Ինչ կլինի, եթե Սահմանադրական դատարանը բավարարի «Հայաստան» դաշինքի՝ ընտրությունների արդյունքների բողոքարկումը

Եթե ​​Սահմանադրական դատարանը բավարարի «Հայաստան» դաշինքի բողոքարկումը, ապա իրավասու է կայացնել հետեւյալ որոշումները՝ անվավեր ճանաչել ընտրությունների արդյունքները, անվավեր ճանաչել ընտրությունների արդյունքները եւ սահմանել մանդատների բաշխման նոր կարգ, կամ ճանաչել ընտրությունների արդյունքները անվավեր եւ նշանակել ընտրությունների երկրորդ փուլ: Այս մասին NEWS.am-ի թղթակցի հետ հարցազրույցում ասաց «Հայաստան» դաշինքի ներկայացուցիչ, փաստաբան Ռոբերտ Հայրապետյանը:

«Եթե Սահմանադրական դատարանը կայացնի առաջին որոշումը, հանրապետության նախագահը պարտավոր կլինի հրամանագրով նշանակել նոր խորհրդարանական ընտրություններ: Եթե ​​դատարանն ընդունի վերը նշված որոշումներից երկրորդը, ապա այս որոշմամբ հստակ սահմանված կլինի մանդատների բաշխման կարգը, որի հիման վրա ԿԸՀ-ն համապատասխան որոշում կկայացնի: Եթե ​​ընդունվի երրորդ որոշումը, ապա հանրապետության նախագահը պարտավոր կլինի հրամանագրերով նշանակել ընտրությունների երկրորդ փուլ», - նշեց նա:

Ըստ Հայրապետյանի՝ կան բազմաթիվ մասշտաբային խախտումներ: Բողոքարկման հիմքում ընկած են կոնկրետ փաստեր՝ տեսանյութերի կամ փաստաթղթերի տեսքով:

Հայրապետյանը համոզմունք հայտնեց, որ եթե ՍԴ-ն դրանք օբյեկտիվորեն ուսումնասիրի, ապա հիմքեր կունենա առնվազն կասկածի տակ դնելու ընտրությունների արդյունքները:

««Հայաստան» դաշինքի կողմից ներկայացված փաստերը բավարար չափով հիմնավորված են, բավարար չափով ներկայացված է խախտումների սխեման, ինչպես նաեւ օրենքի առջեւ բոլոր քաղաքական ուժերի հավասարության սկզբունքի խախտման սխեման, որը Սահմանադրական դատարանի համար հիմք պետք է դառնա ընտրությունների արդյունքների անվավերության մասին որոշում կկայացնելու համար, կամ առնվազն այն մասին, որ դրանք կասկածի տակ են դրվում», - ընդգծեց փաստաբանը:

Նա հիշեցրեց, որ դիմումը ներկայացվել է հուլիսի 1-ին, եւ Սահմանադրական դատարանն ընդամենը 15 օր ունի գործը քննելու համար:

«Այսինքն՝ Սահմանադրական դատարանը պետք է որոշում կայացնի առավելագույնը մինչեւ հուլիսի 16-ը: Դատաքննությունը կլինի բանավոր: Թե՛ ԶԼՄ-ները, թե՛ քաղաքացիները հնարավորություն կունենան ուղիղ եթերով հետեւելու նիստին եւ հասկանալու, թե դատարանը ներկայացված ապացույցներից որն է բազմակողմանիորեն ուսումնասիրել, որը՝ ոչ: Առաջին անգամ կօգտագործվի Սահմանադրական դատարանի մասին օրենքի այն նորմը, որում ընտրախախտման կապակցությամբ դիմում կներկայացվի, եւ ոչ թե հայցվորը պարտավոր կլինի ապացուցել խախտման առկայությունը, այլ համապատասխան մարմինը պարտավոր կլինի ապացուցել, որ խախտում չի եղել», - եզրափակեց «Հայաստան» դաշինքի ներկայացուցիչը:

Հիշեցնենք, որ հունիսի 20-ին Հայաստանում անցկացվեցին Ազգային ժողովի արտահերթ ընտրություններ, որոնց արդյունքների համաձայն` նոր խորհրդարանում ներկայացվելու են երեք քաղաքական ուժեր` «Քաղաքացիական պայմանագիրը» (վարչապետի պաշտոնակատար Նիկոլ Փաշինյանի գլխավորությամբ), «Հայաստան» դաշինքը եւ «Պատիվ ունեմ» դաշինքը:

Ընտրություններից հետո «Հայաստան» դաշինքը եւ «Պատիվ ունեմ» դաշինքը հայտարարել են, որ չեն ճանաչում արտահերթ խորհրդարանական ընտրությունների արդյունքները եւ խախտումների պատճառով մտադիր են դիմել Սահմանադրական դատարան:

Այս թեմայով Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան ՈՒՂԻՂ. Ռեալիստների դաշինք․ նոր ընդդիմադիր քաղաքական ուժ է ստեղծվում Չորս գյուղ իրական Հայաստանից դարձավ պատմական Հայաստան․ պատմաբան Կա՞ն մարդիկ, ովքեր ցանկանում են ապրել այնպիսի Հայաստանում, որտեղ չեն ընդունում պատմական Հայաստանը․ Խոջաբաղյան