Մենք ինքներս կանցնենք սահմանը՝ մեր անասունները բերելու. Շուռնուխցին հուսահատ է

Մենք բոլոր փաստերն ու ապացույցներն ունենք, որ անասուններն ադրբեջանցիներն են տարել: Այս մասին ԼՈՒՐԵՐ.com-ի հետ զրույցում ասաց Սյունիքի մարզի Շուռնուխ գյուղի բնակիչ Գավրուշ Հակոբյանը:

Ներկայացնելով դեպքի մանրամասները՝ վերջինս պատմեց. «Ամսի 19-ին պատահական նկատեցինք, որ գոմի կողքերը կովերը չեն երևում, դիմեցինք սահմանապահներին: Իրենք էլ խոստացան, թե ամեն ինչ կանեն՝ դրանց վերադարձնելու համար: Թուրքերը սահմանապահների միջոցով ինձ խաբար էին արել, թե իրենց մոտ են անասունները: Հաջորդ օրը խաղաղապահների հետ գնացինք իրենց ասած վայրը, բայց նրանք հրաժարվեցին՝ ասելով, թե չեն տեսել՝ կովերը նրանց մոտ չեն»,- նշեց Շուռնուխի բնակիչը՝ շեշտելով, որ մինչև այսօր այդպես էլ չի հասկացել, թե որն էր իմաստը նրանց խաբելու:

Մեր այն հարցին, թե իրենց անասնագոմը ինչ հեռավորության վրա է գտնվում ադրբեջանական սահմանից, պատասխանեց. «Ադրբեջանցիների սահմանը ոչ ոք չգիտի՝ որտեղ ա, անգամ, մի նշան չկա, որ ցույց կտա, թե որտեղից է սկսվում նրանց սահմանը: Կոնկրետ իմ տարածքում ադրբեջանցիների սահմանի մասին զրույց չի եղել, միայն ասել են, որ իմ գոմից ներքև ադրբեջանցիներինն ա, բայց 500 մետր ներքև, թե՝ 100, պարզ չի ոչ ոքիս համար»,- նշեց Գավրուշ Հակոբյանը:

Նա ասաց, որ իրենց խնդիրը կարգավորելու համար նախ դիմել են սահմանապահներին, հետո էլ՝ մարզեպատարան, բայց հույս չունի, որ իր խնդիրը կլուծեն և անասունները կվերադարձնեն. «Մարզպետարան ենք դիմել, մեզ ասացին, որ ոչինչ չձեռնարկենք, հանկարծ չփորձենք, գնանք անասունների հետևից: Ասացին, որ իրենք բարձր մակարդակով կլուծեն այդ հարցը, բայց ես հույս չունեմ»,- ընդգծեց Շուռնուխի բնակիչը: 

Ըստ Գավրուշ Հակոբյանի խոսքերի՝ ներկա դրությամբ բանակցություններ են գնում, և ադրբեջանցիները դեռևս թույլ չեն տալիս՝ սահմանապահները մուտք գործեն իրենց տարածք. «Ես չէի կարծում, որ իրենք այդքան կմոտենան, մտածում էի՝ համարձակություն չէին ունենա, բայց արի ու տես՝ ոչ միայն մոտեցել են, այլև մեր անասուններն են գողացել»,- ասաց նա՝ հավելելով՝ եթե տեսնի իր խնդրին լուծում չեն տալիս, այն կփորձի լուծել ինքնուրույն. «Եթե տեսնենք, որ հարցին լուծում չեն տալիս, մենք ինքներս կանցնենք սահմանը՝ մեր անասունները բերելու»,- եզրափակեց նա:

Հիշեցնենք, որ ուրբաթ օրը ադրբեջանցիները գողացել էին Գավրուշի 13 մայր կովերն ու քշել դեպի ադրբեջանական Սեյթազ գյուղ։ 

Զվարթ Պետրոսյան

Այս թեմայով Շուռնուխցիներին խաբած իշխանությունները հիմա էլ տավուշցիներին են «խոստումներ» տալիս Երթուղային ավտոբուսները շաբաթական 2 անգամ Գորիսից կմեկնեն Որոտան, Բարձրավան և Շուռնուխ Ցավալիորեն Շուռնուխը գտնվում է թշնամու դիտակետում և բախվել է անվտանգային մի շարք խնդիրների. ՔՊ-ական պատգամավոր Գնել Սանոսյանն այցելել է Շուռնուխ, Բարձրավան և Որոտան բնակավայրեր Շուռնուխում դիտարկվել է նոր թաղամասի կառուցման ընթացքը Սահմանամերձ Շուռնուխ գյուղում 4 ընտանիք բնակարան է ստացել «Չայզամի» կոչվող տարածքում ադրբեջանցիները մոտ 800 մետր հետ են քաշվել ճանապարհից. Շուռնուխի գյուղապետ Ադրբեջանի ԶՈւ-ն այրում են հնձած խոտը, գողանում անասուններ․ ՄԻՊ-ը Գեղարքունիքում է Որոտանում և Շուռնուխում ունեցվածքը կորցրած քաղաքացիներին տրամադրվել է հավելյալ 68 հազար դոլար Տանձավեր-Շուռնուխ նոր կառուցվող ճանապարհի շինաշխատանքներ կատարելիս վնասվել է գազատար խողովակը․ ՏԿԵՆ