Փաշինյանի՝ Եղնիկների վերաբերյալ հայտարարությունը շատերի մոտ է հարցեր առաջացնում

«Հենակետ» վերլուծական կենտրոնի ղեկավար Տիգրան Աբրահամյանը ֆեյսբուքյան իր էջում գրել է․ 

«Նիկոլ Փաշինյանն իր այսօրվա լայվում մի ձևակերպում թույլ տվեց, ինչը իմ, իմ նման շատերի և կարծում եմ՝ առաջին հերթին Դավիթ Տոնոյանի, Օնիկ Գասպարյանի, Արայիկ Հարությունյանի, Ջալալ Հարությունյանի, ՊԲ հրամանատարության, հյուսիսային ուղղությամբ տեղակայված զորամիավորման հրամանատարության և 7-րդ Պաշտպանական շրջանի (ՊՇ) զինծառայայողների մոտ, բազմաթիվ հարցեր է առաջացրել։

Փաշինյանն ասում է, որ պատերազմի ընթացքում մեկ անգամ է միանձնյա որոշում կայացրել և այդ որոշման շնորհիվ 7ՊՇ-ն (Եղնիկներ) իր տեղում է, որովհետև ոմանք խուճապի մեջ լինելով ցանկանում էին այդ շրջանն էլ հանձնել։

Պատկերացնում եմ, թե վարչապետի այս հայտարարությունը ինչպիսի տհաճությամբ են ընդունել ՊԲ 7ՊՇ զինծառայողները, մանավանդ, որ նրանք այս պահին էլ շարունակում են իրենց ծանր, սակայն անչափ պատասխանատու ծառայությունը։

Պատկերացնում եմ, թե ինչ է վարչապետի այս հայտարարության մասին մտածում Արցախի հերոս Քյոխը՝ Կարո Ջալավյանը, ով ոչ միայն այս պատերազմին, այլ 1990-ականներից, տարբեր հրամանատարական օղակներում, գերազանց ծառայություն է տարել ՊԲ շարքերում․ պատերազմի օրերին 7ՊՇ-ն նրա հրամանատարությամբ գերազանց է կատարել իր ծառայությունը։

Կարծում եմ՝ Արցախի նախագահը, ՀՀ ԶՈՒ ԳՇ պետը, ՀՀ պաշտպանության նախարարը, ՊԲ հրամանատարն այս առումով ասելիք ունեն, որովհետև այդ որոշման կամ դրա քննարկումների մասին միայն նրանք կարող էին իմանալ, էլ չեմ ասում, որ վարչապետի մեղադրանքի սլաքը նրանցից ոմանց է ուղղված, եթե ոչ նրանց բոլորին։

Հանրությունը պետք է իմանա, թե ինչ է իրականում եղել և ովքեր են խուճապի մեջ գտնվելով ցանկացել այդ շրջանը հանձնել կամ՝ արդյո՞ք վարչապետի ասածը համապատասխանում է իրականությանը (այնպես չէ, որ մարդիկ վարչապետի ասածը «հալած յուղի պես ընդունում են»)»:

Այս թեմայով ԱՄՆ-ն մերժում է ՀՀ-ի դիմումներն անձանց արտահանձնելու վերաբերյալ, չկա երկկողմ պայմանագիր․ գլխավոր դատախազ Անվտանգային անդառնալի հարցեր կարող են առաջանալ. Արման Թաթոյան (տեսանյութ) Դեսպան Մակունցը Կոլորադոյի համալսարանի ղեկավարությանն է փոխանցել ԵՊՀ ռեկտորի առաջարկը համագործակցության վերաբերյալ Youtube-ով էլ ճաշ եփել սովորեք, դասախոսություն միացրեք ու ճաշ եփել սովորեք. Փաշինյանի «լեկցիան» ՈւՂԻՂ. Հանրահավաք Ազնավուրի հրապարակում Փաշինյանի հեռացման պահանջով Քննարկվել են ՀՀ-Իտալիա ռազմական համագործակցության հարցեր ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ»