Միանգամից Սահմանադրության 1-ին հոդվածից հանեք «իրավական» եզրույթը, ինչո՞ւ եք հապաղում. Մելոյան

Թե’ Վարչական դատարանի որոշումը, թե՛ վարչապետի աշխատակազմի այսօրվա պարզաբանումն ինձ համար սպասելի էին՝ 1-ը՝ իրավունքի տրամաբանության, 2-ը՝ իշխող ուժի ամենաթողության համատեքստում։ Այս մասին ֆեյսբուքյան իր էջում գրել է սահմանադրագետ Գոհար Մելոյանը։

«Թե’ Վարչական դատարանի որոշումը, թե՛ վարչապետի աշխատակազմի այսօրվա պարզաբանումն ինձ համար սպասելի էին՝ 1-ը՝ իրավունքի տրամաբանության, 2-ը՝ իշխող ուժի ամենաթողության համատեքստում (նախորդիվ գրառումներով անդրադարձել էի)։

Ինչ ասել է. «Սահմանադիրը նշված սահմանադրական նորմի ուժով ուժի մեջ մտած ակտի շրջադարձի հնարավորություն չի նախատեսել։»։

Կարո՞ղ է վաղն էլ ձեր ոճի մեջ խեղաթյուրեք, թե սահմանադիրը շնչելու կամ արտաշնչելու հնարավորություն չի նախատեսել։

Այսինքն՝ այս տեքստի հեղինակի «բարձր» կարծիքով անձանց մի շրջանակ զրկված է դատական պաշտպանության հիմնարար իրավունքից (Սահմ. հոդված 61)

Սա ոչ միայն Քրեական օրենսգրքի 353-րդ հոդվածով նախատեսված հանցագործության դասագրքային օրինակ է, այլեւ՝ սահմանադրական կարգի հերթական տապալում։

Հետո էլ Սահմանադրությանն ու այս փաստաթղթի հեղինակներին եք նենգաբար պիտակավորում։ Աշխարհի ամենաիդեալական գրված իրավական ակտը նման այլասեռված մեկնաբանությունների պարագայում իրավիճակից պատվով դուրս չէր գա։

Նույն տրամաբանությամբ, շուտով, Վերաքննիչ դատարանն ազատելու է մարդուն կալանքից, բայց քրեակատարողական հիմնարկը թույլ չի տալու լքել տարածքը, որովհետեւ կառավարությունը համաձայն չի լինելու դատական ակտի հետ։

Միանգամից Սահմանադրության 1-ին հոդվածից հանեք «իրավական» եզրույթը, ինչու՞ եք հապաղում»,- գրել է Մելոյանը։

Այս թեմայով Գոհար Ավետիսյանը գիրանալուց հետո ցուցադրել է իր արտաքինը (լուսանկար) Գոհար Ավետիսյանը՝ սև թափանցիկ զգեստով (լուսանկար) Գոհար Ավետիսյանը ներկայացել է նոր ֆոտոշարքով Գոհար Ավետիսյանի նախկին ամուսինը դատի է տվել նրան 35-ամյա Գոհար Գ.-ն հետախուզվում էր մարդուն առևանգելու և ֆիզիկական ներգործության մեղադրանքով «Երբ տեսա Արարատը՝ սիրտս կանգնեց»․ Գոհար Ավետիսյան ՔՊ-ի երիտասարդական կառույցի խորհրդի նախագահ է նշանակվել Գոհար Սաֆարյանը «Երևանն ինչպես միշտ շատ ջերմ է դիմավորում»․ Գոհար Ավետիսյանը Հայաստանում է (լուսանկար) Արցախի ՊԲ մարտիկները կռվել են առյուծի պես. Գոհար Մելոյան Գոհար Ավետիսյանը բաժանվել է սիրելիից (լուսանկարներ)