Շրջակա միջավայրի նախարարության հերթական ապօրինի որոշումն Ամուլսարի ծրագրի վերաբերյալ. «Լիդիան Արմենիա»

«Լիդիան Արմենիան» իր մտահոգությունն է հայտնում Ամուլսարի ծրագրի վերաբերյալ ՀՀ շրջակա միջավայրի նախարարության կողմից հերթական բացարձակ անօրինական որոշման առնչությամբ:

Հարկ ենք համարում նշել, որ նախքան Արփա գետից 41,3 լ/վ տեխնիկական ջրօգտագործման թույլտվության հայտ ներկայացնելը ընկերության և նախարարաթյան աշխատակիցների մասնակցությամբ տեղի են ունեցել աշխատանքային մի շարք հանդիպումներ, որոնց ընթացքում քննարկվել են ինչպես հավանական ջրառի կետին, այնպես էլ այդ կետում առկա ջրաքանակին վերաբերող հարցեր: Այնուհետև տեղի է ունեցել ընկերության և նախարարության աշխատակիցներից կազմված խմբի այց հավանական ջրառի կետի տեղամաս համոզվելու, որ այդ տեղամասում առկա է անհրաժեշտ ջրապահանջը (առկա են արձանագրություններ):

2020թ. դեկտեմբերի 11-ին «Լիդիան Արմենիան», հիմք ընդունելով նախարարության հետ քննարկումների արդյունքները, ներկայացրել է հայտը ՀՀ շրջակա միջավայրի նախարարություն: Նախարարության կողմից հայտի վերաբերյալ «Լիդիան Արմենիային» ներկայացված դիտողություններին ընկերությունը տվել է սպառիչ պատասխաններ, որոնք ամբողջովին ընդունվել են նախարարության կողմից: Ընդ որում, ներկայացված դիտողություններում բացակայել է այն հիմքը, որի հիման վրա հայտը մարտի 22-ին մերժվել է: Այսինքն, առնվազն խախտվել է մերժման այդ հիմքի վերաբերյալ դիրքորոշում ներկայացնելու (լսված լինելու) ընկերության իրավունքը: Բացի այդ, մերժման հրամանը ակնհայտ անհիմն է նաև բովանդակային առումով:

Հայտնում ենք, որ «Լիդիան Արմենիան» օրենքով թույլատրելի բոլոր միջոցներով բողոքարկելու է ՀՀ շրջակա միջավայրի նախարարի հրամանը:

Հիշեցնենք նաև, որ ընկերությունը ՀՀ վարչական դատարանի վարույթում գտնվող ևս երեք հայց ունի ներկայացրած նախարարության դեմ ջրօգտագործման թույլտվության նախորդ հայտերի ապօրինի մերժումների հետ կապված:

«Լիդիան Արմենիան» նախարարության այս գործողությունները համարում է վերջին երեք տարիների ընթացքում ընկերության նկատմամբ իրականացվող անօրինականությունների ևս մեկ դրսևորում:

Այս թեմայով Ամուլսարի ոսկու հանքը, ենթադրաբար, կսկսի շահագործվել կամ այս տարեվերջին կամ 2025 թվականի սկզբին. Թունյան Դեսպան Քվինը Ջերմուկ համայնքի ղեկավարի հետ այցելեց Ամուլսար Նախկին ՀՀԿ-ականի որդին կօգնի Փաշինյանին վերագործարկել Ամուլսարը «Լիդիան Արմենիան» Ամուլսարի ծրագիրը վաճառելու պայմանավորվածություն չունի․ հերքում Հերթական «ծանր» որոշումը. ինչը՞ կփրկի ՀՀ տնտեսությունը` ըստ Փաշինյանի Ամուլսարը կփրկի՞ Նիկոլ Փաշինյանին Հերթական ստվերային գործարքը. ի՞նչ որոշում են կայացրել իշխանությունները Վարչական վերաքննիչ դատարանը բավարարել է վերաքննիչ բողոքը Ամուլսարի գործով ԱՄՆ օգնությունը` Փաշինյանին. ինչպիսին կլինի աջակցության գինը Պետք է կարողանանք հավասարակշռված որոշման գալ. Փաշինյանն անդրադարձավ Ամուլսարի հարցին