Երկար տարիներ չարածների «փոսն ենք լցնում-լցնում» և դեռ պետք է շարունակենք լցնել․ Փաշինյան

Մանկապարտեզի վերակառուցումից մինչև բնակելի շենքերի շինվերանորոգման աշխատանքներ. ՀՀ վարչապետ Նիկոլ Փաշինյանը ներկայացրեց  2018-ից՝ հեղափոխությունից հետո Տարածքային զարգացման հիմնադրամի կողմից  իրականացված ծրագրերը:

Փաշինյանն այս մասին հաշվետվություն ներկայացրեց Վայոց ձորի մարզ կատարած այցի շրջանակում Ռինդ համայնքում քաղաքացիների հետ հանդիպմանը՝ անդրադառնալով քննադատություններին, հարցադրումներին, թե 2018-ից մինչև օրս իրենց իշխանությունն ի՞նչ աշխատանքներ է կատարել:

«Ռինդում կապիտալ վերակառուցվել է մանկապարտեզը՝ 127 մլն դրամ բյուջեով: Զառիթափ համայնքում Խնձորուտի խմելու ջրի ջրագծի վերակառուցում է տեղի ունեցել, Եղեգնաձորում թիվ 1 դպրոցի կառուցումը շարունակվում է: Ջերմուկում իրականացվել են ձախափնյա թաղամասի բնակելի շենքերի տանիքածածկույթի շինվերանորոգման աշխատանքներ՝ 266 մլն դրամի: Ջերմուկում իրականացվել են ձախափնյա և աջափնյա թաղամասերի բնակելի շենքերի շքամուտքերի վերանորոգման աշխատանքներ, Կեչուտ թաղամասում ներթաղամասային ճանապարհների և մայթերի բարեկարգում, Ջերմուկում քաղաքային զբոսայգու բարեկարգման, հեծանվուղու և սանհանգույցների կառուցման աշխատանքներն ընթացի մեջ են: Եղեգիսում Գողթանիկի դպրոցի շենքի տանիքի վերանորոգում է իրականացվել, Արենիում Չիվայի խմելու ջրի արտաքին ցանցի հիմնանորոգում՝ 2 կմ, Արենիում Մ2 Արենի-Խաչիկ-Գնիշիկ-Եղեգնաձոր հանրապետական նշանակության ավտոճանապարհի նորոգում»,-նշեց վարչապետը:

Ջերմուկում այս տարի մեկնարկում են ևս 2-3 մլրդ դրամի աշխատանքներ: Փաշինյանը նկատեց, որ Ջերմուկում կատարվող ներդրումները շատ կարևոր են նաև Ռինդի, Չիվայի, Եղեգնաձորի համար: «Ջերմուկը մարզային կենտրոն է, այդ թվում՝ զբոսաշրջային կենտրոն, մարդիկ ինչքան գնում-գալիս են այստեղ, մարզային տնտեսությունը սկսում է ավելի շատ աշխատել»,-ասաց նա:

Վարչապետը նկատեց, որ միլիարդավոր դրամների ծրագրեր են իրականացրել ամբողջ հանրապետությունում, մասնավորապես Վայոց ձորում: Փաշինյանը, սակայն նշեց, որ այդքան աշխատանքները աչք չեն ծակում, քանի որ երկար տարիներ չարածների «փոսն են լցնում-լցնում» և դեռ պետք է շարունակեն լցնել: «Մենք մեր բոլոր խնդիրները պետք է հաղթահարենք աշխատանքով»,-նշեց վարչապետը:

Այս թեմայով Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան