Կարող է ուղղակի հետ գնաք ոչ այնքանով, որքանով որ եկել եք․ Էդմոն Մարուքյանը՝ ադրբեջանցիներին

Ադրբեջանի տխրահռչակ նախագահ Իլհամ Ալիևը տպավորություն է ստացել, թե ինքը կամ իրենք մարսել են Արցախի օկուպացիան, պատերազմական հանցագործությունները, գլխատումները և այն ամենը, ինչի համար միջազգային քրեական իրավունքով նա կարող է դատապարտվել։ Այս մասին խորհրդարանում «Լուսավոր Հայաստան» խմբակցության անունից ելույթ ունենալիս ասաց Էդմոն Մարուքյանը։

Խմբակցության ղեկավարի խոսքով՝ դա պատրանք է, որը ժամանակավոր բնույթ է կրում․ «Մարդը, երբ էյֆորիայի մեջ է ընկնում, սկսում է սխալը սխալի վրա թույլ տալ։ Առաջին սխալը նոյեմբերի 10-ի հայտարարության կետերը չկատարելը և հայ ռազմագերիներին չվերադարձնելն էր։ 2-րդը՝ հայկական և ադրբեջանական զորքերը պետք է կանգնեին այն հատվածներում, որտեղ որ պատերազմը կանգ էր առել, երբ հայտարարվել էր հրադադար»։

Մարուքյանի խոսքով՝ ստեղծված իրավիճակը թույլ է տալիս «վերցնել այդ սխալները և պատժել Ադրբեջանի իշխանություններին, որի արդյունքում պատժվելու է նաև ադրբեջանցի ժողովուրդը»։

Խմբակցության ղեկավարը նշեց, որ կառավարության, պետության գործողությունները ամբողջությամբ համահունչ են իրավիճակին և ադեկվատ են։ Ամեն դեպքում, Մարուքյանը նշում է՝ իրավիճակից խաղաղ դուրս գալու հնարավորություններ դեռ կան ՀԱՊԿ-ի և միջազգային գործընկերների օգնությամբ։

«Ես հասկանում եմ, որ ադրբեջանական կողմը քայլ է արել, առաջ է եկել։ Հաղթած կողմ է ու երբ բոլորը ասում են՝ հետ գնա, չգիտի ոնց հետ գնա, exit (ելք) չունի։ Չգիտի՝ ինչ անի, ոնց անի, որ հետ գնա ու խայտառակ չլինի։ Բայց ես ուզում եմ ասել, որ ավելի խայտառակ հետևանքներ կարող են լինել։ Կարող է ուղղակի հետ գնաք ոչ այնքանով, որքանով որ եկել եք։ Ավելի լավ է ասեք, որ խառնել էիք քարտեզները ու հետ գնաք։ Ակնհայտ է այդ սիգնալը, որ եկել են ու չգիտեն՝ ոնց հետ գնան»,-նշել է Մարուքյանը։

Հիշեցնենք, որ մայիսի 12-ից Ադրբեջանի զինված ուժերի զինծառայողների որոշ խմբեր հատել են Հայաստանի պետական սահմանը և Սև լիճը պարփակելուն ուղղված գործողություններ են արել: Հայաստանի զինված ուժերը մարտավարական բնույթի հակագործողություններ են իրականացրել:

Հարակից որոշ տարածքներում դիրքավորված ադրբեջանցիները հայկական զինուժի մարտավարական հակագործողությունների արդյունքում հեռացել են զբաղեցրած բնագծերից: Ոչ Հայաստանի, ոչ Ադրբեջանի զինուժի ներկայացուցիչների կողմից այս պահի դրությամբ հրազենի կամ այլ զինատեսակի կիրառմամբ դեպք չի գրանցվել: Միաժամանակ ադրբեջանական զինուժի շուրջ 250 ներկայացուցիչներ շարունակում են գտնվել ՀՀ պետական սահմաններից ներս՝ Սյունիքի և Գեղարքունիքի մարզերի որոշ հատվածներում:

Այս թեմայով 1.5 մլն զոհերի անուն-ազգանունները ճշտելը նշանակում է տրվել Թուրքիայի օրակարգին. Մարուքյան (տեսանյութ) Այս օրակարգով 4 գյուղերի հարցը փակված է, խնդիրը Երևանում է, այստեղից է պետք սկսել. Էդմոն Մարուքյան Սա ծուղակ է, դադարեցրեք քննարկել Հայոց ցեղասպանության զոհերի ցուցակագրումը. Մարուքյան ԼՂ-ում մնացած մոտ 10 հայերն այժմ ենթարկվում են հալածանքների. Մարուքյան Եթե ​​Ադրբեջանը չպատժվի, այդ թվում՝ քաղաքական և տնտեսական, երբեք չի դադարեցնի իր ագրեսիվ պահվածքը. Մարուքյան ՆԱՏՕ-ի քարտուղարն ասում է՝ կոտորվեք, դարձեք պլացդարմ, մենք մի քանի հատ ռակետ կտանք. Մարուքյան Իմ տեղեկություններով` մինչև ընտրություններ սահմանադրական փոփոխություններ չեն լինելու․ Մարուքյան Մարուքյանը հայտնել է, թե ինչու է հրաժարական տվել և ինչի շուրջ է անհամաձայնություն ունեցել Փաշինյանի հետ (տեսանյութ) Ինձ առաջարկվել էր ԲՏԱ նախարարի պաշտոնը․ Էդմոն Մարուքյանը փակագծեր է բացել (տեսանյութ) «Ժողովուրդ». Ինչո՞ւ Էդմոն Մարուքյանը ազատման դիմում գրեց. ի՞նչ են ասել նրան ԱԳՆ-ից