Միջադեպն իրապես եղել է, բայց դրա՝ վիդեոյում բացակայող շարունակությունը մեր օգտին է եղել. Իոաննիսյան

ԻՔՄ ՀԿ հիմնադիր, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Միջադեպն, իրապես, եղել է, բայց դրա՝ վիդեոյում բացակայող շարունակությունը մեր օգտին է եղել:
Նախ ասեմ, որ միջադեպի մասին, որի մի մասը տեսել եք տարածվող տեսանյուքում, առաջին անգամ իմացա դեռ երկուշաբթի՝ վարդենիսցիներից: Այնուհետև նույն պատմությունը լսեցի Վերին Շորժայում ծառայություն իրականացնող տարբեր զինվորներից ու սպաներից: Արդ, տեղեկության իսկության վրա կասկածելու հիմք չունեմ:
Ինչպես գիտեք, երկու կողմից էլ զորքերին արգելվել է առաջինը կրակել: Ադրբեջանական բանակը փորձում է առանց կրակոցի առաջ գալ, մեր բանակը փորձում է առանց կրակոցի դա կասեցնել:
Այդ տարօրինակ պրոցեսի ընթացքում բարձրադիր հատվածներից մեկում ադրբեջանական մի մեծ խումբ «վրա է տվել» մեր զինվորներին, քանակով ու ուժով խլել զենքերը և ստիպել, որ հեռանան (ինչպես երևում է տեսանյութում):
Ի պատասխան դրա, մեր զորքերը, նույն կերպ, առանց կրակոցի, վրա են տվել ադրբեջանական մի ուրիշ, բայց ավելի մեծ խմբի, խլել զենքերը ու ոչ պակաս ծեծի ենթարկել դիմադրողներին:
Դրանից հետո, հետագա էսկալացիան կանխելու նպատակով, տեղային մակարդակում բանակցություն է եղել, որի ժամանակ փոխանակվել են իրարից խլված զենքերը:
Միջադեպից հետո Հայաստանի տարածքում գտնվող ադրբեջանական զորքերի ոգին բավականին ընկել է, քանի որ իրենց արածի արժանի պատասխանը ստացան:
Ես սա չէի գրեի, եթե ինձ հետ չկապվեին դիրքերից ու վրդովված չասեին «մենք մեր պատիվը պահել ենք, դրանք պատասխանը ստացել են, ինչի՞ են մեր մասին սենց բաներ տարածում»:
Հ.Գ. Երեկ ես իմ աչքով էի տեսնում, թե ինչպես են մեր դիրքերին մոտիկ գտնվող ադրբեջանական զինվորները խուսափում նույնիսկ մեր կողմ նայելուց: Երբ մեր զինվորական մեքենան էր անցնում իրենցից ոչ հեռու, ադրբեջանական զինվորները գնում, մի բլրակի հետևն էին մտնում՝ կարծես վախենային ծեծ ուտելուց»:

Այս թեմայով Ոչ Լևոն Տեր-Պետրոսյանի, ոչ Ռոբերտ Քոչարյանի և ոչ էլ Սերժ Սարգսյանի օրոք իշխանությունը չի իջել այնքան, որ կուսակցականին դարձնի ընտրական մարմնի ղեկավար. Դանիել Իոաննիսյան Դիրքերում, ի հեճուկս Փաշինյանի հայտարարության, չկա բավարար քանակի քլունգ, բահ ու տաք հագուստ․ Դանիել Իոաննիսյան Կապանի ընտրություններում վարչական ռեսուրս է չարաշավում գործադիրի կողմից, իսկ Հ1-ը խիստ ՔՊ-ամետ է․ Դանիել Իոաննիսյան Ո՞վ է իշխանության սրտի թեկնածուն ՀՔԾ-ն չի կարողացել պարզել՝ օգոստոսի 25-ին պատգամավորներն իրար ծեծում էին, թե՝ «հարվածի նմանվող շարժումներ» անում․ Իոաննիսյան Դեռևս սեպտեմբերն է, իսկ պետպատվերի տարվա փողերը պրծել են. Դանիել Իոաննիսյան Ահա այսպիսի տեսք պետք է ունենային պարեկային ավտոմոբիլները. Դանիել Իոաննիսյան Ինչու են ոստիկանները խուզարկում ավտոմեքենաները. պարզաբանում է Դանիել Իոաննիսյանը Ի՞նչ ցույց տվեց ՍԴ-ի այս գործընթացը. Դանիել Իոաննիսյան Բոլոր տեսակի սուրճերից ամենահամովը՝ Երասխի մարտական դիրքի սուրճն է. Իոաննիսյան