Շանթ Սարգսյանը շախմատի աշխարհի գավաթի խաղարկության երկրորդ փուլում է

Շախմատի աշխարհի գավաթի խաղարկությունում կայացան առաջին տուրի երկրորդ փուլի հանդիպումները: «Արմենպրես»-ի հաղորդմամբ` Հայաստանի ներկայացուցիչներից կանանց պայքարում երկրորդ հաղթանակը տոնեց և երկրորդ փուլ դուրս եկավ Էլինա Դանիելյանը: 

Տղամարդկանց պայքարում Շանթ Սարգսյանը կրկին հաղթեց Կոլումբիայից իր մրցակցին և հաջորդ փուլում է:Թայ-Բրեյքում իր ուժերը կփորձեն Հովհաննես Գաբուզյանն, ում մրցակիցը Ֆրանսիայից Բիլել Բելաչեն է, ինչպես նաև Հայկ Մարտիրոսյանը: Լևոն Արոնյանը և Գաբրիել Սարգսյանը պայքարի մեջ կմտնեն երկրորդ փուլից: 

Ռեկորդային թվով հայ շախմատիստներ Հայաստանն այս տարի ներկայացնում են աշխարհի գավաթի խաղարկությունում: Տղամարդկանց խաղարկությունում Հայաստանը ներկայացնում են 5 շախմատիստ՝ Լևոն Արոնյանը, Գաբրիել Սարգսյանը, Հովհաննես Գաբուզյանը, Հայկ Մարտիրոսյանը և Շանթ Սարգսյանը։ Նշենք, որ այս թիվը ռեկորդային է Հայաստանի համար։ 2005 թվականից անցկացվող աշխարհի գավաթի խաղարկություններում հայ մասնակիցների թիվն առավելագույնը եղել է 4։

Կանանց մրցաշարում Հայաստանը ներկայացնում է Հայաստանի կանանց հավաքականի առաջատար Էլինա Դանիելյանը։

Շախմատի աշխարհի գավաթի խաղարկությունն այս տարի անցկացվում է ռուսաստանյան Սոչի քաղաքում: Տղամարդկանց մրցաշարին մասնակցում են 206, իսկ կանանց մրցաշարին 103 մասնակից: Այն կեզրափակվի օգոստոսի 6-ին:

Այս թեմայով Գրոսմայստեր Էլինա Դանիելյանը՝ Ավստրիայի թիմային չեմպիոն Հայաստանն աշխարհի ամենաշախմատային երկիրն է. Անդրեյ Տերեխով Ուղեղում Neuralink չիպ ունեցող առաջին հիվանդը շախմատ է խաղացել մտքով (տեսանյութ) Մարիամ Մկրտչյանը բրոնզե մեդալ է նվաճել Տաշքենդում Կայծակնային շախմատի մրցաշարում հայ շախմատիստները երկրորդ և երրորդ հորիզոնականներն են զբաղեցրել Women's Chess Championship մրցաշարում ամենաբարձր վարկանիշ ունեցող մասնակիցը Մարիամ Մկրտչյանն է Սերժ Սարգսյանը հանդիպում է ունեցել շախմատի՝ մարզային ֆեդերացիաների ներկայացուցիչների հետ Հայաստանի շախմատի պատանիների առաջնության արդյունքները Հայաստանի 10 լավագույն շախմատիստներն ու շախմատիստուհիները Հայաստանի արագ շախմատի առաջնության չեմպիոն՝ Մանուել Պետրոսյան, փոխչեմպիոն՝ Շանթ Սարգսյան