Անհրաժեշտ է հիմքեր ստեղծել Հայաստան միգրանտների վերադարձի համար․ Հայկ Չոբանյան

Անհրաժեշտ է հիմքեր ստեղծել հայրենիք միգրանտների վերադարձի համար: Այս մասին մարտի 12-ին ԵՄ «Տեղական դերակատարների զորեղացում հանուն զարգացման» ծրագրի քննարկման ժամանակ ասաց Տավուշի մարզպետ Հայկ Չոբանյանը:

Նա կարեւորեց ԵՄ զարգացման ծրագիրը, որն ուղղված է մարդկային ներուժի զարգացմանը, քանի որ առանց դրա, ինչպես նաեւ առանց ժողովրդագրական զարգացման, այլ բաղադրիչների իրականացումն անհնար է:

Նրա խոսքով՝ ԵՄ նախագծի առանձնահատկություններից մեկն այն է, որ այն կիրառում է ռազմավարական մոտեցում, իսկ դա տեղական ինքնակառավարման համակարգում Հայաստանի ամենալուրջ խնդիրներից մեկն է:

«Բացի այդ, «Տեղական դերակատարների զորեղացում հանուն զարգացման» ծրագիրը հնարավորություն է տալիս ավելի ակտիվ օգտագործել առկա ներուժը»,-հավելեց Չոբանյանը:

Շիրակի մարզպետ Հովհաննես Հարությունյանն էլ կարեւորեց այս ծրագրին մասնակցելու հետաքրքրությունը՝ հաշվի առնելով զբոսաշրջության, գյուղատնտեսության, տեղեկատվական տեխնոլոգիաների, փոքր եւ միջին բիզնեսի ուղղությունների զարգացման լուրջ ներուժը:

Լոռու մարզպետ Արամ Խաչատրյանը նույնպես նշեց գյուղատնտեսության, զբոսաշրջության եւ թեթեւ արդյունաբերության զարգացման մասով ԵՄ ծրագրի կարեւորությունը՝ հույս հայտնելով, որ տեղի բնակիչները ակտիվ մասնակցություն կունենան, ինչը լրացուցիչ խթան կհանդիսանա միգրանտների տուն վերադարձի համար:

Այս թեմայով Իմ աշխատանքային գործունեությունը շարունակելու եմ նույն ռազմավարական բնագավառներում Տավուշում՝ Ազատամուտ գյուղում, ռուսական կողմը երկրորդ սահմանապահ ուղեկալն է տեղադրում.168.am Տավուշցիները «Հայաստան» դաշինքի պատգամավորներին բարձրաձայնել են մտահոգությունները Պոլիտեխնիկը պետք է դառնա արդյունաբերության թիվ 1 հենարանը․ Հայկ Չոբանյան Հայկ Չոբանյանը հանդիպել է Կատալոնիայի խորհրդարանի նախագահ Լաուրա Բոռասի հետ Հայկ Չոբանյանն ԱՄՆ դեսպանին ներկայացրել է Արդյունաբերական քաղաքի նախագիծը, անդրադարձել Ինժեներական քաղաքի ծրագրին Հայկ Չոբանյանը Ճապոնիայի դեսպանի հետ քննարկել է համագործակցության մի շարք հնարավորություններ Իրաքյան Քուրդիստանի փոխվարչապետը Չոբանյանի հետ հանդիպմանը բարձր է գնահատել հայկական տեխնոլոգիական կրթության փորձը Ստանձնելով նոր առաքելությունս՝ առաջնահերթ խնդիր եմ դրել կենտրոնանալ ռազմավարական մոտեցումների վրա․ Հայկ Չոբանյան Երկրի անվտանգությանը վերաբերվող ցանկացած տեղեկատվություն իրավունք չունի հրապարակվելու. Չոբանյան