ՊՎԾ-ն «անհարմար» համայնքապետերի «որս» է սկսել

Այն բանից հետո, երբ հունվարին վարչապետի որոշմամբ Պետական վերահսկողական ծառայության ղեկավար էր նշանակվել «Իմ քայլը» խմբակցության նախկին պատգամավոր, «Քաղաքացիական պայմանագիր» կուսակցության հիմնադիր անդամ Տիգրան Ուլիխանյանը՝ ՊՎԾ-ն ոչնչով աչքի չէր ընկնում, մինչև վերջին օրերը, երբ մամուլում հրապարակումներ հայտնվեցին առ այն, որ ՊՎԾ-ն երկարաժամկետ ստուգումներով  Սյունիքի մարզի համայնքապետարաններում է: Սիսիանի քաղաքապետ Արթուր Սարգսյանը նշում է, որ, ըստ հանձնարարականի, ստուգելու են սկսած 2016թ–ից մինչեւ օրս եղած փաստաթղթերը։ Մեղրիի քաղաքապետ Մխիթար Զաքարյանն էլ փաստում է, որ ՊՎԾ-ն առաջին անգամ է ստուգումներ անցկացնում իրենց համայնքում։

Հիշեցնենք՝ Սիսիանի, Գորիսի, Քաջարանի եւ Մեղրիի համայնքապետերն օրեր առաջ դարձել են «Վերածնվող Հայաստան» ընդդիմադիր կուսակցության անդամ, որի նախագահը Զանգեզուրի պղնձամոլիբդենային կոմբինատի նախկին տնօրեն, Սյունիք նախկին մարզպետ Վահե Հակոբյանն է։ Սյունիքի հետ Փաշինյանի և ընդհանրապես իշխանությունների հարաբերությունները, ինչպես գիտենք, բավական լարված են. հիշենք վերջինիս այցը Սյունիք և փախուստը այնտեղից: Սյունիքի համայնքապետերը առաջիններից էին, ովքեր պահանջեցին Նիկոլ Փաշինյանի հրաժարականը, նրանց դեմ նույնիսկ քրեական գործեր հարուցվեցին, որոնք սակայն դատարանում քանդվեցին՝ ի հեճուկս իշխանությունների՝ համայնքապետերին լռեցնելու ցանկության: Ինչպես երևում է, այժմ էլ իշխանությունները քաղաքական ճնշման նոր լծակ են գտել՝ ՊՎԾ ստուգումները, որոնց միջոցով փորձում են պրեսինգ գործադրել անհարմար համայնքապետերի նկատմամբ:

 Մեկ ամսից ավելի է՝ Պետական վերահսկողական ծառայությունը Covid-19-ի գծով ստուգումներ է իրականացնում առողջապահական համակարգում՝ նախարարություն, բուժհաստատություններ։ Մամուլում տեղեկություններ տարածվեցին, որ վարչապետին ենթակա մարմնի կողմից նման ստուգումների պատճառը եղել է Արսեն Թորոսյանի՝ առողջապահության նախարարի պաշտոնից հրաժարականը, որի մասին նախապես տեղեկացված է եղել Փաշինյանը։ Թորոսյանը ցանկացել է ընդհանրապես հեռանալ իշխանությունից, սակայն Նիկոլ Փաշինյանը ստուգումների «զենքով» նրան պահել է իր կողքին։

Ինչպես տեսնում ենք՝ վերջին ամիսներին որևէ լուրջ բացահայտմամբ աչքի չընկած պետական կառույցը իշխանությունների ձեռքում ընդամենը քաղաքական մահակի և հետապնդման հավելյալ լծակի դեր է կատարում՝ չկատարելով իր բուն առաքելությունը, այն է՝ պետական համակարգում կոռուպցիայի, չարաշահումների և վատնումների դեմ պայքարը: Տպավորություն է, որ այդ կոռուպցիան և չարաշահումները բույն են դրել բացառապես այն կառույցներում, որոնք ղեկավարում են Փաշինյանի և իր թիմի համար անհարմար անձինք...

Այս թեմայով Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Ես հրաժարական չեմ տալու. Կիրանցի վարչական ղեկավար (տեսանյութ) Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ)