Միակ թերացումս եղել է մեկ տեղում, որ նեղ թայֆայական շահեր առաջ չեմ տարել. Հովսեփյանը՝ Ալեն Սիմոնյանին

Միակ թերացումս եղել է մեկ տեղում, որ նեղ թայֆայական շահեր առաջ չեմ տարել, ուստի չէի կարող ի սկզբանե համարվել կարեւոր գործունեություն ծավալած պատգամավոր։ Այս մասին Ֆեյսբուքի իր էջում գրել է ԱԺ պատգամավոր Սոֆյա Հովսեփյանն՝ անդրադառնալով ԱԺ փոխնախագահ Ալեն Սիմոնյանի հայտարարությանը, թե Հովսեփյանը ո՛չ անցյալում, ո՛չ ներկայում չի կարող հպարտանալ բուռն պատգամավորական գործունեությամբ։

Նա, մասնավորապես, նշել է.

«Այսօր պարոն Սիմոնյանը իր խոսքում անդրադարձել է ինձ, որպես լուռ, ոչինչ չանող եւ հպարտանալու պատճառ չունեցող պատգամավորի , ով աչքի չի ընկել պատգամավորական գործունեությամբ։ Նշել է նաեւ, որ միգուցե կարող եմ հպարտանալ հասարակական գործունեությամբ, բայց ոչ պատգամավորական։

Պարո՛ն Սիմոնյան , վստա՛հ, այն օրենքները, որոնք ես եմ բերել իմ նախաձեռնությամբ, վերաբերում են չափազանց մեծ շահառուների եւ դրանք կիրառվում են ընդունման օրից եւ այսօր էլ առիթ եմ ունեցել հատուկ շնորհակալության արժանանալ զոհվածի ծնողներից մեկից։ Չհաշված կրթության մեջ արված անհամեմատ մեծ աշխատանքս, որը ո՛չ նախարարությունը կարող է հերքի , ո՛չ ԱԺ–ն։ Գրավոր դիմումներիս քանակը գերազանցում են վստահ եմ ողջ ԱԺ պատգամավորների գումարային 50+%–ինը, ինչը կարող եք պարզել քարտուղարությունից։ Մարզային այցելություններս չունի մրցակցության անգամ համեմատական եւ որեւէ պատգամավոր չի կարող ասել կամ ապացուցել ու հաստատել, որ իմ չափ այցելել է ողջ հանրապետության մարզեր, Արցախ եւ զբաղվել բոլոր խնդիրներով։ Ի դեպ,  99 % սեփական միջոցներով՝ աշխատավարձով։ Գործունեությանս ոլորտները չի սահմանափակվում միայն կրթությամբ, ինչը կփաստեն քաղաքացիները։

Այո՛, միակ թերացումս եղել է մեկ տեղում, որ նեղ թայֆայական շահեր առաջ չեմ տարել, ուստի չէի կարող ի սկզբանե համարվել կարեւոր գործունեություն ծավալած պատգամավոր ։ Դեմ եմ եղել ու շարունակում եմ դեմ լինել բոլոր ապազգային, հակահայ ծրագրերին։ Պատերազմի ժամանակ, թե պատերազմից հետո առանց ամաչելու կարող եմ նայել թե՛ զոհվածի ծնողի, թե՛ գերեվարվածի ծնողի, թե՛ վիրավոր զինվորի աչքերի մեջ։ Թե կարող եք ու ձեր ԴՈՒԽԸ այդքան հերիքում է` դուք էլ նույնն արեք։

Պահանջս է՝ անհարկի չվկայակոչել անունս, քանի որ ես անկախ այն բանից, որ դուրս եմ եկել խմբակցությունից, երբեք անվանական որեւէ մեկին անդրադարձ չեմ կատարել եւ չեմ կատարելու։

Մոնթեն ժամանակին ասել է «Իմ կենացը մի՛ խմեք, իմ գործը շարունակեք»։ Հիմա ես եմ ձեզ ասում նույնը՝ մեջբերելով Մոնթեին  Խաղաղություն ձեզ։ Ուրախ եմ, որ հայ եմ…

Հիշեցնենք, որ այսօր NEWS.am-ի հետ զրույցում ԱԺ փոխնախագահ Ալեն Սիմոնյանը գնահատական էր հնչեցրել, որ «Իմ քայլը» լքած պատգամավորներ՝ Սոֆյա Հովսեփյանը,  Գոռ Գեւորգյանը, Վարդան Աթաբեկյանը ո՛չ անցյալում, ո՛չ ներկայում չեն կարող հպարտանալ բուռն պատգամավորական գործունեությամբ։

«Սոֆյա Հովսեփյանը միգուցե կարող է հպարտանալ որպես հանրային գործիչ իր աշխատանքով, բայց մնացածի պարագայում՝ ոչ»,– ասել էր ԱԺ փոխնախագահը։

Այս թեմայով «Միայն չօգտագործվեց «Զանգեզուր» բառը, սակայն խոսվեց միջանցքի մասին. հանդիպում ենք Հանրապետության հրապարակում» Ուզում եմ խոսել մի շատ ցավոտ երևույթի մասին, որը տեղի է ունեցել հենց այսօր․ Սոֆյա Հովսեփյան Վաղը կարող է լինել հայոց պատմության ամենածանր, վճռող օրերից մեկը. Սոֆյա Հովսեփյան Եթե այսօր քո երկրի հանդեպ անտարբեր ես, վաղը երկիր չե՛ս ունենալու. Սոֆյա Հովսեփյան Հանրությանը կասեմ՝ ուժը հենց ինքն է․ ակցիաները շարունակվելու են «Նման ցինիզմ աշխարհի որևէ անկյունում չեք գտնի». Սոֆյա Հովսեփյանը՝ Արշակ Կարապետյանի պատասխանի մասին Ոչ մի երկրում այս վիճակի անտերություն չկա. Սոֆյա Հովսեփյան Կեցցե խաբեբայությունը, ձեր ուժը միայն կարող է պատել 5 լիտր օճառի գնման դեպքում․ Սոֆյա Հովսեփյան 3 օր ձեզ ժամանակ, որ հավաքեք այս գոտիներն ու փոխարինեք. Հովսեփյան Ադրբեջանական լրատվականը խոսում է Տիգրանաշենի մասով փաստաթղթի ստորագրման մասին․ Սոֆյա Հովսեփյան