Եթե հակառակորդը հատել է պետական սահմանը, իրավունք ունենք գերի վերցնել. Մովսես Հակոբյան. «Փաստինֆո»

Հակառակորդը միշտ էլ փորձելու է առաջանալ։ Հարց է՝ դա իրեն կհաջողվի, թե ոչ։ «Փաստինֆո»-ի հետ զրույցի ժամանակ այս մասին ասել է ԶՈՒ ԳՇ նախկին պետ, գեներալ-գնդապետ Մովսես Հակոբյանը՝ անդրադառնալով Սյունիքում տեղի ունեցած իրադարձություններին։

Վերջինս նշեց, որ հստակ որևէ տեղեկատվության չի տիրապետում, հետևաբար որևէ կերպ չի կարող անդրադառնալ այնտեղ տեղի ունեցող իրադարձություններին։

Ինչպես արդեն տեղեկացրել ենք՝ այսօր առավոտյան հակառակորդը միանգամից երկու ուղղությամբ տեղաշարժել է իր դիրքերը. Եթե Գեղարքունիքի մոտ ադրբեջանցիները դիրքերը տեղաշարժել են իրենց հսկողության տակ գտնվող տարածքում. Դրանք մոտեցնելով ՀՀ սահմանին, ապա Սյունիքի հատվածում մուտք են գործել ՀՀ տարածք։ Գորիսի համայնքապետի տեղակալ Մենուա Հովսեփյանը «Փաստինֆո»-ի հետ զրույցում հաստատել էր, որ հակառակորդը գիշերն առաջացել է Սյունիքի մարզի Իշխանասարի ուղղությամբ՝ առանց որեւէ կրակոցի։ ՀՀ ՊՆ-ն եւս նշել էր, որ այսօր առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում եւ բանակցություններ են տարվում նրանց հետ, իսկ Սյունիքի մարզպետը «Փաստինֆո»-ի հետ զրույցի ժամանակ հերքել էր հակառակորդի առաջխաղացումը՝ պնդելով, թե Սյունիքում հակառակորդը ոչ մի հատվածում առաջ չի եկել, եկել են դիտակետ դնելու և մոլորվել են։

ՀՀ տարածքում «մոլորված» ադրբեջանցիների հետ ինչ բանակցություններ են տարվում՝ «Փաստինֆո»-ի դիտարկմանն ի պատասխան Մովսես Հակոբյանն ասաց. «Չեմ կարող մեկնաբանել, որովհետև ստույգ տեղեկություն չունեմ։ Եթե ՀՀ պետական սահմանը հատել են, ապա իրավունք ունեն գերի վերցնել»,-ասաց Մովսես Հակոբյանը։

Այս թեմայով «Հրապարակ». «Որ պլատայից գողություն լիներ, ոչ թե կհարուցեի, այլ տեղում կմորթեի» Պետությունը վաճառում է քաղաքացու պարտականությունը իր հայրենիքի հանդեպ. Մովսես Հակոբյան. «Փաստինֆո» «Ժողովուրդ». Պետական գաղտնիք պարունակե՞լ են, թե՞ ոչ Պապիկյանը որոշակի ադեկվատ գործողություններ կնախաձեռնի ՊՆ-ն կարգի բերելու համար. Մովսես Հակոբյան «Ժողովուրդ». Ադրբեջանն անում է, ինչ ցանկանում է. Մովսես Հակոբյանի՝ ամիսներ առաջ արված զգուշացումը «Ժողովուրդ». Բարձրաստիճան մի շարք պաշտոնյաներ այսօր ուղղակի պոպուլիզմով են զբաղված. Մովսես Հակոբյան «Ժողովուրդ». Մովսես Հակոբյանի գործով նոր հրահանգ կա «Ժողովուրդ». Խրախուսանքի է արժանացել Երասխից հետո նոր օջախ է լինելու, տեղն էլ գիտեմ, բայց չեմ կարող ասել. Մովսես Հակոբյան Երասխի լարվածությունը կավարտվի, մեկ ուրիշ տեղ կսկսվի. Մովսես Հակոբյան. 24News.am