդվածի 1-ին մասով հարուցված քրեական գործ, եւ քրեական հետապնդումներ են հարուցվել զանգվածային անկարգության շուրջ չորս տասնյակ մասնակիցների կամ կազմակերպիչների նկատմամբ, որոնցից ներկայումս 10 անձի նկատմամբ խափանման միջոց է ընտրվել կանալանավորումը, 5 անձ ձերբակալվել է, իսկ մնացած անձանց նկատմամբ ընտրվել են անազատության հետ չկապված խափանման միջոցներ»:

Այս թեմայով Զինվորական համազգեստով տղամարդը Դիլիջանում մտել է հեռախոսների խանութ, կրակելով սպանել խանութի աշխատող կնոջը (տեսանյութ) Մասիվում զինված տղամարդիկ մտել են ոստիկանության շենք 23-ամյա երիտասարդը գիշերը մտել էր հարևանի տուն և փող էր գողացել. նա ձերբակալվել է Մտել էր տուն և գողացել տարբեր ապրանքներ. Կումայրիի ոստիկանների բացահայտումը Թուրք-ադրբեջանական գրողներ են մտել մեր հայ գրականության մեջ՝ 5-րդ դասարանի դասագրքում. ակցիա 59-ամյա տղամարդը դանակը ձեռքին մտել է հարևանի տուն, վիճել տանտիրոջ հետ, ապա դանակով հարվածել նրան Փողերի հաշվարկ չկա, ինչի՞ է ԿԲ-ն մտել թվայնացման պրոցեսի մեջ, լուրջ խնդիր կա․ Քոչարյան Առաստաղից անցք բացելով՝ մտել էր համաքաղաքացու առանձնատուն և գողություն արել Առավոտ վեցին ՔՊ-ն իր պատգամավորներով, ավագանիներով ներս է մտել, իրենցով նիստ են ուզում անել Ծիծեռնակաբերդ տանող ճեմուղու բարեկարգումն արդեն ասֆալտապատման փուլ է մտել