Խաղաղապահների մասնակցությամբ Ստեփանակերտում անց է կացվել Հաղթանակի օրվան նվիրված շքերթի փորձը

Արցախում տեղակայված ռուսաստանյան խաղաղապահ զորախմբի զինծառայողները սկսել են պատրաստվել 1941-1945 թվականների Հայրենական մեծ պատերազմում Հաղթանակի օրվան նվիրված հանդիսավոր երթին:

Այս մասին տեղեկացնում են ՌԴ պաշտպանության նախարարությունից:

«Ստեփանակերտ քաղաքի օդանավակայանում մարզումներին մասնակցում է շուրջ 400 ռուս զինծառայող: Հանդիսավոր երթի փորձերին ներգրավվում է Կենտրոնական ռազմական օկրուգի 15-րդ առանձին մոտոհրաձգային բրիգադի (խաղաղապահ) անձնակազմը, որը կազմում է Արցախում ռուսական խաղաղապահ զորակազմի հիմքը: Բացի այդ, փորձերին մասնակցում են Մարդասիրական արձագանքման կենտրոնի, ռազմական ոստիկանության, հատուկ նշանակության բժշկական ջոկատի ստորաբաժանումների, ռուսական խաղաղապահ զորակազմի կառավարման խմբի, ինչպես նաև նյութատեխնիկական ապահովման ստորաբաժանումների անձնակազմը:

Նախատեսվում է, որ Հաղթանակի 76-րդ տարեդարձի օրը՝ 2021 թվականի մայիսի 9-ին, հանդիսավոր երթին կմասնակցի մինչև 10 ստորաբաժանում, յուրաքանչյուրում մինչև 45 զինծառայող:

Ներկայում, Արցախում ռուսաստանյան խաղաղապահ զորախմբի զորահանդեսային հաշվարկների վարժանքներն անցկացվում են կանոնավոր կերպով՝ հատուկ հատկացված ժամանակահատվածում, որպեսզի չխանգարեն խաղաղապահ զորակազմի առաջադրանքների կատարմանը:

Այս թեմայով Հայաստան եկած ռուս խաղաղապահներն այսօր վերադարձել են ԼՂ Ռուս խաղաղապահը Սյունիքից ևս դուրս կբերվի․ փակվում են Գորիսի և Սիսիանի տեղակայման վայրերը Կրեմլում հայտնել են՝ ինչու են խաղաղապահները հեռացել Լեռնային Ղարաբաղից Ռուս խաղաղապահների շարասյունը Լեռնային Ղարաբաղից շարժվել է Սյունիք (տեսանյութ) Ավերված ու թալանված Ստեփանակերտը (լուսանկար) Ռուս խաղաղապահները կօգնեն Ադրբեջանին ականազերծման գործում Ստեփանակերտում ադրբեջանցիներն ապամոնտաժել են Շառլ Ազնավուրի հուշարձանը Ադրբեջանցիները Ստեփանակերտում ավիրել են Արցախի հերոս Աշոտ Ղուլյանի հուշարձանը Ադրբեջանցիները Ստեփանակերտում ավերել են Անատոլի Զինևիչի կիսանդրին Այս տարվա սեպտեմբերին Արցախում զոհված ռուս խաղաղապահներին նվիրված հուշարձան է բացվել