Սա քաղաքական հետապնդում է, քաղաքական ռեպրեսիա և տեռոր. Վահե Հակոբյան
ՏեսանյութերՀետապնդվում են «Վերածնվող Հայաստան» կուսակցության խորհրդի անդամները՝ Սյունիքի համայնքապետերը, որոնք նաև «Հայաստան» դաշինքի մասն են կազմում: Այս մասին այսօր՝ հուլիսի 13-ին, ասուլիսի ժամանակ հայտարարեց «Վերածնվող Հայաստան» կուսակցության ղեկավար, «Հայաստան» դաշինքի անդամ Վահե Հակոբյանը:
Նա հիշեցրեց, որ երեկ Մեղրիի համայնքապետ Մխիթար Զաքարյանը երկու ամսով կալանավորվեց, մինչ այդ կալանավորվել էր Քաջարանի համայնքապետ Մանվել Փարամազյան, երեկ միջնորդություն է ներկայացվել ԿԸՀ Սիսիանի քաղաքապետ Արթուր Սարգսյանին անձեռնմխելիությունից զրկելու վերաբերյալ, Գորիսի համայնքապետ Առուշ Առուշանյանի նկատմամբ նույնպես իրականացվում է քրեական հետապնդում. «Ինչո՞ւ այս ամենը եղավ ընտրություններից հետո: Պատասխանն ակնհայտ է, սա շատ ավելի խորքային արմատներ ունի, քան կարող է առաջին հայացքից թվալ, իսկ առաջին հայացքից թվում է, որ սա վրեժխնդրություն է: Մեր գնահատմամբ՝ սա քաղաքական հետապնդում է, քաղաքական ռեպրեսիա և տեռոր»,-ասաց Վահե Հակոբյանը:
Նա նաև անդրադարձավ ԱՄՆ դեսպանի հետ հանդիպմանը, նշելով, որ դեսպանի հետ ևս քննարկել են այն ամենը, ինչ խոսվում է այսօրվա ասուլիսին. «Երբ դեսպանի հետ խոսում էի այդ ժամանակ դեռ չկար Մխիթար Զաքարյանի այդ լկտի, կալանավորումը, այդ օրվա դրությամբ ամեն ինչ ես նրան ներկայացրել եմ, ինքն էլ շատ ուշադիր լսեց և ասաց, որ սա դեմոկրատական հիմքերի խոչընդոտ է, փորձելու է իր հերթին ամեն ինչ անել, որպեսզի մեր երկիրը զարգանա դեմոկրատական ճանապարհով»,- ասաց Վահե Հակոնյան: