Սարգսյանը խոստացավ 2 շաբաթում վերադարձնել հողերը. նոր իշխանությունը ևս ժամանակ էր խնդրել. Ալիև

Այսօր Բաքվում բացված ռազմավարի թանգարան-այգում պարգևատրման արարողության ժամանակ Ադրբեջանի նախագահ Հեյդար Ալիևը հայտարարել է, թե դեռ 2016-ի ապրիլյան մարտերի ժամանակ իրենք Հայաստանին շանս էին տվել: «Ջախջախիչ պարտությունից հետո խունտայի այնժամանակվա ղեկավար Սարգսյանը անձամբ է ինձ խոստացել վերադարձնել հողերը: Միևնույն ժամանակ, երբ ընթանում էին ապրիլյան մարտերը, նրանք գիշեր-ցերեկ զանգում էին Մոսկվա, Ռուսաստանի Գերագույն շտաբի ղեկավարին, աղերսում էին, թե բա՝ Ադրբեջանին ասեք, թող պատերազմը կանգնեցնի: Մենք կանգ առանք մի պայմանով, որ անհապաղ սկսվեն բանակցություններ, և դրանք սկսվեցին: Պատերազմից մեկ ամիս անց Վիենայում կայացավ Մինսկի խմբի համանախագահող երկրների արտգործնախարարների մակարդակով հանդիպում: Իսկ ինչո՞ւ մինչ այդ նման մակարդակով հանդիպում չէր կայացել: Այնինչ հենց որ ապրիլին մենք հարվածեցինք հայերին, մայիսին նրանք հանդիպեցին: Հունիսին Ռուսաստանում կայացավ գագաթաժողով: Սարգսյանն ինձ խոստացավ, որ իրենց 2 շաբաթ է հարկավոր միայն հարցը լուծելու համար: «Խոստանում եմ, որ կլուծեմ այդ հարցը»,- ասաց նա: Ես ասացի՝ լավ, ու նա հեռացավ:

Դրանից հետո Երևանում կա՛մ իրենք կազմակերպեցին, կա՛մ էլ ինքնըստինքյան տեղի ունեցավ այդ միջադեպը՝ Ոստիկանական շենքի գրավումը (ՊՊԾ գնդի գրավումը-խմբ.): Այդ իրադարձությունների պատճառաբանությամբ Սարգսյանը հրաժարվեց կատարել իր խոստումը: Ու նորից մեզ խաբեցին: Ոչ միայն Սարգսյանը, այլև բոլորը:

2018-ին Նախիջևանի օպերացիայով, կրկին, մենք նրանց դաս տվեցինք, ևս մեկ անգամ ցույց տվեցինք, որ իրենց վերջը վատ է լինելու, ոչնչանալու են: Բայց դա էլ նրանց խրատ չեղավ: Սարգսյանը իշխանությունից հեռացվեց: Հայաստանում նոր իշխանություն եկավ: Մի ամիս անց, հաջող օպերացիա անցկացնելով Նախիջևանի սահմանին՝ մենք գրավեցինք կարևոր ստրատեգիական դիրքեր և արդեն ամբողջովին վերահսկում էինք Ղարաբաղի ճանապարհը: Պատերազմի ընթացքում, հիմա դա գաղտնիք չէ, մենք գիտեինք, թե ինչ է կատարվում Լեռնային Ղարաբաղում: Մենք կարող էինք կտրել այդ ճամփան ցանկացած պահի, սակայն դրա անհրաժեշտությունը չկար: Բայց դա էլ դաս չեղավ, թեև այս նոր իշխանությունը ևս մեզնից ժամանակ խնդրեց»:

Այս թեմայով Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև Հայաստանը պետք է փոխի Սահմանադրությունը, Արարատով զինանշանը. Ալիև Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Ադրբեջանի և Հայաստանի միջև սահմանի 10-12 կիլոմետրը կարելի է սահմանազատված համարել. Ալիև Ալիևը նորից «Զանգեզուրի միջանցք» է պահանջել Ադրբեջանը չի կարող ձեռքերը ծալած սպասել, մինչ Ֆրանսիան, Հնդկաստանը և Հունաստանը զինում են Հայաստանին․ Ալիև Հայկական կողմը համաձայնել է ԼՂ-ի մասին դրույթ խաղաղության համաձայնագրում չներառել․ Ալիև Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Շատ բան է կախված մեր երկրների փոխգործակցությունից․ Ալիևը՝ Պուտինին ԱՄՆ մի խումբ կոնգրեսականներ Ալիևի վարչակազմի դեմ պատժամիջոցների օրինագիծ են ներկայացնում