ԼՂ-ում սրբավայրերի պահպանման վերաբերյալ հարցերին պատասխան կարող է տալ ՅՈՒՆԵՍԿՕ-ն. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան լրագրողների հետ ճեպազրույցի ժամանակ անդրադարձավ ԼՂ-ում իրավիճակին: Նա տեղեկացրեց՝ նախորդ շաբաթ շարունակվել են ԼՂ-ում իրավիճակի կայունացման ուղղությամբ աշխատանքները, հրադադարի ռեժիմի խախտումներ չեն գրանցվել: 

Նա հիշեցրեց՝ հեռախոսազրույցներ են տեղի ունեցել ՀՀ և ՌԴ կառավարությունների ղեկավարների, ԱԳ նախարարների միջև, քննարկվել են խաղաղապահների աշխատանքը, հումանիտար աջակցության ուղղությամբ հետագա քայլերը և կրոնական ու մշակութային օբյեկտների պահպանման միջոցառումները: 

Զախարովան նշեց՝ ռուս խաղաղապահները շարունակում են իրավիճակի շուրջօրյա մշտադիտարկումը, հրադադարի ռեժիմի պահպանման վերահսկումը, ապահովում են փախստականների անվտանգ վերադարձը, քաղաքացիական ավտոմեքենաների երթևեկության անվտանգությունը: 

Նա ուշադրություն հրավիրեց անհետ կորածների և զոհերի մարմինների որոնման հարցերին, նշեց՝ դրանք շատ զգայուն են երկու ժողովուրդների համար: Զախարովան վստահեցրեց՝ այս հարցերը ռուս խաղաղապահների ուշադրության ներքո են, խաղաղապահները որոնումներ են իրականացնում ժամանակակից տեխնիկական միջոցների օգնությամբ: 

Նոյեմբերի 14-ից ԼՂ մշտական բնակության վայր է վերադարձել մոտ 30 000 բնակիչ: Զախարովայի խոսքով՝ մեկ օրում մոտ 1-2 հազար մարդ է վերադառնում: 

ՌԴ ԱԳՆ ներկայացուցիչը հիշեցրեց՝ իրեն հարց էր ուղղվում հուշարձանների նկատմամբ վանդալիզմի ակտի վերաբերյալ: Նա նշեց՝ դժվար է պատասխան տալ այս ոլորտում բոլոր հարցերին:

«Ինչ վերաբերում է քրիստոնեական և մուսուլմանական սրբավայրերին, ապա այստեղ կարող են հարցերին պատասխան տալ ՅՈՒՆԵՍԿՕ -ի փորձագետները: Մենք աջակցում ենք նրանց նախաձեռնությանը՝ առաքելություն ուղարկել տարածաշրջան, հուսով ենք՝ առաքելությունն առաջիկայում կհասնի այնտեղ և կկարողանա գնահատական տալ կատարվածին»,- ասաց նա:

Այս թեմայով Այստեղ է՞լ է ՀԱՊԿ-ը մեղավոր. Զախարովա Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա Զախարովան գնահատել է ԱՄՆ ռազմական օգնությունն Ուկրաինային, Իսրայելին և Թայվանին ԼՂ-ի հայերը պետք է վերադարձի հնարավորություն ունենան՝ իրավունքների և անվտանգության ապահովմամբ. Զախարովա Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա Երևանին և Բաքվին կոչ ենք անում նվազեցնել ռազմատենչ հռետորաբանությունը. Զախարովա Արևմուտքը ՀՀ-ի ու Ադրբեջանի միջև լարվածությունը մեծացնում է. Զախարովա «Այսպիսի մարդիկ Հայաստանը տանում են փակուղի». Զախարովան՝ Արարատ Միրզոյանի հայտարարության մասին ԵՄ առաքելությունը Հայաստանում վերածվում է ՆԱՏՕ-ի առաքելության. Զախարովա