Թշնամին տեսնում է, որ հայկական կողմը չի պատասխանում՝ ավելի է լկտիանում. ռազմական փորձագետ

Այսօր՝ վաղ առավոտյան, ՀՀ Գեղարքունիքի մարզի սահմանային հատվածում ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ 6 զինծառայող։

«Ռազմինֆո» մասնագիտացված կայքի համակարգող, ռազմական փորձագետ Կարեն Վրթանեսյանը ԼՈՒՐԵՐ.com-ի հետ զրույցում նկատեց, որ միջադեպը սպասելի էր.

«Եթե մեր զինվորականներին արգելվում է կրակել, հրաման կա չկրակելու, ապա ակնհայտ էր, որ ինչ-որ պահից թշնամին առաջինն է նման քայլերի դիմելու. այդ մասին անձամբ ես օրեր առաջ գրել, զգուշացրել եմ: Ընդ որում, ըստ ադրբեջանցիների, երկու ուղղությամբ են գերեվարվել 6 հայ զինծառայողները, թե դրանից հետո կրակոցներ եղել են՝ էական չէ, որովհետև թշնամին հասկանում է, որ հայկական կողմը չի պատասխանում՝ ավելի է լկտիանում: Մենք ծանոթ ենք մեր թշնամու թե՛ նենգությունը, թե՛ ստորությունը: Վստահ եմ, որ ՀՀ իշխանությունը սա շատ լավ հասկանում է»:

Անդրադառնալով Փաշինյանի այն հայտարարությանը, թե «ՀՀ տարածքում տեղի է ունեցել հայ զինծառայողների առևանգում․ սա գերեվարում չէ», Վրթանեսյանն ընդգծեց, որ նման իրավիճակներում այդ բառախաղերը հատուկ են դաշտ մտցնում.

«Ինչ կարևոր է՝ առևանգո՞ւմ է, թե՞ գերեվարում: Փաստն այն է, որ ՀՀ տարածքից 6 զինվոր գերի են. սա է կարևորը: Քանի դեռ բանակը չի կատարում պաշտպանվելու իր պարտականություններն ու գործառույթները, այդ թվում՝ կրակելով, ակնհայտ է, որ թշնամին էլ դրանից օգտվելու է»:

Ռազմական փորձագետը չգիտի, թե ռուսական կողմը բանակցություններն ինչ ուղղությամբ կտանի և ինչ արդյունք կունենանք.

«Ես չեմ բացառում, որ ընտրություններից առաջ Նիկոլ Փաշինյանին, այսպես ասած, «քաղաքական պաս» տալու համար Ադրբեջանը որոշ թվով գերիներ ազատի, բայց երբեք որևէ քայլ հօգուտ Հայաստանի չի անի»,- նշեց փորձագետը:

Արփինե Հակոբյան

Այս թեմայով ՀՀ-ն վեկտորի ընտրության հարցում կոպիտ սխալներ է թույլ տալիս, բարեկամի փոխարեն թշնամի է ավելացնում Հայաստանում «Մայդան» չպետք է լինի, հայերն ու ռուսները թշնամի չեն դառնալու, չպետք է գայթակղվենք Հիմա արժանապատիվ Հայաստանն ունի երկու թշնամի. Վարդան Ոսկանյան «Այսպիսի վիճակում ևս մեկ թշնամի ձեռք բերելը բխում է ինչ-որ ուրիշ պետության, ոչ թե մեր շահերից». «Փաստ» «Մեր պատմության վեցհազարամյակի ընթացքում երբևէ ավելի նենգ, խորամանկ, վտանգավոր ու կործանարար թշնամի չենք ունեցել, քան սրանք են». «Փաստ» Ուկրաինան միայն մեկ թշնամի ունի. Զելենսկի Ալիևը մեր դաշնակիցներին սարքում է իրեն դաշնակից, մեզ՝ թշնամի. Շարմազանով "Лес рубят - щепки летят". ՌԴ-ն մեծ կռվի է դուրս եկել, ինչու՞ ենք նրան թշնամի դարձնում. Ռուստամյան ՌԴ-ի հետ լարվածություն կարող ա լինի, բայց ՀՀ-ն ոչ ոքի թշնամի չի դիտարկում․ Խաչատուր Սուքիասյան Սրանք ոչ միայն դավաճան են, այլ նաև թշնամի, մասնակից են Արցախում կատարվողին․ Իշխան Սաղաթելյան