Ակնհայտ է, որ վարչապետ Փաշինյանով Հայաստանը հանդես է գալիս կապիտուլյանտի և պարտվողի դեմքով. սահմանադրագետ

Սահմանադրագետ Գոհար Մելոյանը ֆեյսբուքյան իր էջում գրել է.

«Հերթական սուտ եւ անկատար խոստումը

Մինչ այսօրվա եռակողմ հանդիպումը՝ փաշինյանական իշխանությունը պնդում էր, որ Ադրբեջանի հետ կոմունիկացիաները կարող են բացվել, Ադրբեջանին Նախիջևանի և Թուրքիայի հետ կապող ճանապարհ կարող է տրամադրվել՝ բացառապես հայ գերիների և անհետ կորած անձանց հարցի լիարժեք լուծման պարագայում։

Այսօրվա հանդիպման արդյունքում՝ ստորագրվեց Հայաստանի և Ադրբեջանի միջև տնտեսական և ճանապարհային կապերի բացման վերաբերյալ հայտարարությունը, որը նախատեսում է այս ուղղությամբ փոխվարչապետների մակարդակով աշխատանքային խմբի ստեղծում և այդ խմբի առջև դրված խնդիրների շրջանակ։

Դրան զուգահեռ Փաշինյանը արձանագրեց, որ գերիների մասով հարցը չստացվեց լուծել։

Այսպիսով, չհասնելով որևէ հաջողության իր իսկ կողմից անցած շաբաթ առաջ քաշված նախապայմանի իրագործման հարցում, այն է՝ հայ գերիների և անհետ կորածների հարցի լիարժեք լուծումը՝ Փաշինյանը ստորագրեց իրեն ներկայացված տնտեսական և ճանապարհային կապերի բացման վերաբերյալ հայտարարությունը։

Ի՞նչ է սա, եթե ոչ հերթական դավաճանական սուտ։

Ի՞նչ է սա, եթե ոչ գերության մեջ գտնվող մեր եղբայրների և քույրերի, նրանց ընտանիքների նկատմամբ գործած հերթական անբարոյականություն։

Արդյունքում՝ թշնամին նպատակասլաց կերպով շարունակում է իր հաղթարշավը, իսկ Փաշինյանի ղեկավարած Հայաստանը կրում է հերթական պարտությունը։

Ավելին՝ ի՞նչ կոմունիկացիաների բացման և տնտեսական օգուտների մասին կարելի է խոսել մի երկրի հետ, որը բացահայտ կերպով հրաժարվում է վերադարձնել մեր ռազմագերիներին և խոչընդոտում է անհետ կորած անձանց հայտնաբերելու աշխատանքներին՝ խախտելով իր կողմից նոյեմբերի 9-ին ստորագրված հայտարարության 8-րդ կետը։

Ակնհայտ է, որ վարչապետ Փաշինյանով Հայաստանը հանդես է գալիս կապիտուլյանտի և պարտվողի դեմքով, արդյունքում՝ ապահովելով հայկական կողմին շարունակական պարտություններ։

Շարունակում ենք հանձնել, հանձնվել և հանդուրժել»։

Այս թեմայով Հիմնավոր ենթադրություն է, որ վեց հայ զինվորի գերեվարումը եղել է վաղօրոք պլանավորված հայ ժողովրդին նոր զիջումներին հոգեբանորեն պարտադրելու համար. Գոհար Մելոյան Պետական մակարդակով ստի և կեղծիքի տարածումը քայքայել են հայ ժողովրդի դիմադրողականությունը. Գոհար Մելոյան Իշխանության ներկայացուցիչները հպարտորեն գլուխ են գովում, որ դեռ որևէ վիրավոր չկա․ Գոհար Մելոյան ԱԺ-ում ներկայացվող «ընտրական փաթեթի» ընդունման նպատակն է նախընտրական գործընթացներում բարելավել իշխող ուժի դիրքերը. սահմանադրագետ Իշխանափոխության այս անփառունակ 3 տարիներն ամփոփվում են ստերի եւ միֆերի բացահայտմամբ եւ/կամ հաստատմամբ. Գոհար Մելոյան Վարչական դատարանի օրենսգրքով կասեցվելու է նոր ԳՇ պետի նշանակման գործընթացը Արդյո՞ք պետությունը չունի որևէ պարտավորություն կանխելու 24 օր ծայրահեղ անհիմն և ապօրինի ձևով անձի ազատազրկումը. Մելոյան Մինչ մարտի 19-ն Արտակ Դավթյանը չի կարող համարվել իրավունքի ուժով գլխավոր շտաբի պետի պաշտոնում նշանակված․ Գոհար Մելոյան Նախագահը հերթական անգամ խուսափեց իր սահմանադրական պարտականությունների կատարումից. Գոհար Մելոյան Նախագահը դրսևորում է անգործություն, ինչը նրա պաշտոնանկության հիմք են. Գոհար Մելոյան