Հայկ ջան, հավատում եմ՝ մարդկային նորմալ զգացողություններ են արթնացել այդքան զոհից հետո, բայց դուխ էլ էր պետք. Վարդանյան

Հետաքրքիր ժամանակներ ենք ապրում. Վերջին օրերին լուռ հետևում եմ Մարության & ՔՊ փոխհրաձգությանը: Այս մասին Facebook-ի իր էջում գրել է Երեւանի ավագանու «Լույս» խմբակցության անդամ, «Պատիվ ունեմ» դաշինքի ցուցակում ընդգրկված Թեհմինա Վարդանյանը:

Նա, մասնավորապես, նշել է. «Արայիկ Հարությունյանը արդեն ոչ թե կուլիսներում, այլ եթերով Մարությանին մեղադրեց կապիտուլյանտին բացահայտ չսատարելու համար: Մեղադրո՞ւմ եմ Արայիկին: Ոչ: Արդարացի է, չէ՞ որ Կարգին Հայկոն մեկ անձի ռեյտինգի շնորհիվ է 2018 թվականին լոնք անելով հեղափոխությունից հետո մտել ՔՊ ու 81% քվե ստանալով դարձել քաղաքապետ Հայկ Մարության:

Արձակուրդ գնալու հարցում վերջինս ռեկորդակիր է: Արձակուրդ էր նաև քարոզարշավի օրերին: «Բկլիկ Ձկնիկը» լող տվեց, լող արեց, իջավ ջրի հատակը, մինչև կանցներ վտանգը: Որևէ մեկս կասկած չունենք նրա ինքնապաշտպանական բնազդի վրա: Ի դեպ, ընտրությունների հենց հաջորդ օրը մեր քաղաքապետը բրուտալ կերպարով վերադարձավ աշխատանքի ու սկսեց ապացուցել տղամարդկությունն ու սկսեց 3 տարի անց գործ անել:

Կապիտուլյացիայից հետո, շուրջ 8 ամիս Մարությանը լռեց, այնինչ իրեն ձայն տված քաղաքացիները ուզում էին լսել` ի՞նչ կարծիքի է երկրում ստեղծված ծանր ներքաղաքական իրավիճակի ու այո´, կապիտուլյացիայի ու վերջինս իրականացնող անձի մասին: Ի՞նչ արեց` լռեց:

Տարբեր շրջանակներում խոսում էին, որ դժգոհ է իր քաղաքական թիմից ու կոշտ է արտահայտվում իր վերադասի մասին: Ես և պրն. Խաժակյանը նոյեմբերին նախագիծ մուտք արեցինք, որով ուղերձ էինք հղում` կառավարության հրաժարականի պահանջով: Ի՞նչ արեց Մարությանը: 4 ամիս անց, օրենքի ուժով նախագիծը ներառեց օրակարգ: Չէ, կողմ չքվեարկեց: Նույնիսկ ձեռնպահ չքվեարկեց: Քվեարկեց դեմ:

Երեկ ՔՊ «ռահվիրանը»` armtimes-ը, մի ծավալուն հոդված գրեց` հասկացնելով Մարությանին` երիտասարդ, իրերդ հավաքիր, գնացքդ մոտենում է: Հոդվածը մեծ շուքով սկսեցին տարածել քպ-ականներ ու Մարությանի անմիջական ենթակայության տակ գտնվող մարդիկ:

Մարդ չուտի, չխմի, հետևի այս գզվռտոցին: Միմյանց արժանի են:

Հ. Գ. Էէէէէէհ Հայկ ջան, ասողին լսող էր պետք: Հավատում եմ, որ մարդկային նորմալ զգացողություններ են արթնացել երկիր կորցնելուց ու այդքան զոհ ունենալուց հետո: Անկեղծ հավատում եմ, բայց դուխ էլ էր պետք»:

Այս թեմայով Քիչ ա մնում՝ ներքնաշորը որպես կանգնակ դնեն․ ձեռքներդ սեղանին խփեք, ասեք՝ անօրինական կանգնակներ չդնեն Երևանում ժամանակին փառահեղ սանմաքրում կար, նետած իրեր ճանապարհին չէինք հանդիպում․ Թեհմինա Վարդանյան «Դասական վիճակ». Թեհմինա Վարդանյանի հմայիչ կերպարն ու Էդմոն Մարուքյանի հումորային մեկնաբանությունը (լուսանկար) Ինչո՞ւ ձեր սիրելի «Կարգին Հայկի» մասին մի գիշերում կարծիք փոխեցիք, կրկես է. Թեհմինա Վարդանյան Հայկ Մարությանը կորցրել է Երևանի քաղաքապետ լինելու բարոյական իրավունքը. «Լույս» խմբակցության անդամը ևս միացել է ստորագրահավաքին Լողացեք, նոր եկեք, որ քաբաբի հոտ չգա վրաներիցդ. Թեհմինա Վարդանյանը՝ իշխանականներին Չեմ պատրաստվում ներկա գտնվել այդ միջոցառմանը. Թեհմինա Վարդանյան Թեհմինա Վարդանյանի ֆեյսբուքյան էջը կոտրել են Մարդկանց աչքերն ու ականջներն այլևս կապել հնարավոր չէ. Թեհմինա Վարդանյան Իշխանության արտացոլանքն այսօր փողոցում է. Թեհմինա Վարդանյան