Մեր իրավապահներից խուսափելու խնդիր չունեմ. Մեղրիի քաղաքապետը ՀԿԳ վարչությունում է

Մեղրիի քաղաքապետ Մխիթար Զաքարյանը մոտ 40 րոպե արդեն Երեւան քաղաքի Քննչական կոմիտեի ՀԿԳ վարչությունում է, դատավարական իր կարգավիճակի վերաբերյալ դեռեւս տեղեկություն չունեն։ Այս մասին այսօր՝ ապրիլի 22-ին, ֆեյսբուքյան ուղիղ եթերում հայտնեց Զաքարյանի փաստաբան Գայանե Պապոյանը։

«Քննչական կոմիտեի ՀԿԳ վարչությունում ենք, մոտավորապես 40 րոպե է՝ սպասում ենք այստեղ։ Հրավիրել են, թեեւ հրավերքը ոստիկանական մեքենայով էր։ Դեռեւս ոչ ոք մեզ չի բացատրել՝ ինչ դատավարական կարգավիճակով, ինչ քրեական գործի շրջանակներում Մխիթար Զաքարյանը պետք է մասնակցի որեւէ գործողության։ Մենք դեռեւս համբերատար սպասում ենք, թեեւ պարտավորություն չունենք էլ, բայց պարոն Զաքարյանը բարի կամք է դրսեւորում եւ ասում է՝ կսպասեմ՝ ինչքան պետք է, հասկանանք՝ ինչն է խնդիրը»,- նշեց փաստաբանը։

Մխիթար Զաքարյանն էլ նշեց, որ իրավապահներից խուսափելու խնդիր չունի. «Մեր իրավապահներից ոչ թաքցնելու, ոչ էլ խուսափելու խնդիր չունեմ»։

Հիշեցնենք, որ փաստաբան Պապոյանը հայտնել էր, որ Զաքարյանի հետ ինքնակամ ներկայացել են ոստիկանություն եւ գտնվում են Սյունիքի մարզային վարչության Մեղրիի բաժնում այն բանից հետո, երբ տեղեկացել են մամուլում տարածված հրապարակման մասին, թե իրավապահները փնտրում են Զաքարյանին:

Ոստիկանությունում իրենց ասել են, որ Մխիթար Զաքարյանի հետ կապված՝ որեւէ գործողություն չի կատարվում: Ավելի ուշ Պապոյանը եւս մեկ ուղիղ հեռարձակմամբ նշեց, որ արդեն վերադառնում են Զաքարյանի բնակության վայր:

Այնուհետեւ պարզվեց, որ Զաքարյանին տեղափոխում են Երեւան։

Այս թեմայով Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Ոճրագործությունը կրկնվեց նաև մեր օրերում․ Մասիսի համայնքապետ Վայոց ձորում իրանական համարանիշերով բեռնատարը կողաշրջվել է Երևան-Մեղրի ավտոճանապարհին մեքենա է կողաշրջվել. 18-ամյա երիտասարդներ են հոսպիտալացվել ՃՏՊ Երևան-Մեղրի ավտոճանապարհին ՃՏՊ Երևան-Մեղրի ավտոճանապարհին «Հրապարակ». Աշտարակ քաղաքի ՔՊ-ական համայնքապետ Թովմաս Շահվերդյանին մի քանի անգամ կանչել են Հակակոռուպցիոն կոմիտե «Ժողովուրդ». Գորիսի համայնքապետ Առուշ Առուշանյանը կանդամագրվի՞ «Քաղաքացիական պայմանագիր» կուսակցությանը 00 oo 000 համարանիշը գնել է Գորիսի համայնքապետ Առուշ Առուշանյանի հայրը․ «Հրապարակ» Երևան-Մեղրի ավտոճանապարհին փրկարարներն արգելափակումից դուրս են բերել երկու մեքենա