Տրանսպորտում դիմակ չկրելու համար կազմվել է 16 արձանագրություն

Ապրիլի 2-ին ՔՏՀԱՏՄ Երևանի տարածքային բաժինների տրանսպորտային անվտանգության աշխատակիցները մայրաքաղաքի տարբեր վարչական շրջաններում դիտարկել են 93 տրանսպորտային միջոց։ Կազմվել է 16 արձանագրություն, որոնք վերաբերել են վարորդների կողմից դիմակներ չկրելուն։

ՏՄ Արմավիրի, Գեղարքունիքի, Տավուշի և Վայոց ձորի տարածքային բաժինների տրանսպորտային անվտանգության աշխատակիցները ՀՀ առողջապահական և աշխատանքի տեսչական մարմնի, Ճանապարհային ոստիկանության (ՃՈ) հետ Արմավիրի, Գեղարքունիքի, Տավուշի և Վայոց ձորի մարզերում համատեղ ստուգայցերով վերահսկել են COVID-19-ի հակահամաճարակային կանոնների պահպանումը։  

Իրականացված միջոցառման արդյունքում Արմավիր քաղաքում կազմվել է 24 արձանագրություն, որից 18-ը` իրազեկման թերթիկի բացակայության, 3-ական՝ գերծանրաբեռնված երթևեկության և վարորդի ու ուղևորների կողմից դիմակ չկրելու վերաբերյալ։

Վայոց ձորի մարզում դիտարկվել են 8 ներմարզային և 1 միջմարզային երթուղի՝ 9 միկրոավտոբուս, 2 տաքսի։

Մի քանի միկրոավտոբուսներում բացակայել են իրազեկման թերթիկները, ուղևորներն ու վարորդները հիմնականում պահպանել են հակահամաճարակային կանոնները:

Գեղարքունիքի մարզում,  մասնավորապես Գավառի տարածաշրջանում մշտադիտարկումներ և վերահսկողություն են իրականացվել 18 տրանսպորտային միջոցների նկատմամբ։ Արձանագրվել է 6 իրավախախտում՝ տրանսպորտային փոխադրամիջոցները գերբեռնված են եղել, ուղեսրահներում բացակայել են ախտահանիչ միջոցներն ու իրազեկման թերթիկները։

Տավուշի մարզում տեսուչները շրջայցեր են կատարել Իջևանի և Դիլիջանի ավտոկայաններում։ Խախտումներ չեն հայտնաբերվել, արձանագրություններ չեն կազմվել։ Հանրային տրանսպորտի վարորդներին իրազեկման թերթիկներ են տրվել։

Տեսչական մարմնի կողմից  հանրային տրանսպորտում վերահսկողությունը կլինի շարունակական։

Այս թեմայով «Երևանցուն առաջարկվող փաթեթները թանկ են». տրանսպորտի գները՝ ԽՍՀՄ երկրների մայրաքաղաքներում (լուսանկար) Հասարակական տրանսպորտից օգտվելու համար կլինեն արտոնյալ սակագներ. Գրիգորյան Գավառում 3-ից հետո տրանսպորտ չես գտնի դեպի գյուղեր, մարդիկ տուն հասնելու խնդիր ունեն. Գրիգորյան Տուրիստներն ասում են՝ չենք ուզում տաքսիով հասնել Մեղրի, ինչու՞ տրանսպորտ չկա. Գեղամ Նազարյան Հնարավոր է՝ ուղեվարձի փոփոխություն լինի. նախագիծ է ներկայացվել հանրային քննարկման Կարմիր գծերը «կթանկանան», երբ պատշաճ հանրային տրանսպորտ ունենանք, ստիպենք` մարդիկ դրանցից օգտվեն «Ժողովուրդ». ՌԴ տրանսպորտի նախարարության նոր որոշումը «Իրավունք». Չարբախցիներն անելանելի վիճակում են Աշխատավարձը բարձրացրել են, զուգարանի հարցը լուծելու են. վարորդները դուրս եկան աշխատանքի Որոտան, Բարձրավան, Շուռնուխ համայնքները հիմա էլ կապ ունեն, տրանսպորտ կա, շարժ կա. Գնել Սանոսյան