«Վթարային տների բնակիչները տեղափոխվել են Երևան»․ երկրաշարժից հետո նոր մանրամասներ

Երեկվա երկրաշարժը բավականին ուժեղ էր, դրանից հետո եղավ 4 հետցնցում։ Այս մասին ԼՈՒՐԵՐ․com-ի հետ զրույցում ասաց  Շողակաթ համայնքի ղեկավարը՝ Սուլիկո Շուշանյանը։

Վերջինս նշեց, որ երեկվա երկրաշարժը այնքան ուժգին էր, որ մի շարք փլուզումներ է առաջացրել, բնակելի տները դարձրել վթարային, անգամ, համայնքում հոսանքն էր գնացել․ «Ժողովրդին տարհանել էինք դուրս, սպասել էինք մինչև այդ ցնցումները անցնեին ու հոսանքը տային, ու արդեն 1-ի կողմերը բոլորը մտել էին իրենց տները։ Հոսանքը կարճ ժամանակ անց  շատ օպերատիվ կերպով վերականգնեցին, 15 րոպե էր անջատված մնացել»,- ասաց համայնքի ղեկավարը։

Նա հայտնեց, որ այս պահին համայնքում ԱԻՆ աշխատակիցներն են աշխատում, նաև մարզպետարանի, համայնքապետերանի համատեղ հանձնաժողովը, որը ներկա պահին վնասներն է ճշտում․ «Շատ փլուզումներ կան, բնակելի տներն են շատ վնասներ կրել։ Գիշերը չէր երևում բնակելի տների վիճակը, սակայն առավոտյան, ճաքեր նկատեցինք, տների միջնորմներն էին շարժվել ու ծածկերը, այդ տները դարձել են վթարային և այնտեղ բնակվել, պարզապես, անթույլատրելի է »,- նշեց Սուլիկո Շուշանյան։

Մեր այն հարցին, թե բնակչության շրջանում խուճապ կա՞ր, թե ոչ, համայնքի ղեկավարը պատասխանեց․ «Քանի որ այստեղի բնակչությունը հիմնականում պատերազմ տեսած է, խուճապի մեջ չէր հայտնվել, միայն, երբ հոսանքն էր գնացել խառնվել էին իրար, բայց հետո լարվածության ալիքը հանդարտվեց»,- ասաց նա։

Իսկ, թե որտեղ են գիշերել այն ընտանիքները, որոնց բնակարանները դարձել են վթարային, համայնքի ղեկավարը պատասխանեց․ «Վթարային տների բնակիչները տեղափոխվել են Երևան, ոմանք ունեին իրենց տները այնտեղ, ոմանք էլ գնացել են բարեկամների տանը ապրելու, մինչև տեսնենք՝ պետությունը ինչ կանի»,- նշեց նա։

Նշենք նաև, որ այսօր առավոտյան ևս հետցնցում է եղել, որը, ինչպես ասաց Շողակաթ համայանքի ղեկավարը, շատ թույլ էր։ 

Զվարթ Պետրոսյան

Այս թեմայով Իրանում երկրաշարժ է տեղի ունեցել «Շողակաթ» Հ/Ը կա, պետական փողերով էդ ու՞մ ա պատկանում», «Մայր Աթոռն է ֆինանսավորում, խնդիրներ ունի» (տեսանյութ) Ստամբուլում 7,6 մագնիտուդ ուժգնությամբ երկրաշարժ է կանխատեսվում Ադրբեջանում երկրաշարժ է գրանցվել 4,7 մագնիտուդով երկրաշարժ՝ Իրանում․ այն զգացվել է նաև Հայաստանում Թուրքիայում մոտ 6 բալ մագնիտուդով երկրաշարժ է եղել (տեսանյութ) Երկրաշարժ՝ Երևանից 8 կմ հյուսիս-արևելք, ստորգետնյա ցնցման ուժգնությունը կազմել է 2-3 բալ Նյու Յորքի մերձակայքում 5,5 մագնիտուդով երկրաշարժ է տեղի ունեցել (տեսանյութ) Ինդոնեզիայի ափերի մոտ երկրաշարժ է տեղի ունեցել Պապուա Նոր Գվինեայի ափերի մոտ 5,2 մագնիտուդով երկրաշարժ է տեղի ունեցել