ՈւԵՖԱ-ի նախագահը Սուպեր լիգայի հեղինակներին կոչ է արել վերանայել որոշումը

Եվրոպական ֆուտբոլային ասոցիացիաների միության (ՈՒԵՖԱ) ղեկավար Ալեքսանդր Շեֆերինը կոչ է արել Սուպեր լիգայի հեղինակ֊ակումբներին վերանայել իրենց որոշումը:
Երկուշաբթի երեկոյան 12 ակումբներ՝ «Մանչեսթեր Յունայթեդը», «Արսենալը», «Չելսին», «Տոտենհեմը», «Մանչեսթեր Սիթին», «Լիվերպուլը», «Ռեալը», «Բարսելոնան», «Ատլետիկոն», «Ինտերը», «Միլանը» և «Յուվենտուսը» հայտարարեցին նոր եվրոպական մրցաշարի՝ Սուպեր լիգայի ստեղծման մասին: ՈւԵՖԱ-ն երկուշաբթի օրը հայտարարեց, որ թույլ չի տա Սուպերլիգայի խաղացողներին մուտք գործել Եվրոպայի և աշխարհի առաջնություններ: Բացի այդ՝ ՈւԵՖԱ-ն ցանկություն է հայտնել Սուպեր լիգայի մասնակից ակումբներին հեռացնել իրենց մրցաշարերից:
«Ես ուզում եմ դիմել որոշ անգլիական ակումբների տերերին: Պարոնայք, դուք հսկայական սխալ եք թույլ տվել: Ոմանք կասեն, որ դա ագահություն է, մյուսները` ամբարտավանություն, անտեղյակություն, անգլիական ֆուտբոլային մշակույթի հանդեպ արհամարհանք: Բայց դա նշանակություն չունի: Փոխեք ձեր որոշումը: Անգլիացի երկրպագուները արժանի են, որ դուք ուղղեք ձեր սխալը», - ասել է Շեֆերինը  Շվեյցարիայի Մոնտրյե քաղաքում կայացած ՈՒԵՖԱ-ի համագումարի ժամանակ:
«Մեզ հետ են ոչ միայն ֆուտբոլային համայնքը, ֆուտբոլային ընտանիքը, այլ բոլոր իշխանությունները, երկրպագուները, լրատվամիջոցները: Մյուս կողմում քչերն են՝ ինչ-որ ագահ մարդիկ: Թույլ կտա՞նք արդյոք նրանց մեզնից ֆուտբոլը վերցնել: Ոչ: Հավատացե՛ք՝ մենք դա թույլ չենք տա», - հավելել է Շեֆերինը:

Այս թեմայով Հայկ Կարապետյանը՝ «Միլան»-«Ռոմա» հանդիպման ՈւԵՖԱ-ի մեդիա պատվիրակ Մայիսի 3-ին և 5-ին Մարզահամերգային համալիրում կանցկացվի ՈՒԵՖԱ-ի ֆուտզալի Չեմպիոնների լիգայի եզրափակիչ փուլը ՈՒԵՖԱ-ի ֆուտզալի չեմպիոնների լիգայի եզրափակիչը Երևանում անցկացնելու համար Կառավարությունը շուրջ 280 մլն դրամ կհատկացնի Հայկ Կարապետյանը՝ «Սպարտա Պրահա»-«Լիվերպուլ» հանդիպման ՈւԵՖԱ-ի մեդիա պատվիրակ Էդգար Մանուկյանը՝ Սերվեթ-Լուդոգորեց հանդիպման ՈՒԵՖԱ-ի պատվիրակ Հաստատվել է ՈՒԵՖԱ Ազգերի լիգայի խաղացանկը Քննարկվել է Երևանում ՈՒԵՖԱ-ի Ֆուտզալի Չեմպիոնների լիգայի 2024 թ. եզրափակչի նախապատրաստական աշխատանքների ընթացքը ՀՖՖ-ն վերահաստատում է իր աջակցությունն ՈՒԵՖԱ-ին՝ Սուպերլիգայի դեմ պայքարում․ Արմեն Մելիքբեկյան Մենք չենք փորձի Սուպերլիգայի ստեղծման նախաձեռնողներին կանգնեցնել․ ՈւԵՖԱ–ի նախագահ ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում