Շուշան Պետրոսյանը հաստատում է՝ իր և քաղաքացու միջև միջադեպ եղել է. երգչուհին մանրամասնում է

Ինչպես քիչ առաջ հայտնել էինք երեկ՝ դեկտեմբերի 14-ին, ոստիկանություն է դիմել Երևանի բնակիչ 56-ամյա Ելենա Պետրոսյանը։ Վերջինս ահազանգել է ոստիկանություն և հայտնել, որ նույն օրը ժամը 12։40-ի սահմաններում Կորյունի փողոցում գործող «Արմենիա» խանութում իր հետ վիճաբանության ժամանակ Երևանի բնակիչ Շուշան Պետրոսյանը ձեռքերով հարվածներ է հասցրել իր մարմնի տարբեր մասերին՝ պատճառելով ֆիզիկական ցավ։ 

Ըստ տարածված տեղեկության՝ Շ․Պետրոսյանը հայտնի, ճանաչված ու սիրված երգչուհի Շուշան Պետրոսյանն է։ Տեղեկության իսկությունը ճշտելու նպատակով ԼՈՒՐԵՐ.com-ը կապ հաստատեց երգչուհի Շուշան Պետրոսյանի հետ, ով չհերքեց տարածված տեղեկությունը. «Մտա իմ տան կողքի խանութ՝ գնումներ կատարելու, ինչպես միշտ: Հայտնվեց մի կին և հայտարարեց, թե դավաճանները ինչ գործ ունեն մեր խանութում, ինձ անվանեց թալանչի, երկիրը ծախող, երկրորդ և երրորդ նախագահների ստրուկ, ասաց այնպիսի բաներ, որ ուղղակի շատ ամոթ է, և արդյունքում եղավ փոքրիկ միջադեպ»,- ասաց երգչուհին:

Ըստ վերջինիս՝ այդ միջադեպի մեղավորը միմիայն Նիկոլ Փաշինյանն է. «Ազգի մեջ ատելություն սերմանելով և պառակտություններ մտցնելով՝ ես չգիտեմ՝ ինչի հասավ ինքը: Անհարիր վերաբերմունք է, երբ դու մի երկրին այսքան սիրում ես ու նվիրված ես քաղաքին, հանգիստ մտնում ես քո փողոցի վրայի խանութը ու հանկարծ ինչ-որ մեկը մտնում է այդ խանութ ու այդպես անպատկառ է պահում իրեն: Այնքան կուտակված ատելություն կար այդ կնոջ մեջ, որ գուցե չէր էլ գիտակցում, թե ինչ է անում»,- նշեց Շուշան Պետրոսյանը:

Մեր այն հարցին, թե արդյոք այդ կնոջ մարմնի տարբեր մասերին ձեռքերով հարվածներ է հասցրել, պատասխանեց. «Ես արդեն ասացի, որ փոքրիկ միջադեպ է եղել և պետք է անդրադառնալ ավելի շուտ ատելություն սերմանելուն: Պետք է պատասխանատվություն կրեն այդ ատելությունը սերմանողները»,- եզրափակեց նա:

Զվարթ Պետրոսյան

Այս թեմայով Կարծում ենք, որ Սուրեն Պետրոսյանը վաղը կլինի ազատության մեջ. փաստաբաններ (տեսանյութ) Սուրեն Պետրոսյանի աջակիցները հավաքվել են ՁՎՊ-ի դիմաց՝ իրենց աջակցությունը հայտնելու նրան Թե բա՝ Մեծ Եղեռն, գուցե՝ տխուր միջադեպ... և սա հանուն առևտրի. լրագրողը հեգնանքով մեկնաբանել է Հայոց ցեղասպանություն իրավական եզրույթից վարչապետի խուսափելու հնարքը Սուրեն Պետրոսյանին մտադիր են մեղադրել իբր խուլիգանություն կատարելու համար․ հայտարարություն Սուրեն Պետրոսյանից բացի բոլոր բերման ենթարկվածներն ազատ են արձակվել Բագրատաշենում ճանապարհ փակելիս ձերբակալվել է քաղաքագետ Սուրեն Պետրոսյանը Փաշինյանը գյուղապետերին կոնկրետ ասել է՝ փուլային տարբերակով ամբողջական հանձնելու եմ. Պետրոսյան Լևոն Տեր-Պետրոսյանն այսօր այցելել է բժշկական կենտրոն՝ պլանային հետազոտության Գժվում եմ քո համար, կյանքս. Տոմա Պետրոսյան Ես ողբում եմ. հան­դուր­ժե­ցինք, որ կորց­րինք, փոք­րա­ցանք ու դեռ փոք­րա­նում ենք, սպասում եմ, որ մեկը կասի Ստոպ. Էմմա Պետրոսյան