Կոռուպցիայի կանխարգելման հանձնաժողովը կարողանում է կատարել միայն քաղաքական պատվերները. Էդգար Ղազարյան

Սահմանադրական դատարանի աշխատակազմի նախկին ղեկավար Էդգար Ղազարյանը ֆեյսբուքյան գրառում է արել, որում ասվում է․

«ՀՀ Ազգային ժողովի ամենամեծ ընդդիմադիր քաղաքական ուժի ղեկավար Գագիկ Ծառուկյանին պատգամավորական մանդատից զրկելու քաղաքական որոշումն իրավական կաղապարի մեջ դնելու համար իշխանությունները հիմնվում են Կոռուպցիայի կանխարգելման հանձնաժողովի 2020 թվականի հոկտեմբերի 26-ի թիվ 03/2020 եզրակացության վրա։ Որպեսզի պարզ լինի, թե ինչ տրամաբանությամբ և արդյունավետությամբ է աշխատում քաղաքական պատվերներ կատարող այդ մարմինը, բավարար է իմ օրինակով դրանց գործունեության անդրադարձը։

Ես Սահմանադրական դատարանի աշխատակազմի ղեկավարի պաշտոնից ազատվել եմ 2020 թվականի նոյեմբերի 3-ին։ «Հանրային ծառայության մասին» ՀՀ օրենքով ՍԴ աշխատակազմի ղեկավարը պարտավոր էր 3-օրյա ժամկետում այդ մասին տեղեկացնել Կոռուպցիայի կանխարգելման հանձնաժողովին։

Անկախ դրանից ՍԴ նոր աշխատակազմի ղեկավարը կատարել է իր պարտականությունը թե ոչ (ամենայն հավանականությամբ չի կատարել) այդ մասին բազմաթիվ հրապարակումներ են եղել գրեթե բոլոր լրատվամիջոցներով, այսինքն` հանձնաժողովը կարող էր բաց աղբյուրներից տեղեկացված լինել այդ մասին։

Օրենքի պահանջով ես, որպես` բարձրաստիճան պաշտոնատար անձ, պարտավոր եմ մեկամսյա ժամկետում հանձնաժողովի պաշտոնական կայքում էլեկտրոնային եղանակով լրացնել պաշտոնեական պարտականությունները դադարեցնելու հայտարարագիր։ Մի քանի օրից լրանալու է այդ ժամկետը, սակայն 2020 թվականի նոյեմբերի 25-ի դրությամբ հանձնաժողովի կայքը հայտարարագիր ներկայացնելու տեխնիկական հնարավորություն չի տալիս։

Նմանատիպ վիճակ էր առկա 2020 թվականի սկզբին, երբ բարձրաստիճան պաշտոնատար անձինք, տեխնիկական և կազմակերպական պատճառներով, ամիսներ շարունակ չէին կարողանում ներկայացնել իրենց տարեկան հայտարարագրերը։

Փաստորեն, այս իշխանությունների կողմից ստեղծված, իր ֆունկցիոնալ առաքելությունը տապալած հանձնաժողովը կարողանում է հաջողությամբ և ժամկետներում կատարել միայն քաղաքական պատվերները»։

Այս թեմայով Ալիևն իր 5 կետերով ուզում է ապառազմականացնել ՀՀ-ն, դա իսկական կապիտուլյացիա է. Էդգար Ղազարյան (տեսանյութ) Մոտենում է այս հայրենակործան և ազգագործան հրոսակախմբի պատժի և պատասխանատվության ժամանակը. Էդգար Ղազարյան «Իմ դեմ մահափորձն իրավապահ մարմինները որակել են թեթև մարմնական վնասվածք հասցնելու գործողություն» Իր տան մոտ դաժան ծեծի է ենթարկվել քաղաքական գործիչ Էդգար Ղազարյանը Նիկոլ Փաշինյանի և նրա հանցախմբի անդամների գործունեությունն ապօրինի է․ Ղազարյան ԻՔՄ-ն՝ Էդգար Ղազարյանի հանրահավաքի մասնակիցների քանակի վերաբերյալ Բանակի 30-ամյակի առթիվ ուղերձ չեն հղել ՀՀ ԶՈւ ԳՇ պետը, ԵԿՄ նախագահը, ոստիկանապետը, ԱԱԾ տնօրենը Փաշինյանը պարտավոր է ասել՝ ի՞նչ փորձանք է նորից ուզում բերել ժողովրդի գլխին.Ղազարյան Այս տեսանյութն անհրաժեշտ է սպասվող հանդիպումներից առաջ հիշողությունները թարմացնելու համար. Էդգար Ղազարյան Ակնհայտ է, որ ադրբեջանական կողմը տեղյակ է եղել Փաշինյանի Ստեփանակերտ այցի մասին. Էդգար Ղազարյան