«Գեղարոտ գետահովտի յոթ համայնքներ դատարկվում են»․ բնակիչները պահանջում են դադարեցնել երկու փոքր ՀԷԿ-երի գործունեությունը (տեսանյութ)
ՀասարակությունԱյսօր՝ մայիսի 20-ին, ՀՀ Կառավարության շենքի դիմաց տեղի ունեցավ Արագածոտնի մարզի Գեղարոտ գետահովտի տարածքում գտնվող Արագած, Ծաղկաշեն, Քուչակ, Վարդենուտ, Արայի, Ափնա և Հարթավան գյուղերի բնակիչների բողոքի ակցիան:
ԼՈՒՐԵՐ.com-ի հետ զրույցում Արագած համայնքի բնակիչների լիազոր ներկայացուցիչ Հրաչյա Սարգսյանը նշեց, որ արդեն 2 տարի է, ինչ ծածկադմփոց է իրականացվում Գեղարոտ գետի վրա կառուցված երկու փոքր ՀԷԿ-երի գործունեության դադարեցման արդարացի պահանջի շուրջ։
«Պետք է, նախևառաջ կասեցնել ՀԷԿ-երի գործունեությունը, քանի որ հիմնավորում կար, որ դրանց աշխատանքն անթույլատրելի է: Սեփականատերերին ձեռք է տալիս որ աշխատեն, իրենք էլ իրենց շահույթը ստանան: Այս հիմնախնդիրն առկա է ամբողջ Հայաստանում»,- ասաց բնակիչների լիազոր ներկայացուցիչը:
Բնակիչները դիմում-բողոք են հանձնել Շրջակա միջավայրի նախարար Ռումանոս Պետրոսյանին, ԱԱԾ տնօրեն Արմեն Աբազյանին, իսկ այսօր դիմում հանձնեցին կառավարության ներկայացուցչին:
Մանրամասները՝ տեսանյութում:
Արփինե Հակոբյան