Հիմա էլ հաճախորդների մասին տեղեկություններն են կենտրոնացնո՞ւմ ԿԲ-ում․ Կարեն Ճշմարիտյան

Գրառումը՝ ստորև.

«Վավերացնե՞լու եք...

Բանկային հաշիվների կենտրոնացված ռեե՞ստր, լու՞րջ...

Ավելի ազնիվ չի լինի՞ հայտարարել, որ այլևս Հայաստանում մասնավոր բանկեր չկան, և որ բոլոր մասնավոր բանկերն այսուհետ ԿԲ-ի մասնաճյուղերն են:

Ի՞նչ կենտրոնացված ռեեստր, ինչի՞ համար...

Ի՞նչ են ուզում բանկերից, թե՞ ևս մեկ չփլուզված համակարգ են գտել:

Այդ ո՞ր տեղեկություններն են, որ օրենքի պահանջով երբևէ բանկերը մերժել են, ուշացրել են կամ հրաժարվել են տրամադրել: Գեթ մեկ նման դեպք առկա՞ է: Կամ Հայաստանյան բանկերով փողերի լվացման ու ահաբեկչության ֆինանսավորման քանի՞ դեպք է արձանագրվել:

Այսինքն՝ բացի այն բանից, որ լիցենզիա են տալիս բանկերին, ամեն քայլը վերահսկում, հիմա էլ հաճախորդների մասին տեղեկություններն են կենտրոնացնո՞ւմ ԿԲ-ում:

Հայտնի չէ, գիտակցված են անում, թե՞՝ ո՛չ, բայց որ ներդրումների այս հատվածով կարելի է այլևս չանհանգստանալ, դա փաստ է, որովհետև դրանք վերջնական զրոյանալու են: Չի կարելի բացառել նաև որոշ ներդրումների հնարավոր փախուստը:

Հետաքրքիր է՝ Հայաստանյան մասնավոր բանկերը համաձա՞յն են, որ իրենց բոլոր հաճախորդների բանկային հաշիվների մասին ամբողջական տվյալները ԿԲ-ում կենտրոնանան, և այնտեղ նստած որևէ ՏՏ մասնագետ, ինչ ցանկանա, երբ ցանկանա, ում ցանկանա, մի հատ «ֆլեշկա»-ով փոխանցի:

Թե՞ թուրքական հատուկ ծառայությունների և այլ, մեղմ ասած, ոչ այնքան բարեկամ կազմակերպությունների համար «Մեկ պատուհանի սկզբունք» են ապահովում:

Հիմնավորումն էլ՝ «կոռուպցիայի դեմ պայքարի ծրագրից է...», մենք մեղք չունենք: Անունը դնում են «կոռուպցիայի դեմ պայքար», և սուզվող երկրի գլխից ևս մի ծանր գործիքով սեղմում դեպի հատակը: Դա բավարար չէ, մի բան էլ լրացնում են, թե իբր «...նորարարական գաղափարների...» համար հող ենք նախապատրաստում: Հետաքրքիր է՝ ո՞ր գաղափարների՝ տոտալ գլոբալիստակա՞ն...

Իսկ երկրի ֆինանսական անվտանգությո՞ւնը, իսկ բանկային գաղտնի՞քը, իսկ մասնավոր բանկերի ինքնուրույնությունն ու նրանց տարածաշրջանային մրցունակության ապահովումը: Սրանք անպետք և անկարևոր գործառույթնե՞ր են: Ժամանակին տարածաշրջանային ֆինանսական կենտրոնի վերածվելու հավակնություններ կային, ի՞նչ եղան:

Աշխարհով մեկ փող լվացողներն են անհա՞յտ, թե՞ ահաբեկչություն ֆինանսավորողները: Անհա՞յտ են, հաստա՞տ... Թուրքիան ու Ադրբեջանը այլևս չկա՞ն...

Տեղեկություններ չունե՞նք, տեղյակ չե՞նք...

Պատերազմներն ովքե՞ր են հրահրում, ովքեր են փողեր լվանում, ֆինանսավորում, անհա՞յտ են` Մարս մոլորակի՞ց են: Իսկ միգուցե պայմանական «Բիթքոյնը» չի վերահսկվում նրանց կողմից, ովքեր փաստացի հովանավորում են այդ ամենը:

Լավ, ինչքա՞ն կարելի է ձև անել...

Նաև հեղինակներին հիշեցրեք, որ Հայաստանը ոչ Մալթա է, ոչ Չեխիա է, ոչ Իսպանիա է, ոչ էլ առավել ևս Ֆրանսիա կամ Ավստրիա:

Եթե աչք ծակող այլ տարբերությունները մի կողմ թողնենք, ապա կարելի է ընդգծել, որ, համենայն դեպս, նշված երկրները վերջին երեք տարում ինքնաոչնչացման ուղին չեն բռնել, և իրենց պետություններն այսչափ չեն խարխլել:

Եվ կարիք չկա պարբերաբար փորձել սեփական արտադրության «Երազ»-ի վրա «Ռոլս Ռոյսի» շարժիչ հարմարեցնել:

Կամ մտածված վատ բան են անում, կամ էլ հոգնել են տղաները՝ ակնհայտ տեղապտույտի մեջ են»:

Այս թեմայով Նպատակներ, որոնք առաջնահերթ պետք է ներառվեն հայության միասնական օրակարգում․ Կարեն Ճշմարիտյան 100 տարուց ավելի է նման պատկեր չէր եղել, ողբալի է. Կարեն Ճշմարիտյան Թուրքիայում երկաշարժից տուժածները բողոքում են, որ ոչ ոք չի մտածում իրենց մասին, նույնիսկ սնունդ չեն մատակարարում Կարեն Խաչանովը Ավստրալիայի բաց առաջնության երրորդ շրջանում է Կուզենայի՞ք այս աստիճան անկյուն քշված իրավիճակում ՌԴ-ն դառնար Հայաստանին թշնամի երկիր․ ՀՀ Էկոնոմիկայի նախկին նախարա Այդ ի՞նչ է լինելու Հայաստանի ողջ տարածքում, որ եվրոպացի դիտորդները պետք է դրան հետևեն. Կարեն Վրթանեսյան Կարեն Խաչանովը հաղթանակով մեկնարկեց Ավստրալիայի բաց առաջնությունում Մեկ երկրի տնտեսական զարգացումը ֆիզիկական սահմանափակումներ չունի, ճիշտ այնպես, ինչպես ֆիզիկական սահմանափակումներ չունի մարդու մտավոր կարողությունը․ Կարեն Ճշմարիտյան «Բոլորը մեղավոր են, իսկ մե՞նք…»․ Կարեն Ճշմարիտյան ԱՄՆ պատվիրակության անդամը շատ պարզ նշեց՝ վերջին հարձակումը կանգնեցրել է ՌԴ-ն․ Կարեն Ճշմարիտյան