Այո, ես այդ փաստաթուղթը ստորագրելու եմ, որովհետև այն բխում է ՀՀ ազգային շահերից․ Փաշինյանը՝ աղմկահարույց փաստաթղթի մասին

Վարչապետի պաշտոնակատար Նիկոլ Փաշինյանի համոզմամբ՝ Ադրբեջանը Հայաստանի քաղաքական գործիչների շարքերում գործակալներ ունի։ Այդ մասին Փաշինյանը նշեց կառավարության նիստում:  

«Ադրբեջանը ՀՀ քաղաքական վերնախավում ունի տեղեկատվական պայքարի գործակալներ։ Ընդ որում, այդ մարդկանց գործունեությունը նոր չէ, այդ մարդիկ նախ 2020 թվականին հրապարակային Ադրբեջանին հրավիրում էին հարձակվել Հայաստանի վրա։ Այդ մարդիկ վերջերս Ազգային ժողովում, ամենատարբեր տեղերում ցույց էին տալիս այն արահետները, որոնցով կարելի է հնարավորինս ապահով հատել ՀՀ սահմանը։ Հիմա այդ մարդիկ Ադրբեջանին աջակցում են, որպեսզի այն դիվանագիտական աշխատանքը, որն անում ենք և այն դիվանագիտական արձանագրումները, որոնք տեղի են ունեցել, ահա դրանք իրագործելուց խուսափելու հնարավորություն ունենան։ Շատ անհարգալից իրադրություն ունենք ՀՀ հանրության հանդեպ, համացանցում հրապարակվում է թուղթ, որի բովանդակության 90 տոկոսը ծածկված է, սևով փակված է, և դա ներկայացված է որպես ապացույց, որ ՀՀ կառավարությունը ստորագրում է հակահայկական փաստաթուղթ։ Բա եթե այդպես է, դրա տողերը ոչ թե պետք է թաքցվեն, այլ հակառակը, պետք է բացվեն ու ներկայացվեն հանրությանը, ինչո՞ւ եք թաքցնում։ Եվ այս գործողություններն այլ կերպ, քան Ադրբեջանի տեղեկատվական պայքարի գործակալական ցանցի գործունեություն, ես չեմ կարող որակել։ Ես չգիտեմ՝ «դե յուրե» ինչ ձևակերպում ունի, բայց իմ քաղաքական ձևակերպումն այդ է»,- ասաց վարչապետի պաշտոնակատարը։

Նիկոլ Փաշինյանի խոսքով՝ պետք է վերլուծել, թե այդ աշխատանքային թղթերը նրանք որտեղից են ստանում։ Ես ինչքան վերլուծում եմ, միակ աղբյուրը, որտեղից կարող են ստանալ, դա Ադրբեջանն է։ «Եռակողմ խոսակցություն է գնում՝ Ռուսաստան, Հայաստան և Ադրբեջան։ Եվ ինչքան վերլուծում եմ՝ այդ թղթերը նրանք ստանում են Ադրբեջանից»,- ասաց Փաշինյանը։

Այս թեմայով Փաշինյանի գլխավորությամբ տեղի է ունեցել ՔՊ վարչության նիստ Առաջարկվել է տեղում սկսել աշխատանքները․ կառավարությունը՝ Փաշինյանի հետ կիրանցիների հանդիպման մասին «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ)