Ադրբեջանցիները արգելել են Արցախի թեմի առաջնորդի և ուխտավորների մուտքը Դադիվանք. «Փաստինֆոն»

Ապրիլի 25-ին ադրբեջանցի զինվորականները թույլ չեն տվել ուխտավորներին այցելել Դադիվանք։ Տեղեկությունը հաստատել է Մայր Աթոռ Սուրբ Էջմիածնի տեղեկատվական համակարգի ղեկավար Տեր Վահրամ ավագ քահանա Մելիքյանը, տեղեկացնում է «Փաստինֆոն»։

Նրա փոխանցմամբ՝ ապրիլի 25-ին Ադրբեջանի զինված ուժերի ներկայացուցիչների կողմից համավարակի պատրվակով արգելվել է Արցախի թեմի առաջնորդ Վրթանես եպիսկոպոս Աբրահամյանի և մի խումբ ուխտավորների մուտքը Դադիվանք։ Նա հայտնել է, որ այդ օրը վանքում նախատեսված էր վանաբնակ միաբանի քահանայական ձեռնադրություն, որի մասին վաղօրոք ծանուցվել էր, և այն համաձայնեցվել էր ռուս խաղաղապահների հրամանատարության հետ։

«Այսպիսով, հակառակ կատարված նախնական անհրաժեշտ բոլոր տնօրինումների, հնարավոր չեղավ մոտենալ վանքին։ Ավելին՝ արտոնություն ստացած ուխտավորների 25 հոգանոց խմբի թվաքանակն իջեցվել էր տասի։ Իսկ արգելքից հետո չի արտոնվել անգամ փոխանցել միաբանների համար պարբերաբար մատակարարվող սնունդը։

Ակնհայտ է, որ այսպիսով ադրբեջանական կողմը ձգտել է ձախողել քահանայական ձեռնադրությունը, որը նույն օրը երեկոյան կազմակերպվել է Գանձասարի վանքում»,- հայտնել է Տեր Վահրամը՝ ընդգծելով, որ դատապարտելի է Ադրբեջանի այս մերժելի կեծցվածքը, որով արհեստական արգելքներ են ստեղծվում հայկական պատմական վանքի ու դրա միաբանության հոգևոր առաքելության համար և խախտվում է վերջինիս կենսագործունեության շուրջ Ռուսաստանի իշխանությունների միջնորդությամբ ձեռք բերված պայմանավորվածությունները։

Նրա դիտարկմամբ՝ Ադրբեջանի վարած քաղաքականությունը մարդու իրավունքների կոպիտ խախտում է և հերթական արտահայտությունն է հայատյացության, հայկական սրբավայրերի և հայ ժողովրդի հոգևոր կյանքի նկատմամբ ոտնձգության։

Այս թեմայով Ռուս խաղաղապահները հեռացել են Դադիվանքից Դադիվանքի նախկին վանահայր Տեր Հովհաննեսը հոգևոր ծառայություն կստանձնի «Եռաբլուրի» եկեղեցում Դադիվանքն ի սկզբանե եղել է հայկական և որևէ առնչություն չի ունեցել Աղվանից եկեղեցու հետ. Մայր Աթոռ Կապիտուլյանտներ, դուք խլել եք 5.000 կյանք, Շուշի, Հադրութ, Թալիշ ու Դադիվանք․ ի՞նչ մանդատ, արա Ադրբեջանը շարունակում է Դադիվանքը «ալբանականացնելու» իր փորձերը ՌԴ խաղաղապահներն այցելել են Դադիվանք Դադիվանք վանական համալիրում հոգևոր գործառույթները չեն փոխվել. Վրթանես եպիսկոպոս Աբրահամյան Մենք նորից սկսելու ենք Դադիվանք ուխտագնացությունները. Արցախի ԿԳՄՍ նախարար Ցուցահանդես, որտեղ Դադիվանքը ներկայացված է առանձին ցուցավահանակներով «Թուրքերը քեֆ են անում Դադիվանքում, մեզ էլ` որերրորդ շաբաթն է` չեն թողնում այցելենք…»․ Բելլա Լալայան