Կառավարությունը պետք է ստեղծի խթանիչ մեխանիզմներ, որպեսզի իրականություն դառնա ամեն ընտանիքում առնվազն 3 երեխա ունենալու նպատակը. Ավինյան

Ապրիլի 23-ին ՀՀ փոխվարչապետ Տիգրան Ավինյանի գլխավորությամբ կայացել է Ժողովրդագրական իրավիճակի բարելավման խորհրդի նիստը: Այս մասին տեղեկացնում է Ավինյանի գրասենյակը:

Բացման խոսքում փոխվարչապետը նշել է, որ 2020թ. կորոնավիրուսի համավարակը և Արցախի դեմ Ադրբեջանի սանձազերծած պատերազմը խաթարող ազդեցություն են ունեցել Հայաստանի սոցիալ-տնտեսական և ժողովրդագրական անվտանգության միջավայրի, ինչպես նաև հետագա կայուն զարգացման հնարավորությունների վրա:  Հետևաբար, ներկայումս առավել առաջնահերթ են դարձել ծնելիության բարձրացման, կյանքի տևողության երկարացման և ամուսնությունների թվի ավելացման հարցերը:

Փոխվարչապետը հայտնել է, որ 2019թ. Խորհրդի ստեղծման օրվանից միջազգային գործընկերների հետ համագործակցության արդյունքում կառավարությունը պարբերաբար անդրադարձել է ժողովրդագրական իրավիճակի կանխատեսումներին և միջազգային լավագույն փորձին: Դրա արդյունքում մշակվել և կյանքի են կոչվել մի քանի ծրագրային փաթեթներ՝ միտված ծնելիության խրախուսմանը, երիտասարդ ու երեխաներ ունեցող ընտանիքների աջակցությանը և բնակարանային ապահովությանը: Այդ համատեքստում նա առանձնացրել է երեխայի ծննդյան միանվագ նպաստի չափի բարձրացումը, մինչև երկու տարեկան երեխայի խնամքի համար աշխատող մայրերին վճարվող ամսական նպաստի չափի ավելացումը, գյուղական բնակավայրերում երեխայի ծնվելու դեպքում ընտանիքներին մինչև երկու տարեկան երեխայի խնամքի նպաստի հատկացումը, ինչպես նաև «Երեխա ունեցող ընտանիքների բնակարանային ապահովության պետական աջակցության 2020-2023թթ. ծրագրերի» հաստատումը՝ 3 կոմպոնենտներով՝ «Միանվագ դրամական աջակցություն», «Կանխավճարի ապահովագրություն» և «Երեխայի ծննդյան աջակցություն»:

Տիգրան Ավինյանը միաժամանակ շեշտել է, որ անհրաժեշտ է բարեփոխումներին շարունակական բնույթ հաղորդել: Ըստ նրա՝ ժողովրդագրական վիճակի բարելավման քաղաքականության հարցում կառավարությունը պետք է լինի հավակնոտ՝ ստեղծելով խթանիչ մեխանիզմներ, որպեսզի իրականություն դառնա ամեն հայ ընտանիքում առնվազն 3 երեխա ունենալու նվազագույն նպատակը:

Նիստի ժամանակ ներկայացվել է նաև ժողովրդագրական ընթացիկ իրավիճակի վիճակագրությունը: Քննարկվել են Հայաստանի ժողովրդագրական մարտահրավերները և լուծումների հնարավոր ուղիները: Բովանդակային անդրադարձ է կատարվել «Բազմազավակ ընտանիքների մասին» ՀՀ օրենքի և «Վերադարձի և հայրենադարձության աջակցության ծրագրի» նախագծերին:

Այս թեմայով 2 տարի անց տրանսպորտային բարեփոխման 90 %-ն ավարտած կլինենք, վստահ եմ․ Տիգրան Ավինյան «Հրապարակ». Որոշել են ընդառաջել Ավինյանին 18 մետրանոց գերմանական MAN ավտոբուսները շուտով կլինեն Երևանում. Տիգրան Ավինյան «Կառուցելու ենք Աջափնյակի մետրոն». Ավինյանը խոսքը հաստատեց նաեւ վարչապետը Երևանում 24 օր անց ականատես կլինենք ամենամասշտաբային միջոցառման մեկնարկին՝ Եվրատեսիլին․ Ավինյան (տեսանյութ) Ասում են` անթերի իշխանություններ չկան, մենք պետք է ապացուցենք հակառակը. Տիգրան Ավինյան (տեսանյութ) «Հրապարակ». ՔՊ վարչության նախագահի համար պայքարը շարունակվում է Երևանը քաղաք է մարդկանց համար, և քաղաքը պետք է ծառայի այդ թվում՝ երեխաներին․ Տիգրան Ավինյան «Պոլիտեխնիկի ավագ դպրոցը դարձել է Միջազգային բակալավրիատի «Դիպլոմա» ծրագրի թեկնածու»․ Տիգրան Ավինյան Տեղի ունեցած ողբերգությունը սթափեցնող էր. Տիգրան Ավինյան