Զինադադարից հետո մինչ օրս հայտնաբերվել է 1576 աճյուն․ ԱՀ ՆԳՆ ԱԻՊԾ-ն ամփոփում է շաբաթը

2021 թվականի հունիսի 7-ից 13-ն ընկած ժամանակահատվածում ՆԳ նախարարության ԱԻ պետական ծառայության ահազանգման կենտրոնում գրանցվել է 796 զանգ:

Նախորդ շաբաթվա համեմատ Արցախի տարածքում ավելացել է հիմնականում բաց տարածքում բռնկված հրդեհի դեպքերը: Ստացված 14 կանչից 11-ը բռնկվել է չոր խոտածածկ տարածքներում, 2-ը՝ բնակելի շինությունում: Հրդեհի մասին մեկ դեպք առաջացել է գազի բալոնն անզգուշությամբ օգտագործելու հետևանքով: Փրկարարները ժամանակին կանխել են վտանգը:

Զենք-զինամթերքի հայտնաբերման և դրանց ոչնչացման մասով ստացվել է 32 կանչ: Ծառայության սակրավորական խմբերը, «Հումանիտար ականազերծման կենտրոն» հիմնադրամը և «The Halo trust» կազմակերպությունն անցած շաբաթ Ստեփանակերտ քաղաքի, Մարտունու, Մարտակերտի և Ասկերանի շրջանների տարածքներում շարունակել են իրականացնել հետախուզական աշխատանքներ: Հայտնաբերվել և վնասազերծվել է կասետային 6 ռումբ, ականանետի 2 ական, ձեռքի 3 նռնակ և գնդիկաբեկորային 3 ռումբ:

Ճանապարհատրանսպորտային պատահարի մասին մեկ կանչ է ստացվել: Տուժել է 2 քաղաքացի: Փրկարարները վերջիններիս տեղափոխել են բուժհաստատություններ:

Շաբաթվա ընթացքում գրանցվել է օձի հայտնաբերման 4 դեպք: Սողունները հայտնաբերվել և տեղափոխվել են անվտանգ տարածքներ:

Յոթ օրվա ընթացքում գրանցվել է կենցաղային բնույթի 55 կանչ, որից 14-ը դռան, 2-ը՝ վերելակի բացման վերաբերյալ: Ասկերանի և Մարտակերտի շրջանների բնակիչներին ջուր մատակարարելու նպատակով շրջանային ԱԻ բաժինների փրկարարները կատարել են 17 ելք:

Շաբաթվա ընթացքում արագ արձագանքման հատուկ ստորաբաժանման օպերատիվ խումբը Ադրբեջանի վերահսկողության տակ անցած բնակավայրերում որոնողական աշխատանքներ կատարելու համար իրականացրել է 4 ելք:

Զինադադարից հետո՝ մինչ օրս, Արցախի վերահսկողությունից դուրս մնացած տարածքներից հայտնաբերվել և տարհանվել է պատերազմի ընթացքում զոհված զինծառայողների և քաղաքացիական անձանց 1576 աճյուն:

Այս թեմայով Արցախում պայթյունից մահացած քառասուն աճյուն նույնականացվել է. նախարար Արցախում ևս 2 աճյուն է հայտնաբերվել. ԱԻՊԾ Արցախում պայթյունի վայրից հայտնաբերված 170 աճյուն կտեղափոխվի ՀՀ՝ ինքնությունները պարզելու համար Արցախում հայտնաբերվել է ևս 2 աճյուն Սեպտեմբերի 27-ին իրականացված որոնողական աշխատանքների արդյունքում հայտնաբերվել է 11 աճյուն Արցախում սկսվել է չճանաչված դիերի նույնականացման գործընթացը Երեկվա որոնումների արդյունքում Արցախի տարբեր վայրերից տարհանվել է 8 աճյուն, 10 քաղաքացի Մարտունու շրջանից հայտնաբերվել է ևս մեկ հայ զինծռայողի աճյուն Մարտունու շրջանից հայտնաբերվել է ևս մեկ աճյուն Վարանդայի շրջանում իրականացված որոնումներն այսօր արդյունք չեն տվել