Օնիկ Գասպարյանի գործով Նիկոլ Փաշինյանի ներկայացուցչի միջնորդությունը մերժվել է

ՀՀ վարչական դատարանը մերժել է ՀՀ ԶՈՒ ԳՇ նախկին պետ Օնիկ Գասպարյանի գործով հայցի ապահովման միջոցը վերացնելու մասին վարչապետ Նիկոլ Փաշինյանի ներկայացուցչի միջնորդությունը։ Այս մասին ԼՈՒՐԵՐ․com-ը տեղեկանում է Դատական տեղեկատվական համակարգից։

Դատարանը մերժել է պատասխանողի միջնորդությունը՝ ընդգծելով, որ պատասխանողը չի ներկայացրել որևէ հիմնավոր փաստարկ առ այն, որ հանգամանքների փոփոխությամբ պայմանավորված` վերացել է հայցի ապահովման միջոցի անհրաժեշտությունը, իսկ դատական ակտերի իրավաչափության վերաբերյալ պատասխանողի ներկայացուցչի փաստարկները հիմք չեն հայցի ապահովումը վերացնելու համար։

Հիշեցնենք, որ Օնիկ Գասպարյանը մարտի 10-ին դիմել է ՀՀ վարչական դատարան` իրավունքի ուժով ընդունված Հանրապետության նախագահի՝ զինված ուժերի գլխավոր շտաբի պետ, գեներալ-գնդապետ Օնիկ Գասպարյանին պաշտոնից ազատելու վերաբերյալ հրամանագիրը, ինչը հաստատվել է 2021թ. մարտի 10-ի՝ վարչապետի՝ Օնիկ Գասպարյանին ՀՀ ԶՈՒ գլխավոր շտաբի պետի պաշտոնից իրավունքի ուժով ազատված համարելու մասին հայտարարությամբ, առոչինչ ճանաչելու պահանջով:

Դատարանը մարտի 17-ին բավարարել էր Օնիկ Գասպարյանի հայցի ապահովման միջոց կիրառելու մասին փաստաբանի միջնորդությունը, որով պահանջվել էր ճանաչել Գասպարյանին պաշտոնից ազատելու իրավահարաբերության բացակայությունը:

Արդեն ապրիլի 2-ին նշանակված դատական նիստին վարչապետի ներկայացուցիչը միջնորդություն էր ներկայացրել դատարանին՝ վերացնել հայցի ապահովումը։ Վարչապետի ներկայացուցիչը պնդել էր, որ Գասպարյանի գործով հայցի ապահովման հիմքը բացակայում է։

Այս թեմայով Վազգեն Սաղաթելյանը կշարունակի կալանավորված մնալ. մերժվել է կալանքի դեմ բողոքը Դավիթ Տոնոյանը կշարունակի մնալ կալանքի տակ. դատարանը մերժել է միջնորդությունը Լեհաստանը բավարարել է միջնորդությունը. հետախուզվող անձը հանձնվել է Հայաստանի իրավասու մարմիններին Պեմզաշենի սպանության դատական գործը չի տեսանկարահանվի․ դատավորը բավարարեց մեղադրյալի միջնորդությունը Վրաստանը բավարարել է գլխավոր դատախազության միջնորդությունը. հետախուզվող անձը հանձնվել է ՀՀ-ին Գերմանիան բավարարել է ՀՀ գլխավոր դատախազության հերթական միջնորդությունը Դավիթ Տոնոյանը կշարունակի մնալ կալանավորված․ դատարանը մերժել է միջնորդությունը ՈւՂԻՂ. Դատարանը քննարկում է Աշոտյանի կալանքը փոխելու միջնորդությունը ՊԲ գնդապետ Նորայր Ասլանյանի կալանքը այլ խափանման միջոցով փոխարինելու միջնորդությունը բավարարվել է Գերմանիան բավարարել է ՀՀ գլխավոր դատախազության միջնորդությունը. ՀՀ տարածքով հերոին տեղափոխող անձը հանձնվել է Հայաստանի իրավասու մարմիններին