«Ինձ մարդասպան են որակում, դագաղն են պառկեցնում ու անիծում». Մարինա Գրեգը՝ իր մասնակցությամբ մահվան ելքով վրաերթի և Սիմոն Մարտիրոսյանի մասին

Հեռուստառադիոհաղորդավարուհի Մարինա Գրեգն Ինստագրամի իր էջում գրառում է արել՝ անդրադառնալով ծանրամարտի աշխարհի չեմպիոն, Օլիմպիական խաղերի փոխչեմպիոն Սիմոն Մարտիրոսյանի մասնակցությամբ մահվան ելքով վրաերթին և պատմել տարիներ առաջ իր հետ տեղի ունեցած դեպքի մասին, քանի որ տարիներ առաջ Մարինայի մասնակցությամբ մահվան ելքով վրաերթ էր տեղի ունեցել Իսակովի պողոտայում: Հետիոտն անցել էլ չթույլատրված տեղով։

«Ինձ մեղադրում են, որ ես ապրում եմ:

Սիմոն Մարտիրոսյանի դեպքը հատեց իմ համբերությունը: Տղային մեղադրանք է առաջադրվել նույն հոդվածով, որով տարիներ առաջ ինձ մեղադրեցին: Մինչև այսօր ինձ գրում են սպառնացող նամակներ, որակում մարդասպան, ինձ դագաղն են պառկեցնում, մուրազս փորս թողնում ու անիծում: Ինձ մեղադրում են, որ ես ապրում եմ:

Կարդում եմ Սիմոնի հասցեին գրված «փորձագետների» կարծիքները: Էդ ամպագոռգոռ մեղադրական մեկնաբանություններ գրողներին հարց եմ տալիս՝ դուք ապահովագրվա՞ծ եք այսպիսի դժբախտությունից: Դուք գիտե՞ք՝ ինչ է զգում վարորդը էդ պահին և իր հետագա կյանքում, դուք վստա՞հ եք, որ ձեզ հետ նման բան չի պատահի: Ե՛վ հետիոտնը, և՛ վարորդը հավասարապես երթևեկության մասնակից են, երկուսն էլ հավասարապես պետք է ուշադիր լինեն և հավասարապես ենթարկվեն կանոններին:

Հասկացեք, վերջապես, որ եթե վրաերթ է լինում, միշտ չէ, որ վարորդը խմած էր, սթափ չէր, զգույշ չէր: Մի ալարեք 2 մետր վերևից թույլատրված հատվածով անցնել փողոցը, խնայեք ձեր կյանքը, պատասխանատու եղեք ձեր և դիմացինի կյանքի համար:

Նաև ինձ շատ բարկացնում է դեպքը լուսաբանող իմ գործընկերների աշխատելաոճը. դեպքը դեպք է, եղածը՝ եղած: Ի՞նչ կապ ունի, թե ով է մեքենայի ղեկին եղել, ինչո՞ւ եք գրում վարորդի անունը և հանրայնացնում նրա ով լինելը, ի՞նչ պարտադիր է, որ բոլորն իմանան, որ հայտնի «Պողոսն» է եղել վարորդը: Սա դիտումներ հավաքելու ամենահարմար առիթը չէ. հարգեք դիմացինին: Ցավակցում եմ մահացածի բոլոր հարազատներին, անդառնալի կորուստ է, ցավը՝ անասելի:

Սիմոնին համբերություն եմ մաղթում, հուսով եմ՝ օրենքի բացը կլրացվի, և մեր երկրում համապատասխան կառույցները կկարողանան դեպքերի առիթով իրական փորձաքննություն նշանակել և վարորդի անմեղ լինելու դեպքում նրան արդարացնել և ուղղակի, ըստ օրենքի, մեղադրանք չառաջադրել»,- գրել է նա:

Այս թեմայով Ծանրամարտի աշխարհի գավաթ. այսօր մրցահարթակ դուրս կգան Սիմոն Մարտիրոսյանն ու Վարազդատ Լալայանը Մարինա Կալյուրանդը շնորհավորել է Հայաստանին ՄՔԴ-ին պաշտոնապես անդամակցելու կապակցությամբ Ծանրամարտիկ Սիմոն Մարտիրոսյանը վրաերթի գործով ճանաչվեց անմեղ. փաստաբան Արմեն Գևորգյանը ՔՊ-ականներ Մարինա Ղազարյանի ու Դավիթ Դանիելյանի հետ մեկնում է Մինսկ Կփորձեմ ամուր կանգնած մնալ այն հողի վրա, որտեղ ապրել ու ստեղծագործել են մեր մեծերը․ Սիմոն Մարտիրոսյան Հաղթանակս նվիրում եմ մայրիկիս. Սիմոն Մարտիրոսյան Վարազդատ Լալայանը պոկում վարժությունում նվաճեց արծաթե, Սիմոն Մարտիրոսյանը՝ բրոնզե մեդալ Սիմոն Վրացյանը ռազմական աջակցություն է խնդրել Թուրքիայից՝ բոլշեւիկների դեմ կռվելու համար (տեսանյութ) «Դուք ինձ չեք վախեցնի և չեք լռեցնի»․ ԵԽ պատգամավորը՝ ադրբեջանցի պաշտոնյաներին ՀՀ ուժային կառույցների ներկայացուցիչները խուզարկում են ՀՅԴ ԳՄ նախագահ Սիմոն Սիմոնյանի բնակարանը․ ՀՅԴ