«Համազգային» թատրոնը տարվա ընթացքում ներկայացումներով կրկին կլինի Արցախում

Սոս Սարգսյանի անվան «Համազգային» թատրոնը տարեվերջին Արցախ էր այցելել՝ տանելով «Սպիտակաձյունիկն ու 7 թզուկները» ներկայացումը: Թատրոնի դերասանական խումբը հանդես է եկել Ճարտարում, այնուհետև Մարտակերտում, Ասկերանում, ապա 3 օր՝ Ստեփանակերտում:

«Արմենպրես»-ի մամուլի սրահում հրավիրված ասուլիսում Սոս Սարգսյանի անվան «Համազգային» թատրոնի գեղարվեստական ղեկավար Նարինե Գրիգորյանը նշեց, որ տպավորություններն աննկարագրելի են:

«Երբեք այդքան իմաստավորված չեմ զգացել մասնագիտությունս, որքան Արցախ կատարած վերջին այցելության ընթացքում: Մեր շուրջբոլորը կան երեխաներ, որոնք պետք է չզգան այն, ինչ տեղի է ունեցել, որոնք պետք է ուրախանան: Դու ես այն մասնագիտության տեր մարդը, որ կարող ես երեխային ուրախացնել հեքիաթով: Տպավորություններն աննկարագրելի են, սկզբում խաղացինք Ճարտարում: Այնտեղ ոչ բոլոր օրերին հոսանք կար, այնպիսի օր էինք ³ÛÝï»Õ հասել, որ այդ ժամանակ էլեկտրամատակարարում չկար, սակայն շատ արագ պայմաններ ստեղծվեցին, և ամբողջ դահլիճը հավաքվեց»,- ասաց Նարինե Գրիգորյանը:

 Թատրոնի գեղարվեստական ղեկավարն Արցախում անցկացրած օրերը բնութագրում է այսպես ՝ փոխադարձ ուժի, փոխադարձ երջանկության փոխանցում: Դերասաններն ուրախ էին, որ արցախցիները կան, վերադարձել են տուն, պինդ կառչած են հայրենի հողին: Արցախցիներն էլ երջանիկ էին, որ դերասաններ են եկել, իսկ դա նշանակում է, որ կյանքը շարունակվում է:

«Շատ ուժ հավաքած ենք եկել, դա մեզ համար վերելքի մի նոր շրջան եղավ: Այդ զգացողությամբ պետք է կարողանանք վարակել նրանց, որոնք սկսել են հիասթափվել վիրավոր Հայրենիքի գիտակցությունից»,- ասաց նա:

Արցախից ստացված տպավորություններն այնքան ջերմ են ու դրական, որ ստիպեցին տարվա ծրագրերում պարտադիր ներառել Արցախ այցելությունը: Տարեսկզբին Արցախ կատարած այցելության ընթացքում հանդիպել են Արցախի նախագահ Արայիկ Հարությունյանի հետ և պայմանավորվել, որ հաճախ են այնտեղ լինելու ներկայացումներով:

«Համազգային» թատրոնը պատրաստվում է տարվա ընթացքում հանդես գալ նոր ներկայացումներով:

Այս թեմայով Ստամբուլում կինը դատապարտվել է 1794 տարվա ազատազրկման Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Սուրեն Պետրոսյանն այսօր դուրս կգա ՁՊՎ-ից. 60 ժամվա ընթացքում նրան մեղադրանք չի ներկայացվել Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի Հայ ժողովուրդը կրկին պայքարում է ատելության դեմ. Ուրուգվայի Ներկայացուցիչների պալատի նախագահ Բայդենն իր ուղերձում կրկին օգտագործել է «ցեղաuպանnւթյուն» եզրույթը Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին Ծիծեռնակաբերդի հուշահամալիր մուտքը բաց կլինի 09:30-ից. իշխանության այցը արարողակարգային է լինելու Ինչ եղավ Արցախում, այսօր Տավուշում է լինում, կոմունիկացիաները կանցնեն թշնամու վերահսկողության տակ Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն