Արցախում վնասազերծվել է 56 պայթուցիչ, 5 ական, 30 հրթիռ, 6 արկ, կասետայի 2 ռումբ

2021 թվականի հուլիսի 19-ից 25-ն ընկած ժամանակահատվածում Արցախի ԱԻՊԾ ճգնաժամային կառավարման կենտրոնում գրանցվել է 804 զանգ, որից 33-ը՝ սոցիալ-կենցաղային պատահարի, 18-ը՝ հրդեհների մասին:

Ստացված 18 կանչից 16-ը բռնկվել է չոր խոտածածկ տարածքներում, 1-ը աղբանոցում, 1-ը՝ տրանսպորտում: Հրշեջ փրկարարները ժամանակին արձագանքել են բոլոր կանչերին և կատարել հրդեհաշիջման աշխատանքներ: Տուժածներ չկան:

Շաբաթվա ընթացքում 911 ահազանգման կենտրոնում ճանապարհատրանսպորտային պատահարի մասին ստացվել է 3 կանչ, որից մեկը գրանցվել է Ստեփանակերտում, մեկը Մարտունու շրջանում: Մահվան ելքով ավտովթար է տեղի ունեցել Ստեփանակերտ-Երևան միջպետական ճանապարհահատվածում: Ընդհանուր առմամբ, ՃՏՊ դեպքերից տուժել է 3 քաղաքացի, մեկը՝ մահացել է տեղում:

Սակրավորական ջոկատները գործընկեր կազմակերպությունների հետ անցած 7 օրվա ընթացքում Արցախի բոլոր շրջաններում ամենօրյա ռեժիմով իրականացրել են ինժեներահետախուզական աշխատանքներ: Վնասազերծվել է 56 պայթուցիչ, ականանետի 5 ական, 30 հրթիռ, թնդանոթի 6 արկ, կասետային 2 ռումբ:

Կենցաղային բնույթի 30 կանչ է գրանցվել: Բնակչությանը խմելու ջրով ապահովելու նպատակով կատարվել է 12 ելք: Փրկարարներն իրականացրել են դռան 4 և 2 վերելակի բացում:

Հուլիսի 19-ից 25-ն ընկած ժամանակահատվածում հանրապետության տարածքում արտակարգ 2 պատահար է տեղի ունեցել: Խնուշինակ համայնքի բնակիչը Ստեփանակերտ քաղաքի նորակառույց թաղամասի շինհրապարակում աշխատանքներ իրականացնելու ժամանակ ինքնաշեն գազազոդման սարքում առաջացել է պայթյուն, ինչի հետևանքով վերջինս մարմնական վնասվածքներով տեղափոխվել է բուժհաստատություն: Նրա առողջական վիճակը ծանր է:

Հաջորդ պատահարը տեղի է ունեցել Լիսագոր-Բերձոր ճանապարահատվածում: ՀՀ Արմավիրի մարզի Փշատավան գյուղի բնակիչն իր վարած «Ford Tranzit» մակնիշի ավտոմեքենայով՝ Ստեփանակերտ-Գորիս ճանապարահի 59-րդ կմ-ին, մոտ 150մ խորության վրա գլորվել է ձորը: Որոնողափրկարարական աշխատանքների արդյունքում վերջինիս դին փրկարարները դուրս են բերել ձորից և շտապ օգնության ավտոմեքենայով տեղափոխել Ստեփանակերտի «դատաբժշկական փորձաքննության բյուրո» ՊՈԱԿ:

Պատերազմական գործողությունների ընթացքում զոհված և մինչ օրս անհետ կորած համարվող զինծառայողների աճյունների որոնողական աշխատանքներ կատարելու նպատակով ԱԻՊԾ փրկարար ուժերի վարչության արագ արձագանքման հատուկ ստորաբաժանման օպերատիվ խմբերը շաբաթվա ընթացքում կատարել է 3 ելք: 2020 թվականի նոյեմբերի 13-ից մինչև 2021 թվականի հուլիսի 24-ը՝ որոնումների ընթացքում հայտնաբերվել և Ադրբեջանի կողմից Արցախի գրավյալ տարածքներից տարհանվել է 1615 աճյուն:

Այս թեմայով Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Ես էլ ձեռքերս կկտրեմ ու Տավուշից ոչինչ չեմ տա, Տավուշից ոչ ոք ոչինչ չի տալիս. ՔՊ-ական (տեսանյութ) Ինչ եղավ Արցախում, այսօր Տավուշում է լինում, կոմունիկացիաները կանցնեն թշնամու վերահսկողության տակ Բագրատ Սրբազանը հանուն հայրենիքի Արցախում էր, հիմա՝ Տավուշում «Փոքր ազգ» ղեկավարող ՀՀՇ-ական ռեժիմը լավ հավեսով թաթախվում էր մեծ հավակնությունների մեջ, որոնք հակաթուրքական չէին, ընդհակառակը՝ պրոթուրքական էին. քաղաքագետ «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին ՔՊ-ական կապիտուլյանտներ, Գրանադայից հետո գոռում էիք, թե անկլավները հանձնելու հարց չկա, բա սա ի՞նչ է. Շարմազանով Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Շահումյան գյուղի աղբավայրում հայտնաբերվել է մոտ 31 հատ հակատանկային ական. ժամանել են սակրավորները