Նորաբաց ֆիթնես կենտրոնը ներկայանում է «InShape»և «Fit24» ցանցի անունից՝ մոլորեցնելով հաճախորդներին և փորձելով աբոնեմենտ վաճառել
Հասարակություն«InShape» և «FIT24» ֆիթնես ցանցը հայտարարություն է տարածել։
Օրերս մեզ դիմել են մեր հաճախորդները` նշելով, որ նորաբաց ֆիթնես կենտրոններից մեկը ներկայանում է մեր ցանցի անունից և մոլորեցնող տեղեկություններ տրամադրելով՝ փորձում աբոնեմենտ վաճառել: Մենք որևէ առնչություն չունենք այդ ընկերության հետ և պատասխանատու չենք նրա աշխատանքի և որակի համար։
Հաճախորդների խոսքերով` իրենց զանգահարել են ոմն Աննա և Մարինա «շատ աներես կերպով» փորձել ներգրավել նրանց քաղաքի հյուրանոցներից մեկում նոր բացված ֆիթնես կենտրոն. ներկայացել են «InShape» և «FIT24»-ի անունից՝ մոլորեցրել նրանց, ասելով, որ ցանցում նոր մասնաճյուղ է բացվել , և փորձել աբոնեմենտ վաճառել օգտագործելով «InShape» և «FIT24»-ի տարիների ձեռք բերած վստահությունն ու վարկանիշը, իսկ որոշ դեպքերում փնովել և վարկաբեկել՝ ստահոդ տեղեկատվություն տրամադրելով ցանցի մասին։
«Ինձ զանգահարեցին և ասացին, որ մասնաճյուղը, որտեղ ես հաճախում եմ, փակվում է և դրա փոխարեն նոր մասնաճյուղ է բացվել կենտրոնում՝ հյուրանոցի տարածքում՝ գերազանց պայմաններով։ Անհամար խոստումներ էին տալիս և նկարագրում երազանքների պրեմիում ֆիթնես ակումբ, որը կասկած առաջացրեց։ Մանրամասն հետաքրքրվելով՝ հասկացա, որ նկարագրած պայմանները և տրված ինֆորմացիան իրականությանը չէին համապատասխանում»,- պատմել է հաճախորդներից մեկը։ Կոռեկտությունից ելնելով՝ նախընտրում ենք չնշել այդ ֆիթնես կենտրոնի անունը, կասենք միայն որ ցավալի է, որ նորաբաց ֆիթնեսը դիմում է նման մեթոդների, որոնց իսկությունը փաստում են բազում նամակագրություններ և հեռախոսազրույցներ ակումբի աշխատակիցների և հաճախորդների միջև։
Շնորհակալ ենք մեր սիրելի հաճախորդներին, միահամուռ կերպով այդ ընկերությանը մերժելու և բրենդի հանդեպ ցուցաբերած լոյալության համար։ Տեղեկացնում ենք, որ ֆիթնես ցանցի իրավաբանական թիմն սկսել է իրավական բոլոր անհրաժեշտ միջոցառումների համակարգը այս միջադեպի մասնակիցների նկատմամբ օրենքով սահմանված պատժամիջոցների կիրառման ուղղությամբ։