Առնո Բաբաջանյան երևույթը շարունակում է տարբեր սերունդների համախմբումը. Յուրի Նավոյան

Երեկ՝ մարտի 18-ին, Արամ Խաչատրյան համերգասրահում բաբաջանյանական երեկո էր: Մեծանուն կոմպոզիտորի ծննդյան 100-ամյա հոբելյանի առթիվ տեղի ունեցավ համերգ: Ի նշանավորումն այդ հատկանշական իրադարձության՝ «Դիալոգ» կազմակերպությունը, «Երաժիշտները հանուն խաղաղության» միջազգային նախագիծը և Հայաստանի պետական սիմֆոնիկ նվագախումբը համատեղ նախաձեռնեցին «Հերոսական բալլադ» համերգ-ձեռնարկը:

Երեկոյի ընթացքում ԼՈՒՐԵՐ.com-ի հետ զրույցում «Դիալոգ» հասարակական կազմակերպության նախագահ Յուրի Նավոյանն ասաց, որ նման համերնգներ են եղել Ռուսաստանի և մի շարք այլ երկրների քաղաքներում, և նրանք հարկ համարեցին, որ ժամանակն է՝ մի այդպիսի հոբելյանական համերգ էլ լինի Երևանում. «Այս համերգը հայ-ռուսական նախաձեռնությամբ է տեղի ունեցել, ձեռնարկին իր աջակցությունն է ցուցաբերել նաև ՀՀ ԿԳՄՍ նախարարությունը: Մենք այս ձեռնարկով մեր զորակցությունն ենք հայտնում Հայաստանին և հայ ժողովրդին, ինչպես նաև Հայաստանի և Ռուսաստանի ջանքերին, որոնք ուղղված են տարածաշրջանում խաղաղության հաստատմանը, ինչը շատ կարևոր է մեզ համար»,- ասաց Յուրի Նավոյանը՝ ընդգծելով, որ Առնո Բաբաջանյան երևույթը շարունակում է տարբեր սերունդների համախմբումը:

Միջոցառման խորագիր էր ընտրվել Ա. Բաբաջանյանի` դաշնամուրի և նվագախմբի համար գրված ստեղծագործության անվանումը, որը հայ ժողովրդի պատմության հերոսական էջերի մասին է: Երեկոյի ընթացքում Բաբաջանյանի ստեղծագործությունները հնչեցին Հայաստանի պետական սիմֆոնիկ նվագախմբի կատարմամբ՝ դիրիժոր Սերգեյ Սմբատյանի ղեկավարությամբ: Հանդես եկան նաև դաշնակահար Ալեքսանդր Գինդինը‚ սոպրանո Սիրանուշ Գասպարյանը‚ բարիտոններ Իլյա Կուզմինը և Գևորգ Հակոբյանը։

Երեկոյին ներկա էին նաև Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը, ՀՀ ԿԳՄՍ նախարար Վահրամ Դումանյանը: Դահլիճը լեփ-լեցուն էր ինչպես մեծահասակներով, այնպես էլ երիտասարդներով: Արամ Խաչատրյանի համերգասրահը թնդում էր «Հաղթական բալլադից»:

Մանրամասները՝ տեսանյութում.

Զվարթ Պետրոսյան

Այս թեմայով Գիտեին ով եմ, բայց ուժով տարան բաժին ու դեռ իբր ճշտում են` ինչ հիմքով են բերման ենթարկել. Խաչատրյան (տեսանյութ) Անընդհատ զիջելով չէ, հիմա ադրբեջանցիները երգում-պարում են, նայե'ք էս ժողովրդի վիճակը. Տեր Արամ (տեսանյութ) Արամ Ա-ն արձագանքել է Էրդողանին Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Արամ Սարգսյա՜ն, Վազգենն է ազատագրել Ոսկեպարի տարածքները, օկուպա՞նտ էր, որ հիմա Նիկոլ ես պաշտպանում Պատերազմին կա՛ այլընտրանք, երկիրը կոլապսի մեջ է, ԱԺ-ում պետք է շատ արագ սկսվի անվստահության գործընթաց, Նիկոլին պետք է վռնդել. Արամ Օրբելյան Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Մեր պաշտպանության հիմքերն այդ տեղամասերում քանդվում են. Տիրան Խաչատրյանը՝ գյուղերի հանձնման մասին (տեսանյութ) Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ)