Ստեփանակերտի քաղաքապետը սրտացավ անհատներին կոչ է անում մասնակցել պատերազմի հետևանքների վերացմանը

Ադրբեջանի կողմից սանձազերծված պատերազմի ընթացքում Ստեփանակերտի ռմբակոծության հետանքները վերացնելու, Արցախի Հանրապետության մայրաքաղաքի զարգացման, ենթակառուցվածքների բարելավման ծրագրերը հնարավորինս արագ ու արդյունավետորեն իրականացնելու համար անհրաժեշտ է նաև մասնավոր հատվածի ակտիվ ներգրավում:

Այս մասին «Ֆեյսբուքի» իր էջով հայտարարություն է տարածել Ստեփանակերտի քաղաքապետ Դավիթ Սարգսյանը:

«Յուրաքանչյուր ֆիզիկական կամ իրավաբանական անձ կարող է իր լուման ներդնել Արցախի Հանրաետության մայրաքաղաքի կենսագործունեության մակարդակի բարձրացման հայրենաշեն գործում: Բոլոր սրտացավ մարդիկ կարող են գումար փոխանցել հատուկ այդ նպատակով ստեղծված` Ստեփանակերտի աջակցման հիմնադրամին, որի հիմնական նպատակը` 2020թ. սեպտեմբերի 27-ին Ադրբեջանի կողմից սանձազերծված պատերազմի ընթացքում Ստեփանակերտի ռմբակոծության հետևանքները վերացնելն է:

Բացի այդ, աջակցության հիմնադրամի միջոցները նախատեսվում է նպատակաուղղել Ստեփանակերտի բնակչության և պատերազմի հետևանքով թշնամուն անցած բնակավայրերից հարկադիր տեղահանվածների կարիքները հոգալուն, զոհված և անհայտ կորած անձանց ընտանիքներին, ինչպես նաև աշխարհազորայինների, կամավորների, սոցիալապես անապահով, բազմազավակ ընտանիքներին ու հաշմանդամություն ունեցող անձանց աջակցելուն, սոցիալ-կենցաղային և այլ ծրագրերի իրագործմանը, Ստեփանակերտի բարեկարգմանն ու բարգավաճմանն ուղղված ծրագրերի իրականամանը, քաղաքապետարանին ենթակա հիմնարկ-ձեռնարկություններին աջակցելուն, մայրաքաղաքում կրթական, գիտական, մշակութային, սոցիալական, մարզական, առողջապահական, քաղաքաշինական և այլ հանրօգուտ նախագծեր ու ծրագրեր նախաձեռնելուն ու իրականացնելուն: Այնպես որ, եկեք ուս-ուսի տանք և միասնական ջանքերով ապրեցնենք մեր սրտի քաղաք Ստեփանակերտը....»,- նշել է Դավիթ Սարգսյանը՝ վստահեցնելով, որ այդ միջոցները նպատակային են ծախսվելու, իսկ ամբողջ գործընթացն իրականացվելու է առավելագուն թափանցիկության պայմաններում:

Այս թեմայով Էլեն Ասատրյանն ընտրվել է Գլենդելի քաղաքապետ Անետա Բաբայանը նշանակվել է Երևանի քաղաքապետի խորհրդական Երևանի քաղաքապետ Տիգրան Ավինյանն այցելել է ՍԻԱՍ Ակադեմիա Հայաստանի մայրաքաղաքի հանրային տրանսպորտում թյուրքական լեզվով գրություններ կան․ Հակոբ Կարապետյան Երևանի քաղաքապետ Տիգրան Ավինյանն այցելել է թիվ 1 տուն-ինտերնատ «Վերածնունդ» թաղամասի համար կա հաստատված «գենպլան», մենք ի՞նչ մեղավոր ենք, որ քաղաքապետ է փոխվել Մամիկոն Ասլանյանը մնում է կալանքի տակ, որովհետև իշխանությանը ոչ հաճո քաղաքապետ է. Մանուկյան Վանաձորի նախկին քաղաքապետ Մամիկոն Ասլանյանը կմնա կալանքի տակ «Իրավունք». Նոր տարի, Երեւանի նոր քաղաքապետ Մասիսում արցախցիները մեքենաներում չեն գիշերում, բոլոր ռեսուրսներով աջակցում ենք․ քաղաքապետ