Անփոփոխ ձեռագիր. ի՞նչ նպատակ է հետապնդում Նիկոլ Փաշինյանը

Նիկոլ Փաշինյանի իշխանության 2.5 տարիները աչքի ընկան մի մարտավարությամբ, որը լակմուսի թղթի պես է անցնում այս կառավարության գործունեության միջով: Այդ մարտավարությունը հայտնի է որպես բաժանիր և տիրիր սկզբունք: Նիկոլ Փաշինյանը բաժանում է հայ ժողովրդին, որպեսզի տիրի և իրականացնի այն ծրագրերը, որոնց իրականացման համար էլ 2018-ին եկել է իշխանության: 

Անմիջապես հեղափոխությունից հետո Նիկոլ Փաշինյանը առաջ քաշեց սևերի և սպիտակների կեղծ օրակարգը: Ավելորդ է ասել, որ սա պարզ քաղաքական մանիպուլյացիա էր, որի նպատակը հասարակության մի հատվածին մյուսի դեմ հանելն էր: Դա Փաշինյանի մոտ, ցավոք, ստացվեց և թերևս միայն բախտի բերմամբ է, որ իրադարձությունները չզարգացան այն հունով, որոնք կարող էին հանգեցնել քաղաքացիական պատերազմի: Սևերի և սպիտակների պատերազմի բացումը պաշտոնապես արեց Երևանի քաղաքապետի թեկնածու Հայկ Մարությանը դեռ 2018 թվականին: Նրա սկանդալային հայտարարությունները շատերը որակեցին անփորձության հետևանք, և միայն այսօր ենք հասկանում, որ իրականում գործ ունեինք հասարակության մի ստվար հատվածի տրամադրությունների և կարծիքի կազմակերպված մանիպուլյացիայի հետ: 

Նոյեմբերի 9-ի խայտառակ կապիտուլյացիայից հետո Փաշինյանը չի փոխել իր այս մարտավարությունը: Պարզապես սևերին և սպիտակներին փոխարինելու են եկել էլիտան և ժողովուրդը: Ինքը` Փաշինյանը, իհարկե, ժողովուրդն է, այն խեղճ ժողովուրդը, որից էլիտան փորձում է ծլել իշխանությունը: 2018 թվականի հեղափոխության արդյունքում Հայաստանում իշխանությունից զրկված «էլիտան» փորձում է հասնել ռևանշի: Ընդ որում, ըստ վարչապետի, խոսքն ամենևին միայն քաղաքական «էլիտայի» մասին չէ, այլ բոլոր նրանց, ովքեր մինչև 2018 թվականը ունեցել են արտոնություններ, 2018 թվականից հետո՝ չունեն: «Ժողովուրդը, որ 2018 թվականի հեղափոխությունից հետո զգացել է իր իշխանություն լինելու հանգամանքը, չի ուզում կորցնել այդ կարգավիճակը, մանավանդ հիմա, երբ օգտվելով հանգամանքից, որ իշխանությունն առավել կենտրոնացած է արտաքին անվտանգության խնդիրների սպասարկմամբ, ոմանք գործի են դրել «եթե հանրահավաքի չգաս, աշխատանքից կազատվես» տրամաբանությունը: Այսպիսով՝ իրական հակադրությունը ոչ թե կառավարության և ընդդիմության միջև է, այլ 2018 թվականին արտոնություններից զրկված «էլիտայի» և ժողովրդի: Բայց բոլոր դեպքերում վճռորոշ խոսքը ասելու է ժողովուրդը, որովհետև եթե ժողովուրդը իր խոսքն ասի՝ «էլիտաները» ոչինչ անել չեն կարող», - գրել է Փաշինյանը։ 

Ինչպես տեսնում ենք՝ ձեռագիրը նույնն է, նպատակը` նույնպես; Այսօր, պատերազմից բզկտված հասարակությանը միավորելու փոխարեն, երկրի թիվ մեկ դեմքը կրկին անում է ամեն ինչ այդ հասարակությանը կեղծ օրակարգերով էլ ավելի բաժանելու համար: Սակայն, Փաշինյանը կարող է բախվել մեկ այլ խնդրի, երբ իր կեղծ օրակարգը և մանիպուլյացիաները այլևս անիմաստ են դառնալու: Բանն այն է, որ հասարակության մի հատվածին այսպես կոչված` նախկիններով վախացնող Փաշինյանը բախվելու է մի իրականության, որտեղ քաղաքական դաշտ են մտնելու նոր քաղաքական ուժեր, որոնք որևէ կերպ կապված չեն լինելու ոչ նախկինների, ոչ ներկաների հետ: Իսկ այդպիսի ուժերի ձևավորման անհրաժեշտությունը այսօր հստակ հանրային պահանջ է: Հետաքրքիր է, իսկ այդ ժամանակ ի՞նչ է հնարելու Փաշինյանը, ում և ում դեմ է հանելու, իսկ որ փորձելու է՝ դրանում կասկած չկա: Կան քաղաքական գործիչներ, որոնք մինչև իրենց քաղաքական կարիերայի ավարտը՝ սովորաբար տխուր ավարտը, հավատարիմ են մնում նույն ձեռագրին… 

Այս թեմայով ««Ժողովուրդ, դուք 3 մլն վարչապետ եք», վստահ եմ, չհավատացիք այս խոսքերին, հավատացե՛ք անմահությանը» (տեսանյութ) «Ժողովուրդ». Հենրիխ Մխիթարյանին շնորհավորեցին բոլորը` բացի ՀՖՖ-ից «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում «Ժողովուրդ». Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը