Ընտրական օրենսգրքի փոփոխությունների մեծ փաթեթը ԱԺ-ում կքննարկվի հաջորդ շաբաթ. Համազասպ Դանիելյան

Սահմանադրությունը նախագահի համար նախատեսում է շատ սահմանափակ լիազորություններ, որոնց մեջ որեւէ կերպ չի մտնում այն, ինչ տեղի ունեցավ երկու օր առաջ, երբ նախագահը սկսեց մեկնաբանել, թե ինքն ինչ մտահոգություններ ունի օրենքի նախագծի հետ կապված: Այս մասին, այսօր՝ ապրիլի 19-ին, ԱԺ-ում լրագրողների հետ զրույցում ասաց ԱԺ «Իմ քայլը» խմբակցության պատգամավոր Համազասպ Դանիելյանը:

«Սահմանադրությամբ հստակ ֆիքսված է, որ երբ ԱԺ-ն ընդունում է օրենքներ, նախագահը կամ այն ստորագրում է, եթե սահմանադրականության հետ կապված խնդիր է տեսնում ուղարկում է ՍԴ,  իսկ ակնհայտ է, որ Ընտրական օրենսգրքի այս նախագծի հետ կապված սահմանադրականության խնդիր չկա, նաեւ դա արտացոլված է իր հայտարարությունում: Իսկ մեկնաբանություններ տալու լիազորություններ Նախագահը չունի:

Հավանաբար փորձում է դրանով հիմնավորել իր որոշումը, որ չի ստորագրելու օրենքը: Եթե այս նախագիծն ավելի վաղ ստորագրվեր, դա հնարավորություն կտար, որ Ընտրական օրենսգրքի ավելի մեծ նախագիծը, փաթեթը, շատ ավելի վաղ ընդունենք: Ես բազմիցս ասել եմ, որ մենք նախատեսում էինք դա ապրիլի 13-ի լիագումարն նիստին ընդունենք, բայց այս նախագծի ստորագրված չլինելը ստիպեց մեզ հետաձգել դա»,-ասաց նա:

Հարցին, թե ե՞րբ ԱԺ օրակարգ կբերեն Ընտրական օրենսգրքի փոփոխությունների մեծ փաթեթը, Դանիելյանը պատասխանեց. «Հաջորդ շաբաթ: Ես կարծում եմ, որ իրատեսական է, որ մենք կկարողանանք ունենալ Ընտրական օրենսգրքի փաթեթի քննարկում եւ քվեարկության արդեն հաջորդ շաբաթ: Չեմ ուզում բացառել, որ ստիպված կլինենք 24-ժամյա ռեժիմով դա իրականացնել, որովհետեւ միայն այդ դեպքում կկարողանանք մինչեւ մայիսի սկիզբ ընդունած ունենալ օրենսգիրքը: Եթե նախագահը այդ փաթեթն էլ չստորագրի եւ 21-օրյա ժամկետը գնա, ապա այս դեպքում ռիսկի տակ է դրվում այդ մեծ փաթեթի ցանկացած կետի կյանքի կոչումը  հունիսի 20-ի արտահերթ ընտրությունների ժամանակ»:

Այս թեմայով Ուղղաթիռից կախված՝ 32 ձգում՝ 1 րոպեում. Համազասպ Հլոյանը՝ Գինեսի ռեկորդակիր Օգնություն ցուցաբերողների շարքում Հայաստանը հրապարակավ չարտաբերելը էրդողանի պարագայում ոչ այնքան քաղաքակրթության պակաս է, որքան նենգ հաշվարկ. Դանիելյան Մահացել է վաստակաշատ երկրաբան ու հնագետ, գիտնական Համազասպ Խաչատրյանը Արևմուտքը հայերին այլ ելք չի թողնում ու քշում է Ռուսաստանի գիրկը. Ստեփան Դանիելյան Կովկասը «Նոր Ուկրաինա» դառնալու ճանապարհին է, իսկ Հայաստանը' «Նոր Մարիուպուլի»-ի. Ստեփան Դանիելյան «Երբ կառավարությունը խաբում է սեփական հանրությանը». Ստեփան Դանիելյան Այս հրաժարականին պետք է լուրջ վերաբերվել. Ստեփան Դանիելյան Մենք խաղաքարտ ենք՝ 6-ոց, կամ` 10-ոց. Ստեփան Դանիելյան Ժամանակը Թուրքիայի օգտին չի աշխատում, մեզ պետք է ժամանակ շահել և այդ ընթացքում վերակազմավորվել. Ստեփան Դանիելյան «Հրապարակ». Նկարիչը՝ Կապանի համայնքապե՞տ