Ընդերքօգտագործողների համար ստեղծվում է ռացիոնալ կանխատեսումներից դուրս իրավիճակ. «Լիճքվազ»

«Լիճքվազ» ՓԲԸ-ն հայտարարություն է տարածել ՀՀ կառավարության օրենսդրական նախաձեռնության վերաբերյալ: Դրանում ասված է.

«Սույնով մեր մտահոգությունն ենք հայտնում ՀՀ կառավարության 12 հուլիսի 2021 թվականի N 1130 – Ա որոշմամբ անհետաձգելի համարված օրենսդրական նախաձեռնությամբ ՀՀ ԱԺ ներկայացված «Պետական տուրքի մասին» ՀՀ օրենքում փոփոխություն և լրացում կատարելու մասին» ՀՀ օրենքի նախագծի (այսուհետ՝ Նախագիծ) վերաբերյալ։ Մեզ համար տարակուսելի և սկզբունքորեն անընդունելի է արտահանման ներուժ ունեցող ոլորտում տնտեսվարման պայմանները խաթարող այս նախաձեռնությունը։

Նախագծի գործադրման դեպքում որոշ արտադրողներ կենթարկվեն գործունեության հարկադրված դադարեցման ռիսկի։ Ի լրումն դրա՝ խտանյութ արտադրողների համար ակնհայտ խնդրահարույց է այն, որ Նախագիծը ելնում է խտանյութերում օգտակար բաղադրիչների կոնկրետ պարունակության մասին վերապահումներից, հաշվի չի առնում ոլորտում տարբեր տնտեսվարողների առանձնահատկությունները, ընդերքօգտագործողների համար ստեղծում է ռացիոնալ կանխատեսումներից դուրս իրավիճակ և էապես վնասում ներդրումային միջավայրը Հայաստանում։ Մասնավորապես՝ նախատեսվող իրավակարգավորմամբ պղնձի խտանյութի յուրաքանչյուր տոննայի արտահանման լիցենզիաներ կամ թույլտվություններ կամ հավաստագրեր տրամադրելու համար սահմանվող դրույքաչափը որևէ կերպ չի պայմանավորվում խտանյութում պղնձի փաստացի պարունակությամբ։

Նախագծի հիմնավորման մեջ բերված հաշվարկում ենթադրվում է, որ արտահանվող խտանյութում պղնձի պարունակությունը 24% է, և Նախագծում որևէ տրամաբանություն կարող է լինել միայն այն դեպքում, եթե պղինձը խտանյութում հիմնական օգտակար բաղադրիչն է։ Սակայն Հայաստանում արտադրվում է նաև «Արտաքին տնտեսական գործունեության ապրանքային անվանացանկ» (ԱՏԳ ԱԱ) դասակարգչի 2603000000 ծածկագրին դասվող պղնձի խտանյութ, որում պղինձը հիմնական օգտակար բաղադրիչը չէ, պղնձի պարունակությունը էապես նվազ է հաշվարկի հիմքում դրված պարունակությունից և տատանվում է 7-13%-ի սահմաններում։ Այդպիսի խտանյութերի դեպքում կիրառելի չեն պղնձի 24% պարունակության վերապահումով կատարված հաշվարկները և Նախագծի այն հիմնավորումները, որոնք միտված են Հայաստանում պղնձի խտանյութի վերամշակման խորացմանը նպաստելուն։

Հորդորում ենք ՀՀ ԱԺ Տնտեսական հարցերի մշտական հանձնաժողովին Նախագծի քննարկմանը ներգրավել ոլորտի տնտեսվարողների, ընդերքօգտագործման համար անդառնալի վնասների ռիսկեր ենթադրող օրենսդրական իրողությունների տանող որոշումներից խուսափելու համար»։

Այս թեմայով Ապրիլի 25-ի դրությամբ հայ–ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն Ինչպես Կառավարության շենքից «անհետացան» Տավուշի սահմանամերձ համայնքների ղեկավարները (տեսանյութ) Տավուշի վարչական ղեկավարները կանչվել են կառավարություն. Բագրատ Սրբազան Ասել ու կրկին ասում եմ` Հայաստանում չի կարող լինել երկրորդ կառավարություն. Փաշինյան ԼՂ նախկին վերնախավը չի հրաժարվում թշնամական հարվածների փարոսիկի դերից. ՀՀ-ում մեկ կառավարություն կա Հայաստանի Հանրապետությունում բացի ՀՀ կառավարությունից, որևէ այլ կառավարություն չի կարող գոյություն ունենալ. վարչապետ Ոչ մի ԼՂ վտարանդի կառավարություն չկա, սա մարտահրավեր է մեր ազգային անվտանգությանը. Փաշինյան ՀՀ կառավարությունը 279 մլն 954 հզ․ դրամ է հատկացրել ՈւԵՖԱ-ի ֆուտզալի ՉԼ–ի եզրափակիչ մրցաշարի անցկացման համար Ադրբեջանը Բրիտանիային ընտրել է բարեկամ, պետք է պրոֆեսիոնալ, կամ գոնե ոչ տհաս կառավարություն. Դանիելյան Եթե կառավարություն, ապա բացառապես Արցախում. «Միասնական հայրենիք»