ՌԴ-ի հետ կանոնավոր չվերթերի վերագործարկումը կնպաստի զբոսաշրջության զարգացմանը. վարչապետ

Կառավարության նիստում վարչապետ Նիկոլ Փաշինյանն անդրադարձավ «Ճամփորդում եմ առանց covid-19» ծրագրին և դրա իրականացման ընթացքին՝ նշելով, որ Հայաստան ժամանողների մեծ թիվ է գրանցվել: «Սա տնտեսական գործոն է, որովհետև նախորդ մեկ տարվա ընթացքում բազմաթիվ մեր հայրենակիցներ, ովքեր ցանկացել են գալ Հայաստան, չեն ունեցել այդ հնարավորությունը ու հիմա, երբ Ռուսաստանի հետ հաղորդակցությունը բացվել է, սպասվում է, որ Հայաստան կժամանեն մեր հայրենակիցները»,- ասաց վարչապետը։

Փոխվարչապետ Մհեր Գրիգորյանը նկատեց, որ ճամփորդելու այն մոդելը, որ պայմանավորվել էին ռուս ու բելառուս գործընկերների հետ, մեկամսյա պիլոտային ծրագիր էր համարվում, բայց երեկվա որոշմամբ՝ այլևս մեկ ամսվա խնդիրը դուրս է եկել։ «Փետրվարի 15-ից ունենալու ենք երկու ուղղությամբ չորս կանոնավոր չվերթ։ Այս երեք օրվա ընթացքում Հայաստանից մեկնել է 3900, Հայաստան եկել է 3400 մարդ», - ասաց նա՝ ավելացնելով, որ հայկական անձնագրով մեկնածների թիվը 1423 է, իսկ հայկական անձնագրով Հայաստան ժամանածների թիվը՝ 1263։

Անդրադառնալով այն քաղաքացիների խնդրին, որոնք մեկնել էին ՌԴ ու հետ վերադարձել ծագած խնդիրների պատճառով՝ Գրիգորյանը նշեց, որ խնդիրը կապ չունի ծրագրի հավելվածի հետ:

«Ըստ նախնական տվյալների՝ այդ մարդիկ մեկնել են Ռուսաստան թղթային QR կոդով, որը կասկածներ է առաջացրել ռուս սահմանապահների մոտ։ Մենք, ըստ հնարավորությունների, կօժանդակենք, որ այդ խնդիրները լուծվեն», - ասաց փոխվարչապետը։

Նիկոլ Փաշինյանը հանձնարարեց անհրաժեշտ հաղորդակցություն ծավալել՝ քաղաքացիներին հավելվածի մասին լիարժեք տեղեկատվությունը հասցնելու համար: Վարչապետի համոզմամբ՝ կանոնավոր չվերթերի վերականգնումը նոր ազդակ կհաղորդի նաև զբոսաշրջության ոլորտի զարգացմանը:

Այս թեմայով Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը