Ստեփանակերտի առևտրի օբյեկտներում արձանագրվել է 11 ապրանքատեսակի միջին գների փոփոխություն

ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի աշխատակազմի ՏՄՊ բաժնի մասնագետների կողմից 2020 թվականի դեկտեմբերի 14-ին իրականացված՝ Ստեփանակերտ քաղաքում գործող 20 առևտրային օբյեկտներում 43 լայն սպառման ապրանքատեսակների դիտարկման արդյունքում նախորդ՝ 2020 թվականի դեկտեմբերի 7-ի դիտանցման համեմատ արձանագրվել է 11 ապրանքատեսակի միջին գների փոփոխություն՝ 9 գնաճ և 2 գնանկում, հայտնում են ԱՀ տնտեսական մրցակցությունը կարգավորող պետական հանձնաժողովից: 

Մասնավորապես, միջին գնաճ է արձանագրվել ձու 1 հատ` 7 դրամ (10%), բժշկական ձեռնոց 1 զույգ` 3 դրամ (5,3%), ալյուր «Բաղրամյան» 1 կգ՝ 16 դրամ (5%), թեյ «Ակբար» 100 գրամ՝ 26 դրամ (3,5%), հնդկաձավար 1 կգ՝ 19 դրամ (2,9%), բենզին «Ռեգուլյար» 1 լիտր՝ 10 դրամ (2,7%), ձեռքի ախտահանիչ լուծույթ 80-250 մլ` 12 դրամ (2,7%), սուրճ՝ 100 գրամ` 4 դրամ (1,7%) և շաքարավազ 1 կգ` 2 դրամ (0,5%) ապրանքատեսակների համար:

Միջին գնանկում է արձանագրվել խնձոր 1 կգ՝ 50 դրամ (15,4%) և ոսպ 1 կգ՝ 32 դրամ (5,7%) ապրանքատեսակների համար: Նախորդ տարվա նույն ժամանակահատվածի համեմատ դիտարկված 32 ապրանքատեսակներից 17-ի միջին գներն աճել են, 10-ի գները՝ նվազել, իսկ մնացած 5 ապրանքատեսակի գները մնացել են անփոփոխ կամ տատանվել են մինչև 1 տոկոսի միջակայքում (ներկայացված է հավելվածում):

2020 թվականի նոյեմբեր-դեկտեմբեր ամիսների ընթացքում գնային փոփոխություն արձանագրած ապրանքային շուկաներից «Ձեթ», «Ձու», «Բենզին» և «Դիզվառելիք» ապրանքային շուկաներում առկա են գերիշխող դիրք ունեցող տնտեսավարող սուբյեկտներ, որոնց գնային քաղաքականության հիմնավորվածությունը պարզելու նպատակով Հանձնաժողովը դիմել է համապատասխան տնտեսավարող սուբյեկտներին:

Հանձնաժողովը գնային փոփոխություների դինամիկան և հիմնավորվածությունը պարզելու նպատակով լրացուցիչ ուսումնասիրություն է իրականացրել նաև գնաճ արձանագրած ներմուծվող լայն սպառման ապրանքատեսակների մասով (շաքարավազ, ալյուր, հնդկաձավար, ձեթ, թեյ, սուրճ)՝ դիտանցումների արդյունքները համադրելով նախորդ դիտանցումների արդյունքների և Հայաստանի Հանրապետությունում գործող գների հետ: Ուսումնասիրության արդյունքների համաձայն Արցախի Հանրապետությունում նշված ապրանքատեսակների գնաճը պայմանավորված է Հայաստանի Հանրապետությունում տեղի ունեցած գնաճով, որի հիմնական պատճառը ՀՀ դրամի արժեզրկումն է:

Արցախի Հանրապետությունում առկա իրավիճակով և բազմաթիվ ապրանքային շուկաներում տեղի ունեցած փոփոխություններով պայմանավորված՝ անհրաժեշտություն է առաջացել ուսումնասիրել նաև գործող տնտեսվարող սուբյեկտների մասնաբաժինների բաշխվածությունը տնտեսական պայմանների վրա ազդելու հնարավորության համատեքստում: Այս ուղղությամբ Հանձնաժողովն իրականացնում է համապատասխան աշխատանքներ:

Այս թեմայով Թե բա՝ Մեծ Եղեռն, գուցե՝ տխուր միջադեպ... և սա հանուն առևտրի. լրագրողը հեգնանքով մեկնաբանել է Հայոց ցեղասպանություն իրավական եզրույթից վարչապետի խուսափելու հնարքը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են Մարտին 625 հարկ վճարողի մոտ արձանագրվել է ՀԴՄ կիրառման կանոնների խախտում․ ՊԵԿ Կոտորած Սիդնեյում. անհայտ անձը դանակով հարձակվել է առևտրի կենտրոնում գնորդների վրա՝ սպանելով 5 մարդու (տեսանյութ) 2024 թվականին ՏՏ ոլորտում գրանցված աշխատողների թվի աճ է արձանագրվել․ վարչապետ Պապոյանը Իրանի դեսպանի հետ քննարկել է ՀՀ-ում իրանական ապրանքների առևտրի կենտրոնի բացման հարցը Երևանի քաղաքապետարանը շարունակում է պայքարը փողոցային անօրինական առևտրի դեմ Գործադիրը փոփոխություն է առաջարկում Հարկային օրենսգրքում