Ընտրության մասնակիցներից 100 հազարից ավելիի անձնագիրը չի աշխատել. Արամ Վարդևանյան

Մեր կողմից ներկայացված դիմումը տարբերվում էր նրանով, որ մենք փորձել ենք ներկայացնել հարցը ոչ թե բուն քվեարկության օրվա տրամաբանության մեջ, այլ ընտրական գործընթացի ամբողջ շղթայի մեջ, քանի որ կարծում ենք՝ հենց այս ընտրություններում ամբողջ շղթայի բացահայտումն է, որ առանցքային նշանակություն ունի, թե ինչ տեսակի, այդ թվում՝ համակարգված խախտումներ են տեղի ունեցել: Այս մասին այսօր` հունիսի 27-ին, արտահերթ ընտրությունների արդյունքների ամփոփման ժամանակ ասաց «Հայաստան» դաշինքի ներկայացուցիչ  Արամ Վարդեւանյանը:

«Մենք գործ ենք ունեցել մի իրավիճակի հետ, երբ սահմանադրական կարգավորումների իմաստով անձը, որը զբաղեցնում է բարձրագույն պաշտոնը, հրաժարվում է այդ պաշտոնի կատարումից, բայց բոլոր դեպքերում շարունակում է պաշտոնավարել, այդ թվում` արտահերթ խորհրդարանական ընտրությունների ժամանակահատվածում։ Գրեթե բոլոր տեսանյութերի ուսումնասիրությունը ցույց է տալիս, որ անձինքն, մասնակցելով հանրային հավաքներին, մշտապես օգտագործում էին «հանդիպում վարչապետի հետ» եզրույթը։ Այսինքն բոլոր դեպքերում նշված պաշտոնի և դրանից բխող հետրանքների ազդեցությունը ամեն կերպ օգտագործվում էր։ Բացի այդ, ցանկանում եմ տեղեկացնել, որ ընտրական գործընթացների ողջ շրջանում առաջին անգամ Հայաստանի Հանրապետությունում որպես իրավական փաստ արձանագրվեց իշխող ուժի կողմից վարչական ռեսուրսի չարաշահման հանգամանքը՝ Վարչական դատարանի կողմից կայացված վճռով»,-ասաց նա։

«Հայաստան» դաշինքի ներկայացուցչի խոսքով  ընտրություններին մասնակիցներից 100 հազարից ավելիի անձնագիրը չի աշխատել:

«Նորություն չէ, որ ընտրական ռեգիստրը և ցուցակները ուռճացված են։ Դա համակարգային խնդիր է, բայց մյուս կողմից ունենք իրավիճակ, երբ ընտրություններին մասնակցել է 49 տոկոսը և այդ մասնակիցներից 100 հազարից ավելիի անձնագիրը չի աշխատել, սա կարող է տարատեսակն ընտրակեղծարարական մեխանիզմների իրագործման գործիք լինել։ Առնվազն տարակուսելի է, թե ինչպես է ստացվում, որ ընտրական տեղամասերում, որոնցից որևէ մեկում վերահաշվարկ կատարվել է, «Հայաստան» դաշինքի ձայները շատանում են։ Նաև առհասարակ ընտրական իրավունքի իրացման մասով խնդիրները, որոնք Անձնագրային և վիզաների վարչությունն առաջացրեց։ Խոսքը հատկապես գնում է Արցախի Հանրապետությունից ստիպված Հայաստանի Հանրապետություն տեղափոխված մարդկանց մասով։ 100-ավոր, հազարավոր մարդկանց պարզապես թույլ չեն տվել մասնակցել ընտրություններին, բայց որոշներին էլ թույլ են տվել»,- ասաց նա։ 

ԿԸՀ նախագահ Մուկուչյանը, արձագանքելով այն դիտարկմանը, թե զինծառայողները քվեարկությանը մասնակցել են զինգրքույկներով, նշեց, որ միշտ է այդպես եղել, և նրանց համար զինգրքույկը անձը հաստատող փաստաթուղթ է:

Վարդևանյանը պատասխանեց՝ պետության կողմից իր գործողությունների կատարման տեսանկյունից եղել է թերություն.«Պետք էր մտածել մեխանիզմներ՝ ինչպես զինծառայողների ընտրության հարցն ապահովել, որ չլինեն 100 հազարից ավելի անձնագրեր, որոնք չեն աշխատում, որ չլինի այդ աստիճան մեծ ընտրական ցուցակ: Քարոզարշավի 12 օրերից 7-ի ընթացքում խոսում էր վենդետաների, գլխից խփելու, ասֆալտին փռելու մասին, դրան զուգահեռ՝ վարչական ռեսուրսների չարշահումներ»:

Վարդեւանյանը հավելեց, որ իրենց դիրքորոշումը հստակ է Սահմանադրական դատարանում նշված հարցերը համակցության մեջ և առանձին-առանձին բարձրաձայնելու են։

Այս թեմայով Ապօրինի գույքի բռնագանձման հերթական գործը. պահանջում են Հրազդանի նախկին քաղաքապետից բռնագանձել 11 անշարժ գույք Մենք պետք է համախմբվենք, իսկ դրա համար անհրաժեշտ է, որ պառակտման միջավայրը ստեղծած ուժը հեռանա. Վարդևանյան Իշխանության համար ավելի կարեւոր են ցուցարարներին ծեծող ոստիկանները, քան զինվորները․ Արամ Վարդեւանյան Հուլիսի 4-ին՝ 10:30-ին հավաքվենք Բաղրամյան-Դեմիրճյան խաչմերուկի այգում. Արամ Վարդեւանյան Մահացել է ԵՊՀ նախկին ռեկտոր Արամ Սիմոնյանը Ոստիկանները փորձում են ցույցը դիտարկել խուլիգանություն. Վարդեւանյան Արցախը 10-20, կամ 50 տարի հետո կարող է հասնել անկախության․ Արամ Սարգսյան Վարդեւանյան. Ընդդիմությունը չի մասնակցում նախագահի ընտրություններին՝ խախտումները չլեգիտիմացնելու համար Էրիկ Վարդանյանը և Արամ Քոչարյանը հեռացել են «Փյունիկ»-ից Ադրբեջանը օկուպացրել է ՀՀ ինքնիշխան տարածքը․ պահանջում եմ դիմել ՀԱՊԿ-ին