Կառավարման քաոսը ի՞նչ մակարդակի պետք է հասնի պատերազմի ավարտից մեկ ամիս անց տասնյակ նոր գերիներ ունենալու համար. Դավիթ Ափոյան

ԵՊՀ ուսխորհրդի նախագահ Դավիթ Ափոյանը ֆեյսբուքյան իր էջում գրում է.

«Դեկտեմբերի 15-ին տասնյակ շիրակցիներ գերի ընկան։ Լուրին առաջին արձագանքս եղել է հայհոյանքը՝ հանցավոր բարդակի պատասխանատուների հասցեին։ Կառավարման քաոսը ի՞նչ մակարդակի պետք է հասնի պատերազմի ավարտից մեկ ամիս անց տասնյակ նոր գերիներ ունենալու համար։

Երկրորդը, հասկացա, որ Ադրբեջանը նոր գերիներին չի փոխանակելու նոյեմբերի 9-ի հայտարարության՝ «բոլորը բոլորի դիմաց» սկզբունքով և վերադարձի դիմաց պահանջելու է նոր զիջումներ։ Հայաստանը պիտի իր ողջ դիվանագիտական և քաղաքական կարողությունները գործի դներ գերիներին վերադարձնելու համար։

Հայկական կողմը երեկվա եռակողմ հանդիպումից իհարկե ձեռնունայն վերադարձավ։ Ձախողումը քողարկելու համար նրանք նույնիսկ չխորշեցին խոսել բանակցություններում «լուրջ ձեռքբերումների» և այն «տնտեսական հեռանկերների» մասին, որոնք մեզ սպասում են մեր տղերքի գերությանը զուգահեռ։

Հարգելի հանցագործներ, ես ձեզ մի հարց ունեմ։ Դուք գիշերը ո՞նց եք քնում։ Ձեր խիղճը ձեզ ո՞նց չի սպանում։ Ո՞նց եք ապրում այն մտքի հետ, որ ձեր անաշխատունակության և գոռոզամտության «շնորհիվ» պատերազմից մեկ ամիս անց ունեցել ենք տասնյակ գերիներ, որոնց չեն վերադարձվում հայրենիք դարձյալ ձեր կարողությունների պակասի և անգրագիտության պատճառով»:

Այս թեմայով Մասնակցե՛ք ընտրությանը, ընտրեք ում ուզում եք՝ բացի Նիկոլից. ԵՊՀ-ին օգնելու այլ միջոց չկա. Դավիթ Ափոյան Կազմակերպված բարդակ՝ հանուն լավ վերնագրի. ԵՊՀ ՈւԽ նախագահ Ես ուրախ եմ, որ ԵՊՀ ուսանողական խորհրդի նախաձեռնությունը տեղ է հասել. Դավիթ Ափոյանը՝ ուսման վարձերի մասին 5000 ուսանող պահանջում է ուսման վարձի մասնակի փոխհատուցում Երբ գործը հասցնում է ֆինանսական աջակցությանը, ամեն ինչ մնում է ուսանողների և նրանց ընտանիքների ուսերին. ԵՊՀ ՈՒԽ նախագահ Գեւորգ Մուրադյանը ԵՊՀ հոգաբարձուների խորհրդի նախագահն ընտրվեց ԿԳՄՍ օժանդակությամբ. Դավիթ Ափոյան