Մարտունի քաղաքի մի խումբ բնակիչներ արգելել են հոգևոր հովվին մուտք գործել եկեղեցի՝ հայհոյելով և հրմշտելով նրան

Խիստ մտահոգված ենք Գեղարքունյաց թեմի Մարտունի համայնքում տեղի ունեցած միջադեպով։ Այս մասին հայտարարություն է տարածել Հայ Առաքելական Եկեղեցու Գեղարքունյաց Թեմը։

«Խիստ մտահոգված ենք Գեղարքունյաց թեմի Մարտունի համայնքում տեղի ունեցած միջադեպով։

Տարվույս դեկտեմբեր 11-ին Մարտունի քաղաքի մի խումբ բնակիչներ արգելել են հոգևոր հովիվ Տեր Սիմոն քահանա Տեր-Մկրտչյանին մուտք գործել եկեղեցի՝ փակելով եկեղեցու դուռը, հայհոյելով և հրմշտելով քահանային։ Պատճառը, ինչպես նրանք են պնդել, եղել է քահանայի մասնակցությունը Երևանում տեղի ունեցած դեկտեմբեր 5-ի հանրահավաքին, քարոզներում նրա կողմից «քաղաքական հայտարարություններ» հնչեցնելը և այլ դժգոհություններ։

Միջադեպից անմիջապես հետո առաջնորդական տեղապահ Հոգեշնորհ Տ․ Պարթև վարդապետ Բարսեղյանն այցելել է Մարտունի համայնք՝ Սբ. Աստվածածին եկեղեցի, հանդիպել քահանայից դժգոհող անձանց հետ՝ հորդորելով զերծ մնալ անհանդուրժողականությունից և հայհոյանքներից և առաջնորդվել քրիստոնեական սիրով և գիտակցությամբ, որպեսզի խաղաղ մթնոլորտի մեջ լուծում տրվի առաջացած խնդրին։ Հայր Սուրբը անընդունելի է համարել տեղի ունեցած միջադեպը՝ եկեղեցու դուռը փակելը և քահանայի հասցեին վիրավորանքներ ու հայհոյանքներ հնչեցնելը։

Ի շարունակություն այդ հանդիպման՝ առաջնորդական տեղապահը կիրակի՝ 13.12.2020թ. Սուրբ Պատարագ է մատուցել Մարտունու Սբ. Աստվածածին եկեղեցում և հավարտ Սուրբ Պատարագի կրկին հանդիպել քահանայից դժգոհ անձանց հետ՝ նշելով, որ խնդիրը պետք է լուծել սիրո և խաղաղության մթնոլորտի մեջ՝ համաձայն եկեղեցական կարգուկանոնի։

Ըստ այդմ, եթե որևէ համայնքում եկեղեցականի հանդեպ առկա է դժգոհություն, առավել ևս քաղաքականությամբ զբաղվելու մեղադրանք, ապա համայնքի բնակիչների կողմից գրավոր, փաստարկված, բողոք է ուղղվում թեմակալ առաջնորդին, ով հարցը ներկայացնում է եկեղեցական համապատասխան կարգապահական ատյանին (Հայ եկեղեցու կարգապահական հանձնախումբ)։ Հանձնախմբի կողմից հարցի քննությունից հետո հրապարակվում է որոշումը, որով քահանայի հանդեպ մեղադրանքները հերքվում կամ հաստատվում են։ Մեղադրանքի հաստատումից հետո է միայն քահանան ենթարկվում կարգապահական տույժի։ Մեր եկեղեցին առաջնորդվում է իր կարգուկանոնով և ոչ թե փողոցային դատաստաններով և այլ մոտեցումներով։

Նկատի ունենալով հայաստանյան ներքաղաքական և հետպատերազմական լարված իրավիճակը, ուզում ենք հավատալ, որ վերոհիշյալ միջադեպը կազմակերպված և ուղղորդված չէ հակաեկեղեցական կամ այլ ուժերի կողմից։

Վերստին հորդորում ենք քահանայից դժգոհող Մարտունի համայնքի բնակիչներին սիրո և հանդուրժողականության մթնոլորտի մեջ համախմբվելու եկեղեցու շուրջ՝ դրսևորելով հարգանք և քրիստոնեական գիտակցություն՝ չխաթարելու համար համայնքային խաղաղ կյանքը։

Այսօր առավել քան երբևէ մեր ժողովրդին անհրաժեշտ է միաբան լինել, միմյանց հանդեպ փոխադարձ հարգանքով և սիրով, հանդուրժել այլակարծությունը, որպեսզի Տիրոջ օգնականությամբ և օրհնությամբ, համերաշխ մթնոլորտի մեջ, հնարավոր լինի հաղթահարել ազգային մեր կյանքի այս դժվարին իրավիճակը»,– ասվում է հայտարարությունում։

Այս թեմայով Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան Ինչ կապ ունեն Եկեղեցու դեմ արշավի առաջամարտիկները Սորոսի հիմնադրամի հետ Ստամբուլի նահանգապետարանն արգելել է Ցեղասպանության հիշատակի միջոցառման անցկացումը Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Այս արշավը մեր բոլորի դեմ է. Եկեղեցու կողքին պետք է լինեն նաև եկեղեցի կառուցած մեր ազդեցիկ հայերը. Վահե Հովհաննիսյան Բագրատ Սրբազանի ուղեկցությամբ ցուցարարները բարձրացան Եկեղեցի, նկարահանում թույլ չտրվեց «Ո՞վ կարող է Եկեղեցու դռները փակել մեր առջև` ոչ ոք», «Տարածքը փակ է, 1 ժամից կարող եք Եկեղեցի գնալ» (տեսանյութ) Սակրավորների նոր խումբ եկավ Ոսկեպարի Եկեղեցու տարածք. ցուցարարները փորձում են կանխել ականազերծումը (տեսանյութ) Ամոթ ձեզ, թուրքին ճամփա եք բացում. Ոսկեպարում գերլարված վիճակ է, փորձում են արգելել ականազերծումը (տեսանյութ) Ո՞նց եք մեր եկեղեցին թողնում թուրքին, յոթերորդ դարի եկեղեցի է․ տավուշցիներ (տեսանյութ)